Axar.az
یوخاری
23 اوکتیابر 2018


آنا دیلینی اؤیرنک - وورغو

آنا صحیفه آنا دیلی
12 Punto 14 Punto 16 Punto 18 Punto

وورغو سؤزون آهنگدار تلفظ اولونماسیندا و معنانین معینلشدیریلمه سینده مهم رول اویناییر. بعضی استثنالاری نظره آلماساق، آذربایجان دیلینده و اونون دیالکتلرینده وورغونون یئری ثابتدیر، یعنی همیشه سؤزون آخرینجی هجاسینین صایتی اوزرینه دوشور. تبریز دیالئکتینده ده وورغو ایله باغلی بیر سیرا فرقلنمه لر باش وئریر. بو دا دیالئکتین اؤزونه مخصوص تلفظ خصوصیتلرینه مالیک اولدوغونو گؤستریر.

١. بعضی سؤزلرده وورغو سونونجو صایتین دئییل، بیرینجی هجانین صایتی اوزرینه دوشور. یاخچی، انجیل، بالیخ..

٢. بیر سیرا مرکب سؤزلرده وورغو بیرینجی صایتی اوزرینه دوشور. مثلا: قینانا، قیناتا، قره یارا، قیرخ یاشار (بیبرین بیر نوعو)، آغیز آجیسی(هلوانین بیر نوعو )، اؤزی قاشدی(قوش آدی )، قییشدیدی (اویون آدی).

٣. ایکینجی شخص منصوبیت شکیلچیلی اسملرین یؤنلوک و تاثیرلیک حاللاریندا وورغو بیرینجی هجایا دوشور. مثلا: قاشووا، اوغلووا، قیزووا، ایتووه، قاشیوی، نه نه وی..

٤. قوشالاشان صامتلی سؤزلرده وورغو اونلاردان اولکی صایتین اوزرینه دوشور: کسسخ، ، اوتتوز، قاررانقوش، قیسسا..

۵. امر شکلینین ایکینجی شخص وورغو تکینده سؤزون بیرینجی هجاسینا دوشور. مثلا: دانیش، گئتگینن، باخگینن، ایته له...

۶. ایندیکی زامانین ایکینجی شخص تکینده وورغو سؤزون بیرینجی هجاسینا دوشور. مثلا: بولوسن، به یه نیسن، ایچیسن، گؤروسن..

۷. ایندیکی و غیری- قطعی گلجک زامانلارین اوچونجو شخص جمعینده وورغو سؤزون بیرینجی هجاسینا دوشور. مثلا: قویاللا، یازاللا، سایاللا..

٨.قطعی گلجک زامانین –آجاق، -اجک شکیلچیسی ده وورغو قبول ائتمیر. مثلا: قالاجاق// قالجاق، قویجاق، یاتاجاق، چاتاجاق "یوکله مک"، گوله جاق، گوپسه یه جاق "ییخماخ".

٩. فعلین شرط شکلینده وورغو – سا، سه شکیلچیسیندن اولکی صایتین اوزرینه دوشور. مثلا: گؤزله سام، چیخارساخ، توخداسوز، آجالسا "آجسا" ،جورلشسه...

١٠. فعلین شرط شکلینین مرکب فورماسیندا وورغو –سه شکیلچیسینین اوزرینه دوشور. مثلا: ساحلاسئیدیم، ساحلاسئیدوز، ساحلاسئیدیلا..

تاریخ
2017.12.20 / 12:30
مولف
آینورا مممدووا
شرح لر
دیگر خبرلر

آکادمیک: آنا دیلین‌ده دانیشماغی باجارمالیییق

فونتیکا: دیلده‌کی سسلر نئجه عمله گلیر؟ - آنا دیلینی اؤیرنک

« آنا دیلی » آدلانیر بیزیم ایلك درسلیگیمیز...شعر

نئجه یازاق: »اوللام« دئییل‏، »اولارام«دیر

میللی کیملیین محوی و آخماقلیغین باشلانغیجی...-الشاد یاقوبلو

آنا دیلی گونونه حصر ائدیلمیش «دییرمی ماسا» کئچیریلیب

دیلیمیزه یئنی داخیل اولان ۲۶۵۰ سؤز معین ائدیلدی

آذربایجان دیلینده نئچه سس وار

مجهول فعل‌لر سورونو

آنا دیلینی اؤیرنک - ائو اشیالاری آدلاری

خبر خطّی
 
Axar.az'da reklam Bağla
Reklam
Bize yazin Bağla