Axar.az
یوخاری
22 اییول 2018


«قوشلار داها قورخمورلار» – روقییه کبیری

آنا صحیفه ادبیات
12 Punto 14 Punto 16 Punto 18 Punto

آذربایجان‌دا دا کیفایت قدر تانینان گونئی‌لی یازار روقییه کبیرینین یئنی کیتابی ایران‌دا آذربایجان دیلین‌ده ایشیق اوزو گؤروب.

آخار. آذ خبر وئریر کی، «قوشلار داها قورخمورلار» رومانی نیلوفر و نرگیس آدلی ایکی فرقلی نسیلدن اولان قادینین حیات حکایه‌سی‌دیر. رومان‌داکی حادثه‌لر خوی شهرین‌ده ایرانین ایکی اؤنملی تاریخی دؤنمین‌ده - ۱۹۴۵ و ۱۹۷۹-جو ایللرده باش وئریر. میللی حکومتین قورولوشو و حکومتین داغیلماغیندان سونراکی مهاجیرت مسئله‌سی نیلوفرین یاشاییشین‌دا ایز بوراخیرسا، ۱۹۷۹-جو ایل اینقیلابی، اوسته‌لیک اینقیلابدان آسیلی اولان حادثه‌لردن سونرا ضیالیلارین و سولچولارین مهاجیرتی ده نرگیسین یاشاییشین‌دا ایز بوراخیر.
بو رومان تاریخی رومان دئییل، بونونلا بئله، تاریخی حادثه‌لر موختار، نریمان، خان آغا و سلیمان کیمی اوبرازلارین یاشاییشلارینی چک-چئویر ائدیر.

قید ائدک کی، «قوشلار داها قورخمورلار» رومانی روقییه کبیرینین ایشیق اوزو گؤره‌ن اوچونجو رومانی‌دیر. سون بئش ایلده «ائویم» و «یئردن اوجا تورپاق» رومانلاری، «اورییم آغریییر»، «بو قاپی هئچ چالینمایاجاق»، «ایچیم‌دکی قیز» اونلاین یازیلاری و «دونیا قابار چالیب، یولداش» حکایه کیتابلاری و چین سفریندن بحث ائد‌ن «ساچاقدان آسیلمیش اژدها» آدلی سفرنامه‌سی ایشیق اوزو گؤروب. اوسته‌لیک «اؤزبکیستان سفرنامه‌سی» کیتابی دا ایرانین ارشاد ناظیرلییندن اجازه آلیب و چاپا حاضرلانیر.

«اورییم آغریییر» حکایه توپلوسو و «ائویم» رومانی باکی‌دا قانون نشریاتی طرفیندن چاپ اولونوب. اوسته‌لیک، ۲۰۱۲-جی ایلده «آزادلیق» رادیوسونون کئچیردیی حکایه مسابیقه‌سین‌ده «موایل» آدلی حکایه‌سی ۱۸۰ اثرین ایچینده بیرینجی اولماغی باجاریب. یازیچینین «قار یاغیر» آدلی حکایه‌سی اساسین‌دا قادیر فریورین رئژیسسورلوغو ایله «قارال» آدلی فیلم چکیلیب.

تاریخ
2017.01.19 / 15:46
مولف
آیتاج قدیراوا
شرح لر
دیگر خبرلر

بیر حیکایه‌دیر تبریز! - سوسن نواده رضی

مندن اؤنجه دار آغاجی‌نین ایپیندن آسلانیب...- حسین مصری

سئوگیدنمی‌ یوخسا دویدوق؟ - آشیق جونون

بئله دوشونمک اولار کی، ائیواز نیگارلا…- کوروغلو داستانی

داها اوزولمیین، دوستلار، داها مندن قورخمایین... - شعر

غرورون ائوینی ییخار دئییردیم، سوزدوروب گؤزونو... - شعر/ویدئو

او فالچینین قارا بولودلاری باشیمیزین اوستونو آلدی...

بیر گون الله اؤلسه...- شعر

سیاسی بیر اولایین تراژیک ماهیتینی گؤسترمک‌ده… - ایواز تاها

و او مملکتین بیر قویوسوندان سو چیخدی، بیر قویوسون‌دان نفت!

خبر خطّی
 
Axar.az'da reklam Bağla
Reklam
Bize yazin Bağla