Axar.az
یوخاری
19 دکابر 2018


آنا دیلی - ایسملرده منسوبیت

آنا صحیفه آنا دیلی
12 Punto 14 Punto 16 Punto 18 Punto

آذربایجان دیلینین قراماتیکاسی

بیر شئیین بیر شخصه منسوب و یا عاید اولدوغونو بیلدیرمک اوچون، اسمین آخرینه معین شکیلچی آرتیرارلار. مثلا اگر "کتاب" سؤزونون آخرینه "یم" شکیلچیسی علاوه اولونارسا، کتابین منه مخصوص اولماسی معلوم اولور. اگر اونون آخرینه "یمیز" شکیلچیسی آرتیرساق، کتابین بیزه مخصوص اولدوغو بیلینیر. اگر بو شکیلچیلرله سؤزون آراسینا جمع علامتی اولان "لار" شکیلچیسی ده علاوه ائتسک، کتابلارین منه "کتابلاریم" مخصوص اولدوغو بیلینیر. منسوبیت مفهومو یارادان بئله شکیلچیلره منسوبیت شکیلچیلری دئییلیر. دیلیمیزده ایشلنن منسوبیت شکیلچیلری شخسلره گؤره بونلاردیر.

١. بیرینجی شخصین تکینه گؤره منسوب اولاندا:

الف- عاید اولان تک اسم سسسیز ایله بیترسه، منسوبیت علامتی دؤرد جور" ﹾیم- ̂یم- ۇم- و̂م" اولور: کتابیم- قوزوم- گولوم..

ب- عاید اولان تک اسم سسلی ایله بیترسه، ایکی سسلی یان- یانا گله بیلمه دییی اوچون، یوخاریداکی شکیلچیلرین صائتلری دوشور و منسوبیت علامتی فقط "م" حرفی قالیر. مثلا:آنام، باجیم، آتام..

ج- عاید اولان اسم جمع فورماسیندا اولارسا، اسمه "لار- لر" جمع علامتی علاوه اولار و اوندان سونرا منسوبیت علامتی " ﹾیم- ̂یم" گلر. مثلا: باجیلاریم، گوللریم، ائولریم.

٢. بیرینجی شخص جمعه منسوب اولاندا:

الف- عاید اولان تک اسم سس سیزله بیترسه، منسوبیت علامتی دؤرد جور" ﹾیمیز۴"\ ﹾیمیز- ̂یمیز- ۇموز- ۆموز\ شکلینده یازیلیر. مثلا: کتابیمیز، وطنیمیز، یوردوموز..

ب- عاید اولان تک اسم سسلی ایله بیترسه، ایکی سسلی یان-یانا گله بیلمه دییی اوچون، یوخاریداکی شکیلچیلرین بیرینجی سسلیلری دوشور و منسوبیت علامتلری " ﹾمیز- ̂میز-موز- مۆز" اولار. مثلا: گۆزگومۆز، آنامیز..

ج- عاید اولان اسم جمع فورماسیندا اولارسا، اولجه اسمه جمع علامتی "لار- لر" علاوه اولار و اوندان سونرا فقط ایکی جور " ﹾیمیز- ̂یمیز" منسوبیت شکیلچیسی آرتیریلیر. مثلا: کتابلاریمیز، قویونلاریمیز..

٣. ایکینجی شخصین تکینه منسوب اولاندا:

الف- عاید اولان تک اسم سس سیزله بیترسه، منسوبیت علامتی دؤرد جور" ین۴" \ ̂ین- ینﹾ- ون- و̂ن\ اولار. مثلا: کتابین- وطنین- یوردون..

ب- عاید اولان تک اسم سسلی ایله بیترسه، ایکی سسلی یان-یانا گله بیلمه دییی اوچون، یوخاریداکی شکیلچیلرین بیرینجی سسلیلری دوشور و منسوبیت علامتلرییالنیز "ن" قالار. مثلا: آنان، گوزگون..

ج- عاید اولان اسم جمع فورماسیندا اولارسا، اولجه اسمه جمع علامتی "لار- لر" علاوه اولار و اوندان سونرا فقط ایکی جور "ﹾین- ین̂ " منسوبیت شکیلچیسی آرتیریلیر. مثلا: کتابلارین- گوللرین..

۴. ایکینجی شخص جمعه عاید اولاندا:

الف- عاید اولان تک اسم سس سیزله بیترسه، منسوبیت علامتی دؤرد جور " ﹾینیز٤- یز٤" ﹾینیز- ̂ینیز- ونوز - ۆنوز \ اولار. مثلا: کتابینیز، وطنینیز، یوردونوز...

ب- عاید اولان تک اسم سسلی ایله بیترسه، ایکی سسلی یان-یانا گله بیلمه دییی اوچون، یوخاریداکی شکیلچیلرین بیرینجی سسلیلری دوشور و منسوبیت علامتلری "نیز-̂ نیز- نۇز - نوز̂ اولار. مثلا: آنانیز، ننه نیز، گوزگونوز..

۵. اوچونجو شخصین تکینه منسوب اولاندا:

الف- عاید اولان تک اسم سس سیزله بیترسه، منسوبیت علامتی دؤرد جور " ﹾی٤"\ ﹾی- ̂ی- و - ۆ \ اولار.مثلا: کتابی، وطنی، یوردو...

ب- عاید اولان تک اسم سسلی ایله بیترسه، ایکی سسلینی بیر-بیریندن آییرماق اوچون کلمه ایله شکیلچی آراسینا "س" حرفی علاوه ائدیلیر. مثلا: آناسی، گمیسی، باجیسی...

ج- عاید اولان اسم هم ده شخص جمع فورماسیندا اولارسا، اولجه جمع علامتی "لار-لر" علاوه اولار و اوندان سونرا ایکی جور \ ﹾی- ̂ی\ شکیلچیسی قوشولور. مثلا: آنالاری، آرزولاری، یوردلاری.. شخصین تک و یا جمع اولماسی اسمدن اول گلن عوضلیکدن بیلینیر.اسملرین آشاقیدا وئریلن نمونه لرینده منسوبیت علامتلرینی آیدین گؤرمک اولار:

تک -------------------- جمع ده

منیم کتابیم، آنام بیزیم کتابیمیز، آنامیز

سنین کتابین، آنان سیزین کتابینیز، آنانیز

اونون کتابی، آناسی اونلارین کتابلاری، آنالاری

تاریخ
2018.11.19 / 09:58
مولف
آینورا مممدووا
شرح لر
دیگر خبرلر

آنا دیلیمیزده اوزلیک نیطق حیصه‌سی

آنا دیلین‌ده غیر معین سایلار

آنا دلیمیزده سیرا سایلاری

آنا دیلینده سای (نیطق حیصه‌سی)- ویدئو

آنا دیلیمیزده صفتین درجه لری - ویدئو

تورکییه‌ده آذربایجان دیلی درسی: محتشم تدریس - ویدئو

دیل‌چی عالیمین دیلله باغلی یازی‌سی اله سالین‌دی – همکاری نلر دئدی؟

آذربایجان دیلینین گراماتیکاسی: صیفتین نؤعلری - ویدئو

آنا دیلی/ جمله‌نین باش عضولری. اسملرده خبر علامتی - ویدئو

«آذربایجان دیل آکادمییاسی یارادیلسین» - تبریزلی میلت وکیللردن طلب

خبر خطّی
 
Axar.az'da reklam Bağla
Reklam
Bize yazin Bağla