Axar.az
یوخاری
22 سئنتیابر 2017


محاربه اوشاقلاری و سحیرلی دؤیوش چکمه‌لری...

آنا صحیفه ادبیات
12 Punto 14 Punto 16 Punto 18 Punto

قپیی قپیین اوستونه قویوب بوش مرمیلر آلاردیق، اویناماق اوچون. آنامیزین دانیشدیغی ناغیللارین آیاغینا بؤیوک ایدی آتامیزین دؤیوش چکمه‌لری. او چکمه‌لر سحیرلی کیتاب‌دان دا چوخ شئی بیلیردی. مثلاً، بیلیردی کی، آتامیز ائوه نه واخت گله‌جک...

بیز "بؤیومه بالاجا، بؤیوسه‌ن اؤله جکسن"i «تئز بؤیومک تئز اؤلمک‌دیر» کیمی قیسا یوللا آنلامیشدیق. آتامیز مرمی ایدی. آتالارینی بورنوندا باریت قوخوسو ایله گؤزله‌یه‌ن اوشاقلاردیق.

"شوشانین داغلاری باشی دومانلی" اولان‌دا آنامیز الینی آغزینا توتوب آغلایاردی. بیز ده آنامیزین اته یینی دارتیب آغلایاردیق چؤرک نؤوبه‌لرین‌ده. آقشین ائوره‌نین "اینسانلار آللا هدان تامام الینی اوزموشدو. بیرجه چؤرک نؤوبه‌لرینده اللرینی گؤیه قالدیریردیلار، او دا، ساتیجینین پولو گؤروب چؤرک وئرمه‌سی اوچون"او خاطیرلاماسی اوشاقلیغیمیزی خاطیرلایا بیلمه مییمیزه حاق وئریر. نه یی خاطیرلایاق؟ بلکه بیر اویون شعیرین‌دن بو میصراعنی خاطیرلامالیییق: "اوغلانلار عسگر گئتدی، کول قیزلارین باشینا" و یا "تامارا، تامارا تات قیزی، ائرمنی سولدات قیزی" - بونو خاطیرلامالیییق؟ بو اویون شعیری ده دیلیمیزده ازبر ایدی:

ال ، اله کپنک،

الده‌ن چیخدی کپنک.

کپنه یین یاریسی،

یومورتانین ساریسی.

دوستوم هارا گئدیرسن؟

- قاراباغا گئدیرم.

قاراباغ‌دا نه یین وار؟

- بیر اوغلوم وار بیر قیزیم.

قیزین آدی ندیر؟

- فاطما.

اوغولون آدی ندیر؟

- یاتما...

بلی، یاتما...

بیزیم اوشاقلیغیمیز، بیز اؤزوموز ده بیلمه‌دن بو شعیرله، قاراباغ‌دا سنگرلرده دؤیوشه‌ن اوغوللارا «یاتما» دئییب، سسله‌نیردی. بیزیم اوشاقلیغیمیز "داوا-داوا" اویونونون اسیرینه چئوریلمیشدی. بیزیم اوشاقلیغیمیز الشن عظیمین "قومبارا دیپچکلر، مرمی چیچکلر" میصراعلارین‌دا سولوب.

بو تراومادیر، اصیل تراوما! ۹۰-نینجی ایلرین اوشاقلارینین تراوماسی...

چوخلاری بیزیم نسلین شاعرلرین‌دن اوپتیمیست، گولر اوز، وورچارتلاسین، چال اویناسین شعیرلری گؤزله ییر. گؤزلمه یین عزیزلریم، گؤزلمه یین. سیز اوشاقلیغی ۹۰-جی ایللره دوشه‌نلرین کامیکادزه اولماماسینا سئوینین. سئوینین، واللاه سئوینین.

باشیمیز ساغ اولسون دئیه یوخ، اوزوموز آغ اولسون دئیه یازدیم...

تاریخ
2017.01.20 / 15:55
مولف
Axar.az
شرح لر
دیگر خبرلر

موغان حسرت یاغیشا... - شعر

آذربایجانین مهاجیر شاعریندن گؤزل - شعر

کامیلمی‌دیر جاهیل سؤزونه اویان؟ - قیزیل باش حؤکمدارین شعری

سنین کیمی وفالی یاریم اولسایدی، اؤلمزدیم - شعر

هؤرومچک قادین - شعر

بیر جوت آیاق قابی - یئنی حکایه

قادین‌دان ناموسو چیخاندا - شعیر

تانینمیش شاعرلر ناخچیوانا گئتدی – سبب

آناردان آکیف علی نین فیندیق باش سؤزونه - رئاکسییا

اوچ آرتیق - حکایه

خبر خطّی
 
Axar.az'da reklam Bağla
Reklam
Bize yazin Bağla