Axar.az
یوخاری
19 نویابر 2017


آنا دیلینی اؤیرنک -صائتلرین عوضلنمه سی

آنا صحیفه آنا دیلی
12 Punto 14 Punto 16 Punto 18 Punto

باشقا دیالئکت و لهجه لریمیزده اولدوغو کیمی، تبریز دیالئکتینده ده صائتلرین عوضلنمه سی دئدیکده، ادبی دیلده کی معین سسین یئرینده دیالئکتده هانسی سسین ایشلنمه سی نظرده توتولور.

آ< ٲ عوضلنمه سی تبریز دیالئکتینده سؤزون اولینده، اورتاسیندا و سونوندا تصادف اولونور.

سؤزون اولینده: ٲشاقی، ٲلو (آلوو)، ٲلماس، ٲسلان، ٲلما، ٲیاخ

سؤزون اورتاسیندا: ناغیل< نغیل، قارقا< قرقا، حالوا<حلوا، پاخلا< پخله، کاروان<کروان..

سؤزون سونوندا: بالاجا< بالاجه، دونیا< دونیه، اوستا< اوسته

بو دیالئکتده بعضی ایکی حجالی سؤزلرین بیرینجی حجاسینداکی ٲ سسینین تعثیری ایله سونراکی حجا دادا آ سسی ایله عوضلنیر. مثلا: قره، قردش، خرمن، منقل...

آ< ٲ عوضلنمه سی اساسا تبریز دیالئکتینده و اورمییه لهجه سینده داها چوخ راست گلینیر.

ێ< ی عوضلنمه سی- بو عوضلنمه تبریز دیالئکتی اوچون ان چوخ راست گلینن فونه تیک حادیسه دیر. ێ سسینین اینجه لشمه سی سؤزون اورتاسیندا و سونوندا اؤزونوگؤستریر. لاکن سؤزون سونوندا داها گئنیش یاییلمیشدیر.

سؤزون اورتاسیندا: نغیل ، عقیل ، پیچاق ، قیز ، قه ییش..

سؤزون سونوندا: قاپی، باجی،آیی..

او< ۏ -بو فونه تیک عوضلنمه تبریز دیالئکتینده یون<ی ۏن، بو گون< ب ۏی ۏن، یوماخ< ی ۏماخ، کوزه< ک ۏزه سؤزلرینده مشاحده ائدیلیر.

آ < ئ عوضلنمه سی تبریز دیالئکتینده گئنیش یاییلمیشدیر.مثلا: قئیماخ، ائیران، قئینه ماخ، قئییش..

ٲ< آ عوضلنمه سی تبریز دیالئکتینده آلینما سؤزلرده اؤزونو گؤستریر.مثلا: دوشمان، تازا، بارابار، قابول، داسمال، نییات-نییئت..

بو عوضلنمه یه جنوبی آذربایجانین ماراقا لهجه سینده: خابر، حایاط، قابول، اورمییه لهجه سینده: دانه، طارف، اردبیل لهجه سینده جییار، خانچال، فورسات، جاللات، جافا.. سؤزلرینده راست گلمک اولار.

ۏ< او آذربایجان دیلینین دیالئکت و لهجه لرینده محدود دایره ده ایشلنن بو عوضلنمه یه تبریز دیالئکتینده آلینما سؤزلرین ترکیبینده تصادف ائدیلیر. مثلا:دوشمان،مومکین، ظولمات، ظولوم..

ی< ێ عوضلنمه سی تبریز دئالئکتینده سؤزون اولینده و اورتاسیندا مشاحده ائدیلیر. مثلا: سؤزون اولینده:

ێلدێرێم، ێشێق ، ێلان، ێلێخ..

سؤزون اورتاسیندا: سێچان، قێسمات، یعقێن، قێیمات..

ؤ< او عوضلنمه سی تبریز دیالئکتینده اساسا سؤزون بیرینجی حجاسیندا اؤزونو گؤستریر. مثلا: اؤلاد- اولاد، کؤهنه- کوهنه، مؤضوع- موضو..

ی< آ – تبریز دیالئکتینده سؤزون اورتاسیندا د، ج، ز، ب، م صامتلریندن اول ی سسی آ سسی ایله عوضلنیر. مثلا: پامادور، جاهاز- جهیز، ابریشیم- ابریشام، صاحیب- صاحاب..

ی< او- شیمال- شومال، تندیر- تنیر، ایچیردوخ، سئویردیک- سؤییردوخ

تاریخ
2017.11.15 / 11:52
مولف
آینورا مممدووا
شرح لر
دیگر خبرلر

آنادیلینی اؤیرنک - تبریز دیالکتینده قیسا صایتلر

آنا دیلینی اؤیرنک - آذربایجن دیلینین تبریز دیالکتی

آنا دیلینی اؤیرنک - نطق ائتیکئتلری

آنا دیلینی اؤیرنک - "بلی- یوخ- خییر- یاخشی"

آنا دیلینی اؤیرنک -خیطاب

آنا دیلینی اؤیرنک- آرا سؤزلر

بو سؤزلرین دیلیمیزده‌کی قارشیلیغی تصدیقلندی - سیاهی

آنا دیلینی اؤیرنک - اداتلارین معناجا نوعلری

آنا دیلینی اؤیرنک -ادات

آنا دیلینی اؤیرنک - باغلاییجیلار

خبر خطّی
 
  
  
  
  
Axar.az'da reklam Bağla
Reklam
Bize yazin Bağla