Axar.az
یوخاری
25 آپرئل 2018


بوردا قاپیلار بیزیک، قیفیللار دا، امینم! - گونلین شعرلری

آنا صحیفه ادبیات
12 Punto 14 Punto 16 Punto 18 Punto

ان عادی عؤموردو عمروم،

دفینه آرادیق، آزدیق.

کهنه لپیرلری پوزدوق،

گئتدیک، بیر ده گلمدیک.

بیر یئرده چوخ اوینامیشدیق،

اودوزماغی قانماساق دا.

آخیراجان دونماساق دا،

ایسینمه‌یه گئجیکدیک.

گل یئنه بیر سؤز دئییم،

گئری گؤتورمک اولماسین.

هئچ واخت یادیندا قالماسین:

- بیز دوشمن دئییلدیک...

قوپوق ۴ سؤز اوزرینه: یاپیشقان، اینه، قهوه، آسیلقان

اینه-اینه، اوجو دویمه

اویون-مویون قوردو منه.

کیمسه بیلمه‌دی بیز کیمیک،

دوشدوک اوزسوزلر ائلینه…

آغلار بینمه‌دی بیزی،

قارالار دئدی، قورخوروق!

تمیز یاپیشقان ایستدیک،

او دا توتمادی، جان قوپوق.

قهوه قوخولو پالتارین

آسیلقانیمی سئومدی.

نئجه کی سئومدی روحون،

منی سئومدی، سئومدی...

دیلیمدن ده، روحومدان دا

قیریق-قیریق قوپدو آدین…

اوزسوزلر ائلینده بئله،

منیم اولمادین، اولمادین…

یاماق-یوماق سؤز وئر منه،

گلن حیاتا ساخلاییم.

بیر ده بو دونیایا گلسک،

قوپولوغونا باخماییم…

گولنارا

کئشیک چکدیم قوخونا،

یودوم یارالارینی.

گونشیندن چوخ سئودیک

بورالارین قارینی.

سن تانیدین کیمم من،

دویمادی باشقالاری.

دئدیم گل بورالیم اول،

قویمادی باشقالاری.

ماراقلیدی بو گناه

اوستامین آندی کیمی.

چینینده‌کی یارالار

آنامین قندی کیمی...

داددیغین قدر سنم،

یاوانینام، همینم.

بوردا قاپیلار بیزیک،

قیفیللار دا، امینم!

اوزون عمورلو دونیا

اؤلومونو گؤزلییر.

گؤزلمک ده ثوابدی

بیر اومید اوزلییر.

قالدیر قانادلارینی،

اسام اولسون، نوولار.

بلکه بو یالقیزلیغیم

آزادلیقدان قووولا...

***

یاشیل-یاشیل قورباغالار گیرمیشدی یوخوما

مشه‌لری باسمیش‌دیلار

آرخلاری توتموشدولار

نه قوشلار دینیردی، نه ده بالیقلار.

دانیشدیم یوخومو تانیشلارا

دئدیلر، "شاهزاده‌لر دیارینا" دوشموسن کی

دئدیلر، باری بیرینی اؤپیدین،

نه سن دیندین، نه ده دوستلار.

نسه

تلفن قیدلرینین اوددوغو شیرلر،

مئساژلارین ایتیردیی سسلر،

یالانلارین "ایستاتوس" عمرو،

سئوگیلرین "اینبوکس" مرحله‌سی،

ورقلنمین صحیفه‌لر،

کیتابلاری قورخودان پ، د و ف حرفلری،

گئرجکلیین پروفیلدن چکیلمیش فوتوسو،

اویدورولموش ایشارلر،

مؤتریزه‌لره بعضا محتاج،

بعضا محکوم اولان ایکی نقطه

هر گون نسه آلیر مندن.

نسه...

***

یول-ریز تانیمیریق، هارا گئدک بیز؟

پیادالار کوردو، آتلیلار السیز.

سحرلر تزدی، آخشاملار آجیز،

هئچ نه یوخدو، جان، هئچ نه.

ایستییم نه آرتمیر، نه ده آزالمیر،

اوزوم قیزاراردی، داها قیزارمیر.

بیرجه یوخولارا قارا چن دامیر:

"هئچ نه یوخدو، جان، هئچ نه."

ایتیردییم جاندی، تاپدیغیم قبیر،

دئدییم تاپداییر، سوسدوغوم ازیر.

آی آدام، گؤزلرین منده نه گزیر؟

من‌ده هئچ نه یوخدو،

هئچ نه، هئچ نه، جان.

شوکرومه سئوینمه، توبه‌مه یانما

یولون راست دوشمه‌سین بیر ده یانیما؟

ایشیغیم آجیدی، اویو، اویانما،

هئچ نه یوخدو، جان، هئچ نه...

آکایرو

اوچ فیلمه باخمیشام بو گون...

اوچونده ده اوشاقلیغیمی،

سنی،

آخیریمی گؤرموشم.

اوچ آداملا یازیشمیشام بو گون،

اوچوندن ده قورخماغی،

سوسماغی،

یازماغی اؤیرنمیشم.

اوچ دفعه سنه ال آچمیشام بو گون،

اوچ دفعه اوغورسوزلوقلاریمی

سایمیشام باشدان-سونا.

اوچ دفعه جهد ائلمیشم عمروم بویو

آلینماییب…

اوچ آرزو وار اورییمده؛

اوچ یول وار

اوچ بهانم وار.

کؤمک ائله

"ژ" حرفینین بؤجه‌یه اوخشادیغی واختلاری،

کیریل امینین حرفلرینی،

آیاقلی ائولری

اونوتماق ایستییرم.

آج

دئمه نه وار، نه یوخ،

نئجه‌سن، آی بالام؟

باخما منه ساری

آجام، آنام، آجام.

سندن اولان آجگؤز

سنه اوخشامادی.

دیلی، الی اوزون

اوزو آخشامادی...

نه یئدیمسه قوسدوم،

یاشدی دوداقلاریم.

شهرده یاد یوخدو،

هانی دویدوقلاریم؟

هئچ واخت اؤز یئمینی

دادمادی کی، بالان.

یئدی اؤز ایچینی

آجام، آنام، آجام.

قارتالیما

یوم آغزینی، قانادلیم،

من بوندان اوتانمیرام...

بو داغ مسکنیم اولدو،

اوزاقدا یاتاممارام.

آتانا دئ، دویمادیم

اوندان اوغورلاماقدان.

سن ده منیمسن آرتیق،

ایستیدی آغزیندا قان...

گل، قانادلیم، بو زنجیر

یئنه سنسیز اینجیتمیر.

اوچ باشیمین اوستونده

سیزیلداسین جانیم بیر.

اولانیم ائله بودو:

گؤزلریمده ایستی نم.

بوینومدا ساری زنجیر،

اللریمده جهنم!

تاریخ
2017.06.05 / 12:07
مولف
Axar.az
شرح لر
دیگر خبرلر

ائله میزیلدانیرام، هر دیله بنزه‌سین دیلیم - فرانک فرید

من آجی‌لار قیزی‌یام ! - معصوم جبارپور

آنالار داها جوراب دئییل، کفه‌ن توخویار...

وطن کولوندن قانادلانان عنقا قوشلاریدیر بالالاریمیز

دولو دنه‌سیندن یارانان تورک داستان قهرمانی

...سن گئدن یوللارا گؤزلر دیرنیر آخشاملار

تۆرک یاراندیم، تۆرکلۆیۆمدن دؤنمه دیم - حبیب ساسانیان

دونیا شهرت‌لی یازیچینین توکورپه‌دن وصیت اولایی

مجنون ائدیب چؤله سالیب...

آستاجا ساچلاریما چک...

خبر خطّی
 
Axar.az'da reklam Bağla
Reklam
Bize yazin Bağla