Axar.az
یوخاری
21 نویابر 2018


مرکب سؤزلر و اونلارین یازیلیشی

آنا صحیفه آنا دیلی
12 Punto 14 Punto 16 Punto 18 Punto

آنا دیلینین قراماتیکاسی

مرکب سؤزلر بیلدیییمیز کیمی ایکی و داها آرتیق سؤزون بیرلشمسیندن یارانیر. مثلا ککلیک اوتو (ککلیک+اوتو)، قوش اوزومو(قوش+اوزومو)، قارااغاج(قارا+آقاج)

مرکب سؤزلر آشاقیداکی قایدالارلا عمله گلیر:
ایکی و بعضا اوچ ساده سؤزون بیرلشمسیندن یارانان مرکب سؤزلر: مثلا ال- اوز- یویان، آق- ساققال، شوشه- بند ....
یاخین معنالی ایکی سؤزون بیرلشمسیندن یارانان مرکب سؤزلر: تانیش- بیلیش، ال- آیاق، باغچا- باغ؛ چال- چاقیر...
عینی سؤزلرین تکراری ایله یارانان مرکب سؤزلر: باش- باشا، اوزبه اوز، یاواش-یاواش، تئز- تئز، قاریش- قاریش...
عکس معنالی سؤزلرین بیرلشمسیندن یارانان سؤزلر: گئجه- گوندوز، داغ- دره، یاخشی- پیس، ایری- دوز..
مرکب سؤزلر نئچه جور یازیلیر:
مرکب سؤزو تشکیل ائدن سؤزلرین هر بیرینین مستقل وورغوسو اولارسا، سؤزلر آیری- آیری یازیلار و آرالارینا خط قویولمور. مثلا: قارا دنیز، دان اولدوزو، ائل گؤلو...
یاخین معنالی و عکس معنالی سؤزلردن دوزلن مرکب سؤزلرین آراسیندا خط یازیلیر. مثلا: دام- داش، ائو- ائشیک
عینی سؤزلرین تکراریندان عمله گلن مرکب سؤزلرین آراسیندا "با- به- ها" شکیلچیلری اولارسا، بیتیشیک، اولماسا خطله(-) یازیلیر.مثلا: دابادال، یانبایان؛ قاچا- قاچا، یاواش- یاواش
مرکب سؤزون ترکیبینده اولان سؤزلرین بیر وورغوسو اولسا بیتیشیک یازیلیر.مثلا: قاراداغ، قارا قاش، قازآیاقی...

کوک وشکیلچیلر
دیلیمیزده بیر سؤزدن مختلف معنالی یئنی سؤزلر دوزلتمک ایستدییمیز زمان او سؤزون آخرینه بیر و یا بیر نئچه حرفین بیرلشمسیندن یارانان شکیلچیلر آرتیریلیر. بو شکیلچیلرین مثتقل معناسی اولماز. مثلا داغ+ لیق
سؤزون اوزونه کؤک و یا ساده کؤک، آرتیریلان حصه یه شکیلچی و عمله گلن یئنی معنالی سؤزه دوزلتمه سؤز دئییلیر. دئمک بورادا "داغ" سؤزو کؤک، "لیق" حصه لری شکیلچی و "داغلیق" سؤزو دوزلتمه سؤز آدلانیر.

شکیلچیلرین نوعلری
دیلیمیزده چوخلو شکیلچیلر واردیر کی اونلار دا ایکی یئره بولونور:
سؤزدوزلدیجی شکیلچیلر- بیر سیرا شکیلچیلر سؤزه علاوه اولونارکن سؤزون معناسی دییشیب تزه معنالی سؤز یارانیر. بو زمان همین شکیلچیلر سؤزدوزلدیجی شکیلچیلر آدلانیر. مثلا : چی/ لیق/ لی/سوز
سؤزدییشدیزیجی شکیلچیلر- دیلیمیزده ائله شکیلجیلر ده واردیر کی سؤزه اولونارسا، اونون فقط ظاهری شکلینی دییشدیریر. لاکن معناسیندا هچ بیر دییشیکلیک عمله گتیرمیر. مثلا باغچا+ دا- باغچادا، تبریز+ دن- تبریزدن. بئله شکیلچیلره سؤز دییشدیریجی شکیلچیلر آدلانیر.

تاریخ
2018.11.09 / 11:33
مولف
آینوره مممدووا
شرح لر
دیگر خبرلر

آذربایجان" سؤزو بون‌دان سونرا بئله یازیلاجاق"

آنا دیلی - مرکب سؤزلر و اونلارین یازیلیشی

آنا دیلی - ایسملرده منسوبیت

آنا دییلی - اسملرین قورولوشجا نوعلری/ ویدئو

آنا دیلی - نطق حصه لری

آذربایجان دیلین‌ده بعضی سؤزلرین تلفظو

آذربایجان دیلینین گراماتیکاسی

آنا دیلینین گراماتیکاسی

آنا دیلیمیزین گراماتیکاسی

آنا دیلی-الیفبا

خبر خطّی
 
Axar.az'da reklam Bağla
Reklam
Bize yazin Bağla