Axar.az
یوخاری
19 دکابر 2018


سن ده بیر آن کئچمیشده اول... – ائلیار پولاد

آنا صحیفه ادبیات
12 Punto 14 Punto 16 Punto 18 Punto

ائلیار پولاد ۱۹۶۰-جی ایلده گونئی آذربایجانین خیاو شهرینین بیجه کندین‌ده آنادان اولوب. حاضردا موغان شهرین‌ده یاشاییر. کیچیک حکایه‌لری «خودآفرین» و «آذری» درگیلرینده چاپ ائدیلیب. ایراندا نشر اولونان کیتابلاردان عاقیل عباسین «دولو»، همید مهمدزادنین «فوتبول‌چو» اثرلرینی اسکی الیفبایا چئویریب.

کولت.آذ- شاعر الیار پولادین شعرلرینی تقدیم ائدیر:

یول گئدیرم
دایانیرام
بوی‌لانیرام
هر بیر کرپیج
هر بیر دؤنگه
کئچمیشلردن بیر ورقدیر بو گونلره
جانلی شاهید سؤز آچاراق درس سؤیلییر
تاریخ بویو اولایلاردان دانیشاراق
آییق سالیر، گله‌جه‌یه یول گؤستریر
دیوارلاری، تاختا قاپی-پنجره‌سی، قیز قالاسی
پیچیلداییر قولاغینا آستا-آستا
کئچمیشیندیر بورا سنین.
دولان، گز، هر کونجونو اؤیرن
سیناق یئری اولوب بورا
سن ده بیر آن کئچمیشده اول
اؤزونو سینا
کئچمیشیندن اؤیود گؤتور
گؤر بابالار نه ائدیبلر.
یول گئدیرم
دولاشیرام
هر دؤنگه‌ده دایانیرام
بوی‌لانیرام
کئچمیشی‌می یادا سالیب
فخر ائدیره‌م
اینانیرام گله‌جه‌یه... اینانیرام!

******
باغلی قاپی

نئچه ایلدیر آچیلماییب
بو حیطتین قاپیلاری
ایللر کئچیب
گؤرن یوخدور
گل-گئتلری...
یاز گلنده
گوللر آچار
دیوارلاردان کوچه‌لره
پاییز واختی
خزان دوشر بو حیطه
قیش اولاندا
بو حیطین چینارلاری
یووا اولار قارغالارا.

***

حسرت باخیش‌لی بیر قاری
آغ بیرچیین یئله وئریر
هر کئچنده بو قاپی‌دان
گؤزلرینه دومان چؤکور
دوداقلاری سیرییه‌رک
پیچیلداییر
کلمه-کلمه
لعنت اولسون بو دونیایا
اینسانی سورگون سالانا!

تاریخ
2017.05.04 / 16:14
مولف
Axar.az
شرح لر
دیگر خبرلر

سؤزلر ده قابیق‌دان چیخیرمیش ,قاضی آغام!

منی باغرینا باس آق چای, قاتیلیم سنده اوزوم...

قشنگ خوروز: باشقاسینی آلدادان اؤزو ده آلدانار – اوشاق ناغیلی

دئیه‌سن بو اؤلکه‌ده هئچ کیم دام- داش ایشلتمیر - حکایه

گؤزلریمدن آخان شعیر...یعقوب نیکزاد

باشیوا دولانیم ناسا - حکایه

شنگولوم، شؤنگؤلوم، منگولوم...- اوشاق ناغیلی

چک "بابک"ی،"نبی"نی, داغدا دایانسینلار اَر کیمی!

يازا، ياز چرچيوه سينده، قوزئيه قيش دئيلير - شعر

دوست گزیرم اؤزومه، دوست گل، هارداسان - اوشاق ناغی‌لی

خبر خطّی
 
Axar.az'da reklam Bağla
Reklam
Bize yazin Bağla