Axar.az
یوخاری
17 اوکتیابر 2018


آنا دیلینی اؤیرنک - ایکینجی شخص تکی

آنا صحیفه آنا دیلی
12 Punto 14 Punto 16 Punto 18 Punto

بیتیشن شخص عوضلیکلرینین ایکینجی شخص تکینین اساس علامتی "ن" دور کی، آشاغیداکی شکیللرده ایشلنیر.

١. شهودی کئچمیش و شرط /یازسا/ فورماسیندا یالنیز"ن" ایشلنیر. مثالا: قالدین، گلدین، گؤرسن...

٢. فعلین نقلی کئچمیش، ایندیکی زامان، قطعی و غیر قطعی گلجک زامانی، لازیم/ یازاسی/ التزام- آرزو/ گرک یازام/ و واجب/ یازمالی/ شکیللرینده "سان- سن" اولار. مثاللار:

الف – نقلی کئچمیش: یازمیشسان، گؤرموشسن..

ب- ایندیکی زامان: یازیرسان، گؤرورسن...

ج- قطعی گلجک زامان: یازاجاقسان، گؤره جکسن..

د- غیر قطعی گلجک زامان: یازارسان، گؤررسن...

ه- لازیم شکیل: یازاسیسان، گؤره سیسن..

و- التزام- آرزو شکلی: گرک یازاسان..

ز- واجب شکیل: یازمالیسان، گؤرمه لیسن

ایکینجی شخص جمع:

ایکینجی شخص جمع ده بیتیشن شخص عوضلییینین اساس عنصورو "ز" حرفیدیر کی، مختلف یئرلرده جوربجور شکیلده ایشلنیر:

الف- فعلین شهودی کئچمیشی و شرطینده "یالنیز "ز" حرفی ایشلنیر. مثلا: یازدیز، یازساز...

ادبی دیلیمیزده بو "ز" حرقیندن اول دؤرد جشیدلی "ﹾنی- نی- نو- نۆ" شکیلچیلری ده علاوه اولونور. مثلا: یازدینیز، گلدینیز..

ب- فعلین امرینده، کؤک سس سیزله بیترسه، بیتیشن شخص عوضلییی دؤرد چشیدلی "ﹾین- ̂ ین- ون- ۆن" یا دؤرد چشیدلی " ﹾیز- ̂یز- وز- ۆز" ااولار. مثلا: گلینیز، گؤرونوز..

هر ایکیسی بیرلیکده ده ایشله نیر. و اگر فعلین کؤکو سسلی ایله قورتارارسا، ایکی سسلینی بیری-بیریندن آییرماق اوچون، یوخاریدا کی شکیلچیلردن اول " ی" سس سیزی ده علاوه اولار. مثلا: قورویون، سورویون..

ج- فعلین نقلی کئچمیش، ایندیکی، قطعی و غیر قطعی گلجک زامانلاریندا، هابئله لازیم/ یازاسی/ التزام- آرزو/گرک یازام/ و واجب/ یازمالی/ شکیللرینده دؤرد چشیدلی " ﹾسیز- سیز-سوز- سو̂ ز" و یا "ﹾسینیز- سینیز- سونوز-سۆنوز" شکیلچیلری ایشلنیر. مثاللار:

١- نقلی کئچمیش: قازمیشسینیز، گلمیشسینیز، گؤرموشسونوز..

٢- ایندیکی زامان: گلیرسینیز، گؤرورسونوز..

٣- قطعی گلجک زامان: گلجکسینیز، گؤره جکسینیز..

٤.غیر قطعی گلجک زامان: گلرسینیز، گؤررسینیز..

۵. لازیم شکیل: گله سیسینیز، گؤره سیسینیز..

۶. التزام-آرزو شکلی: گرک قازاسینیز، گرک گله سینیز..

۷. واجب شکیل: قازمالیسینیز، گلمه لیسیز، گؤرمه لیسینیز...

تاریخ
2017.07.15 / 10:55
مولف
Axar.az
شرح لر
دیگر خبرلر

آکادمیک: آنا دیلین‌ده دانیشماغی باجارمالیییق

فونتیکا: دیلده‌کی سسلر نئجه عمله گلیر؟ - آنا دیلینی اؤیرنک

« آنا دیلی » آدلانیر بیزیم ایلك درسلیگیمیز...شعر

نئجه یازاق: »اوللام« دئییل‏، »اولارام«دیر

میللی کیملیین محوی و آخماقلیغین باشلانغیجی...-الشاد یاقوبلو

آنا دیلی گونونه حصر ائدیلمیش «دییرمی ماسا» کئچیریلیب

دیلیمیزه یئنی داخیل اولان ۲۶۵۰ سؤز معین ائدیلدی

آذربایجان دیلینده نئچه سس وار

مجهول فعل‌لر سورونو

آنا دیلینی اؤیرنک - ائو اشیالاری آدلاری

خبر خطّی
 
Axar.az'da reklam Bağla
Reklam
Bize yazin Bağla