Axar.az
یوخاری
17 دکابر 2017


شیزوفرن سئورسه... - فرید آغالارووون حکایه‌سی

آنا صحیفه ادبیات
12 Punto 14 Punto 16 Punto 18 Punto

اینسان بیر یئردن سونرا دوشونمیین ده داشینی آتیر. همین داش گؤیده سکیر، سونرا قاییدیب یئنه توپوغا دییر. اوندا بوتون ایش دوشور دابانا. ایش ده ایش اولا. توپور دابانا، قاچ کی قاچاسان..

– نه باده نفسی‌می دریم دئیرسن، دایانارسان... باخ هاا، خسته‌لیک اولوب دوشر جانینا! آمانین گونودو، الینی تئز توت – او جانینی دا دیشینه تاخ و قاچ. بیر نئچه میل سونرا – جیغیرین سونوندا، صحرانین دنیزه قوووشدوغو یئرده بیر اوچوروما راست گله‌جکسن. سوروکلدیی قوم دنه‌لرینی بیر-بیر همین اوچوروم‌دان آشاغی، دنیزه آتماق‌دادیر کولک. یئنی قاناد آچمیش بیر قوشو ایزله‌مکدن داها تأثیرلی بیر شئی وارسا، او دا قانادلاری اولمادان اؤلومه دوغرو سوزن بو قوم دنه‌لرینی ایزله‌مکدی. واختیندا چاتسان، بلکه بو توپلو قتلعامین – سؤزده «انتهارلارین» ائله اؤز گؤزلرینله ده شاهدی اولدون.

بیر نئچه دقیقه اطرافا سس‌سیزلیک چؤکدو. سونرا یئنیدن سؤزلرینه داوام ائدیب:

– تأسف ائدیره‌م، اوغلوم. یقین کی، بو، طبیعتین گؤرجیین ایلک جینایتی اولمایاجاق – دئدی و بیر آندا گؤزدن ایتدی. نفسی مرکب قوخان بو قوجانین اوزونده‌کی قیریشلار او قدر درین ایدی کی، آغلاسا گؤز یاشلاری همین قیریشلارا دولار، یاتاغی ایله آخان چایا بنزیردی. باخ، اوندا بونا دئیردیم معجزه. چونکی چای هر گون صحرادا گؤرمه‌یه اؤیرشدییمیز بیر شئی دئییل. بس واهه؟ گولسه، دئیرسن بوتون سرابی، واهه‌سی اوزونده‌دیر. اما واهه‌لری ده بو قوجانین اومیدینه (تبسسومونه) قالان بیر صحرا چتین کی، بوندان داها قوراق اولسون. – ائله بیل اوزوندن زهرمار یاغیر.

قوجانین سؤزلرینی قولاغینا سیرغا ائد‌ن آدام گئجه-گوندوز دئمدن نه آز نه چوخ دوز بئش ایل قاچدی. جانینی دیشینه ائله گؤزل تاخمیشدی کی، عسگر ده اولسا، چکمک ایستدیی قومبارانین ساپینی دیشینه بئله تاخا بیلمزدی. نه ایسه کی عسگر یوخ، ۲۰-لی یاشلاریندا، یئنی‌یئتملیین ده داشینی تزه‌جه آتمیش گنج بیر اوغلان ایدی. اضطرابلار ایچین‌ده کئچن سفری باشا ووران بو اوغلان ایندی اوچورومون کناریندا دایانیب منطره‌نی ایزلییر، قوجانین کهانتینه اؤز گؤزلری ایله شاهیدلیک ائدیردی. نهایت، بیر نئچه دقیقه‌دن سونرا دنیزین لال چیرپینیشلاری دقتینی چکدی. داها یاخیندان باخماق اوچون واخت ایتیرمه‌دن آشاغی ائندی و دنیزین ده قبول ائتمه‌ییب جانسیز بدنلرینی ساحل آتدیغی قوم دنه‌لرینین اوستونه یالین آیاقلارینی باس‌دی.

قوم ایستی ایدی – اؤلدوکلری چوخ دئییل‌دی، هله ده سویومامیش‌دی جسدلر.

– نیه‌سه بورا منه باکینی خاطیرلادیر..

ایکی دونیا آراسین‌دا سیخیشیب قالمیش روحلارین اوستون‌ده کولک تک اسدیی شهر، کیم‌سه‌سیز روحلار دیاری؛

بلی، کولکلر شهری باکی!

اما بورا باکی اولمایاجاق قدر سس‌سیز، تانرینین بئله خاطیرلایا بیلمیجیی قدر ترک ائدیلمیش بیر یئر ایدی. بیرجه باکی دوغماسی شیلتاق، بورنو هاوادا کولکلری وار دئمیشدیم کی؛

بو اسنادا غیب‌دن بیر سس – اوغولتو ائشیدیلدی:

– طبیعته عاشیق اولدوغونو دئییرسن، اما دنیزدن اوزاق گزیرسن، بیلمک اولار نیه؟ بیر آز دا یاخینلاش، دنیزی حس ائت، چونکی ساحل‌ده، دنیز کناریندا یازیلدی بو حکایه. اما باخیرام آیاغینین آلتی یامان سوروشکندی؟! یوخسا، سن ده دابانینا توپورورسن، پروبلملردن اوزاغا، بلکه ده بورا، قاچاندا هردن؟

یاخشی‌سی سن توپوردویونو یالاماقدا – یوخ، یوخ، عذر ایستییرم، توپوردویونو یوماقدا اول. من ده باشینی نه آغریدیم – ائله بیل کیمسه دنیزین چیینلریندن آداما طرف بویلانیر، اونو بیر آن دا گؤزدن قویموردو. اورکک باخیشلارینین آرخاسینا گیزلنن گونش قیزاران یاناقلارینین دا اونو اله وئرمه‌سی ایله شار اولوب کئچن هر دقیقه اوتانجیندان بیر آز دا گؤیه قالخیردی (اوچوردو). اطرافدا سوزوب اوخویانین قوشلار اولدوغونو بیلمه‌سن، دئیردین ائله سوبح اذانی بودور، طبیعت دیله گلیب اؤزو اونو وصف ائدیر. بیلمیرم، بلکه ده بو، ائله ملکلرین اؤزو ایدی.

نینکی ملکلر، بوتون طبیعت بیر اولوب اللریندن گلنی یئره قویمور، سانکی اونو ایمانا سسلییردیلر. حتی آدامی سینه‌سینه قدر قوینونا آلان دنیز ده ائله بیل اونا دستماز آلدیرماغا چالیشیردی. بوتون بونلاردان سونرا گئرییه، ساحله قاییدان آدام گونشی ده قارشی‌سینا آلیب ائله اورداجا، دنیزین اتیینده دیزلری اوستونه قوما چؤکدو.

ایندی ساعتین عقربلری ده تک بیر شئیی گؤستریردی. بلی اونون آدی ناماز ایدی.

بئش ایلده‌ن سونرا یئنی‌دن خالیقله قلب ائوینده گؤروشن آدام گؤزلرینی آچاندا گؤزلمدیی بیر منظره ایله قارشیلاشدی. – دنیز سؤزون اصل معناسیندا یوخا چیخمیش، ائله بیل فانی دونیادان غیبه چکیلمیشدی. اوندان گئرییه ایسه اوجسوز-بوجاقسیز سرحدلری ایله بؤیوک بیر دوزه‌ن اراضی، بیر ده گؤی اوزونده گونش قالمیشدی کی، هانسی کی آدام هئچ اونون اوزونه ده باخمیردی.

– بو نئجه اولا بیلر؟ هئچ عقلا سیغان ایش ده دئییل. بیر نئچه دقیقه اول بوردا ایدی، ایندی ایسه یوخ. آخی او بؤیوکلوک‌ده بیر دنیز هارا گئده بیلر؟ – دئییب ایکی‌ده-بیر دیزلرینه داد دؤیوردو آدام.

گونش آدامی نینکی دنیزه، حتی بوتون نقشی-جهانا قیسقانیردی دئسک، یقین کی، تام یئرینه دوشر. چونکی دنیزین یوخا چیخماسی دا – نئجه دئیرلر – محض اونون شاه اثری ایدی.

بلی، قیسقانلیق کریزی کئچیره‌ن گونش سؤزون هر ایکی معناسین‌دا اؤز جازیبه‌سیندن مهارتله ایستیفاده ائتمیش، دنیزده چکیلمه‌یه سبب اولاراق سونوندا ایکی عاشیقی آییرماغا، اونلاری سانکی برلین دیوارینین مختلیف طرفلرینه آتماغا موفق اولموشدو. (قید: بیلمه‌یه‌نلر اوچون، گووگل-دا آختاریش یئرینه "قابارما و چکیلمه» یازیب، بو حاق‌دا اطراف‌لی اوخویا بیلرسینیز). آتالارین سؤزو اولماسین، گؤزدن ایراق اولان کؤنولدن ده ایراق اولار، اما دنیزله آدامین سئوگیسی مسافه‌لرین بئله انگل اولا بیلمیجیی قدر بؤیوک ایدی. بیر گون بئله سئودیینین آدینی ذکر ائتمک‌دن یورولمایان آدام، نهایت، ائله دنیزتک ده دولدو-داشدی و گونشه طرف دؤنرک:

– سنجه ده سئوگی اینسانلار آراسیندا دیوار اولماق یئرینه اونلار آراسیندا کؤرپو یاراتماق دئییل؟ من حتی اوندا (دنیزده) بوغولا بیلرم، تکی اونو بوتون وارلیغیملا یاشایا، حس ائده بیلیم. اونا اولان سئوگیم منیم اؤزومدن ده بؤیوکدور – گونشین بوتون کایناتداکی هر شئی‌دن داها ایستی اولدوغونو دوشونردیم، اما آدامین بو سؤزلری حتی اونون دا جانینی یاندیرمایا بیلمزدی.

گونش بوتون اوست-باشی کدره باتمیش شکیلده، لال-دینمز بیر کناردا دایانیر، سانکی بونونلا دا اؤز سهوینی قبول ائدیردی.

گونشین آدام اوچون ائتدیکلرینه باخمایاراق اونو (گونشی) هله ده سئوه‌ن، هر سیخیشدیغین‌دا یانیندا دورماغا چالیشان بیری وار ایدی. بلی، بو، اوزونده‌کی چیللری ایله مشهور، گئجه‌لری اونسوز تصور ائده بیلمیجییمیز آی ایدی. او، یئنه گونشین کمکینه گلمیش، تک اوسته‌سیندن گله بیلمیجیی قابارمایا کؤمک ائتمیشدی. بیرلیکده ایکی مجنونو قوووشدورموش، اصلینده اؤزلری ده یئنی‌دن قوووشموشدولار.

دنیز بیر نئچه ساعت‌دان سونرا ساحل‌ده اوزانیب اولدوزلاری ایزله‌یه‌ن آدامین آیاقلارینا یئنه لپه‌لرینی دؤیور، اونا گلیشینین موژده‌سینی بؤیوک جوشقو ایله وئریردی. مگر گئرچک سئوگی ده (گونشین آدام اوچون ائتدیی کیمی) ‘او'نون اوچون اونون اؤزوندن، بعضا ده (آیین گونش اوچون ائتدیی کیمی) اونون اوچون اؤز غوروروندان بئله کئچه بیلمک دئییل؟

بئله‌جه، باش وئره‌نلر هر کس اوچون خوشبخت سونلوقلا بیتمیش‌دی. اما بیر شئی‌ده سون وارسا، اوردا خوشبخت‌لیک اولمور دئییرلر. چونکی خوشبخت‌لیک ابدی سئوگییه یاتماق کیمی بیر شئی‌دیر.

بلی، مناسیبتلرینده یئنی مرحله‌یه قدم قویان ایکی عاشیق ایندی هر آخشام ساحل‌ده گؤروشور، بیرلیکده حتی اولدوزلاری دا ایزلییردیلر. همین گئجه‌لردن بیرین‌ده آدام:

– چوخ‌دان‌دیر قویروق‌لو اولدوز گؤرموره‌م؟! دئیه‌سه‌ن، داها اینسانلار دا اؤلمور. یوخسا چوخدان اؤلموشوک، خبریمیز یوخ‌دو؟ – دئییب دریندن کؤکس اؤتوردو. اونو هئچ بئله گؤرممیشدیم. مایوس اولموشدو. گونش‌دن اولدوزلاری خبر آلماق اوچون سحر سوبه تئزدن اویاندی، اطرافا باخدی، اما هئچ بیر یئرده اونو گؤره بیلمدی.

– هه، بوردا ایدین؟ نه اولوب، دئیه‌سن اوشویورسن؟ اینینه بولودلاردان کورک ده هؤرموسن – دئمیشدی کی، بونو ائشیدن دنیز بیر فیرتینا قوپاردی، گل گؤرسن. او گون آدامی هئچ یاخینینا دا بوراخمادی – بئله‌جه ساعتلار گونلری، گونلر ایسه آیلاری عوض ائتدی.

ایلک دفعه بیر شیمشیین گؤی اوزونه کؤکلرینی نئجه سانجدیغینین شاهدی اولوردوم. مگر چیچکلر ساده‌جه یئرده آچمیردی.. و بو چیچک "سئویر" جمله‌سیندن سونرا قالان تک لچیی ایله بیر چوبان یاستیغی ایدی.

ایندی اطرافدا ساده‌جه آیریلیق کولکلری اسیردی.

آرتیق بیر نئچه ایل ایدی کی آدام ساحله ساده‌جه اوزاقدان دنیزی ایزلمک اوچون گلیردی. بیر گون یئنه ساحله انیردی کی گؤردوکلری اونو دوروخسوندوردو. بو، زومرود یاشیلی گؤزلری و اوزون ساچلاری ایله شیرین بیر قیز ایدی کی، قایا اوزرینده اوتوروب الینده توتدوغو فیرچا ایله قارشی‌سیندا دوران تابلویا دنیزین رسمینی چکیردی.

– باغیشلایین، بؤلمک ایستمزدیم، اما چکدیینیز رسمده بیر شئی دقتیمی چکدی. نیه گؤره محض دنیز؟ آخی اونو بو قدر اؤزل ائد‌ن ندیر، بلکه سیز بیلیرسینیز؟

– دنیز؟ کیم دئدی کی من ساده‌جه دنیزی چکیرم؟ هئچ لیلینی ده مجنونسوز رسم ائتمک اولار؟ آخی اوردا گؤی اوزو ده وار.
– گؤی اوزو؟ من سیزی باشا دوشمورم، نه دئمک ایستییرسینیز؟

– اوخودوغوم بیر حکایه (بوردا صحبت "دنیز ماویسی" آدینی وئردییم سونونجو یازدیغیم حکایه‌دن گئدیر) بو جمله‌لرله باشلاییردی. "دنیز حقیقتا ده ماویدیرمی؟ یوخسا بو گؤی اوزونون اونا اولان سئوگیسینین اونون چهرسینده‌کی عکسیندن باشقا بیر شئی دئییل؟".

سیزجه ده آچیق دئییل؟ اونلار بیر-بیریلری اوچون یارادیلیبلار. حتی بوخارلانماق دا آرالاریندا گونشین واسطه‌چی اولدوغو دنیزله گؤی اوزونون بیر-بیرینه قوووشماق شکلی‌دیر.

بو سؤزلر قارشیسیندا نیطقی توتولان آدام:

– بو نئجه سوکوتدور کی گناه ائتمه‌دن اونو ائشیده بیلمیرسن؟ صرف اونو دینله‌یه بیلمک اوچون گناه ائتمک؟! یوخسا؟ یوخسا من دلی اولورام؟! دئییب ایچده‌ن-ایچه اؤزونو یئییردی.

بیردن قادین قریبه بیر سوال ایله بو سوکوتو پوزدو. – آرتیق هاوا دا قارالیر، بلکه منه گئدجییم یئره قدر یولداشلیق ائدسینیز؟
– دنیز اولماسین دا، هارا اولورسا اولسون – دئمیشدی آدام.

بیر نئچه ساعتدان سونرا ایسه، دئمک اولار، منزیل باشینا چاتمیشدیلار. آدامی ائوینه دعوت ائد‌ن قادین اونا قوناق اوتاغیندا ماسانی گؤستریب اونو بوردا گؤزلمیینی خواهیش ائتدی.

ایندی واخت هر زامان اولدوغوندان داها سرعتله آخیردی. بیر ده گؤزونو آچدی کی، سئویشیرلر. قادینین ممه اوجلاری بوز داغینین (آیسبرگین) سویون اوستونده قالان حیصه‌سینی خاطیرلادیردی.

اوللر دوشونوردوم کی، قادینلار چوخ حیله‌گر اولدوقلاری و هر قیلیغا آسانلیقلا گیره بیلدیکلری اوچون ایلانا بنزدیلیرلر. سن دئمه ایشین اصلی، اونلارین یاتاقدا ایلانلاردان دا گؤزل قیورانا بیلمکلری ایدی.

دوداغینی قادینین چیلپاق بدنین‌ده گزدیرن آدام صحرادا واهه آختاریشیندا اولان بیر درویشی خاطیرلادیردی. سو دئیه-دئیه، نهایت، قادینین آیاقلارینین آراسینا قدر گلیب چیخمیشدی. بیر آز دا آشاغی دوشه‌جکدی کی، بیردن دوردو و تئز گئری چکیلدی.

– آخی نه اولدو؟ – قادین سوالینی لنگیتمه‌دی

– هر یارادیلیش مقدس‌دیر، ائله دئییل؟ اگر قادینین واژیناسی یارادیلیشین دونیاداکی مرکزیدیرسه، من بو مقدس یئری نئجه چیرکلندیره بیلرم؟

باغیشلا، من بونو ائده بیلمه‌یجم – دئدی و قاپینی آچیب چیخدی.

تاریخ
2017.06.02 / 12:26
مولف
Axar.az
شرح لر
دیگر خبرلر

اومیدسیزلییمین آغیرلیغین‌دان آنلاییرام - شعر

لمان - یاشی بللی دئییل، بلکه اون اوچ...- شعر

کئچیردیک گئجه‌لرین ایچیندن - شعر

فارس شعیرینین قلیبلرینی داغیدان آذربایجان‌لی

من ایللردیر سندن اوزاقلاردایام...شعر

روسییا ایستانبول زیروه‌سینه بوقدانووو گؤندریر

گونیلی یازیچیدان – حکایه

تبریز آلوولانیب، وطن یانیردی - شعر

مشروطه پارکیندا سئوگیلیم له من...شعر

حکایه - آجی تیریک قوخوسو

خبر خطّی
 
  
  
  
  
Axar.az'da reklam Bağla
Reklam
Bize yazin Bağla