Axar.az
یوخاری
19 دکابر 2018


آنا دیلیمیزده صفتین درجه لری - ویدئو

آنا صحیفه آنا دیلی
12 Punto 14 Punto 16 Punto 18 Punto

آذربایجان دیلینین قراماتیکاسی

صفتلر جمله داخیلینده اساسا اسملری تعیین ائدر، یعنی اونلارین مختلیف علامتلرینی بیلدیریر. صفتلرده تعیین ائتمه درجه سی بعضا آز و بعضا چوخ اولا بیلر. بعضا ایکی شئیین عینی بیر علامتی مقایسه ائدیلر. بورادان دا صفتین تعیینلیک درجه سی موضوعو مئئدانا گلیر. صفتین بو خصوصیتی اونو باشقا نطق حصه لریندن فرقلندیریر، یعنی بو مسله یالنیز صفته عایددیر. صفتین اساسا ۳ تعیین ائتمه درجه سی وار. بونلار آشاغیداکیلاردان عبارتدیر:

١. عادی درجه: بو درجه ده اولان صفتلر شئیلرین علامتینی عادی شکیلده بیلدیریر. بو درجه بوتون درجه لر اوچون معیار حساب اولور. مثلا: قیرمیزی لاله، یاخشی انسان، چالیشقان شاگرد...
٢. آزالتما درجه سی: بو درجه شئیلرده کی علامت، صفت و کئیفیتین عادی درجه دن آز اولدوغونو بیلدیریر. مثلا "ساری" صفتی عادی بیر رنگی بیلدیریر، لاکن "ساریمتیل" صفتی ساریلیقدان چوخ آز ساری رنگی، سارییا چالان رنگی بیلدیریر.
صفتین بو درجه سی آشاغیداکی شکیلچی و سؤزلرله دوزه لیر:
الف) اﹾیمتیل- ̂یمتیل- ومتول- ۆمتول- بو شکیلچیلری صفتلرین کؤکلرینه علاوه ائتمکله صفتلر دوزلیر کی، کئیفیتین عادی درجه دن آز اولدوغونو بیلدیریر. مثلا: قیرمیزیمتیل، ساریمتیل، گؤیومتول..
ب) سوﹾو- بو شکیلچینین صفتلره آرتیریلماسی ایله صفتلر عادی درجه دن آزی بیلدیریر. مثلا: اوزونسوو، دلی سوو..
ج) تهر- بو شکیلچی صفتلردن ائله صفتلر یارادیر کی، اونلاردا کی کئیفیت عادی درجه دن چوخ آزدیر. مثلا: قیرمیزی تهر، اوزون تهر..
د) متراق- مثال: قیرمیزیمتراق..
ه) آلا- صفتین اولینده ایشلنن بو سؤزله صفتلر دوزه لیر کی، کئیفیتین آزلیغینی، ضعیفلییینی بیلدیریر. مثاللار: آلاقارانلیق، آلایاریمچیق..
و) شین- بو شکیلچی علامتین عادی درجه دن خئیلی آز اولدوغو صفتلر یارادیر. مثال: قاراشین، ساریشین..
ز) آچیق- صفتلرین اولینه قوشولان بو سؤز کیچیلتمه درجه سی یارادیر. مثلا: آچیق ساری، آچیق قارا..
٣. چوخالتما درجه سی: صفتین بو درجه سی واسطه سیله دوزه لن صفتلرده کئیفیت، علامت و صفتین مقداری عادی درجه یه نسبتن آرتیر. بو درجه نین علامتی"جا-جه" شکیلچیسیدیر. مثاللار: خیرداجا، کؤرپه جه
صفتین ایلک هجاسینین سون سامتینین "م، پ،رس سامتلریندن بیری ایله عوض اولونماسی و صفتین تکرار اونا قوشولماسی ایله صفتین چوخالتما درجه سی ده دوزه لیر. مثلا: گؤی-گؤم گؤی، قیرمیزی- قیپ قیرمیزی.صفتین ایلک هجاسی صائتله بیترسه، بو سامیتلردن بیری همین هجایا قوشولور. مثلا: یاشیل- یامیاشیل، ساری- ساپساری
عادی درجه ده اولان صفتلرین اولینه ان، لاپ، چوخ، داها، اولدوقجا عداتلاریندان بیری، دوم حصه جیی و زیل و توند سؤزلری آرتیریلیر. مثاللار:
عداتلار و زیل سؤزو آیری، دوم حصه جیی بیتیشیک، توند ایسه تیره ایله یازیلیر. مثاللار: ان گؤزل، لاپ یاخشی، چوخ ماراقلی، داها عاقیللی، اولدوقجا باجاریقلی، زیل قارا، دوماغ...

تاریخ
2018.12.03 / 11:33
مولف
آینوره مممدووا
شرح لر
دیگر خبرلر

آنا دیلیمیزده اوزلیک نیطق حیصه‌سی

آنا دیلین‌ده غیر معین سایلار

آنا دلیمیزده سیرا سایلاری

آنا دیلینده سای (نیطق حیصه‌سی)- ویدئو

تورکییه‌ده آذربایجان دیلی درسی: محتشم تدریس - ویدئو

دیل‌چی عالیمین دیلله باغلی یازی‌سی اله سالین‌دی – همکاری نلر دئدی؟

آذربایجان دیلینین گراماتیکاسی: صیفتین نؤعلری - ویدئو

آنا دیلی/ جمله‌نین باش عضولری. اسملرده خبر علامتی - ویدئو

«آذربایجان دیل آکادمییاسی یارادیلسین» - تبریزلی میلت وکیللردن طلب

حال شکیلچیلرینین مختلف معنالی سؤز یاراتماسی

خبر خطّی
 
Axar.az'da reklam Bağla
Reklam
Bize yazin Bağla