Axar.az
یوخاری
19 اوکتیابر 2017


من ایندیلریمین قاپیسیندان قووولموش قادین ایدیم آرتیق - نرگیس

آنا صحیفه ادبیات
12 Punto 14 Punto 16 Punto 18 Punto

منیم بومبوز یالنیزلیغیملا تانیش اول.

اصلینده بو یازیدا یئر آلاجاق حادثه‌لرین گئرچکلیک پایی چوخ بؤیوکدور. هئچ دوغرولاری دئدیینیز حالدا ابدی بیر اضطرابا دوچارمیش کیمی حس ائدیبسینیزمی؟ مثلاً، گئجه یاتدیغینیزدا حیاتینیز گولوک گولوستانلیقکن همین گولوستانلیغین سحرینده هاوادا اوچوشان بومبوز کولرینیز اولوبمو؟ هئچ دوشونجه‌لرینیزدن قورخوب قاچمیسینیزمی؟ آنیدن دوداقلارینیزدان اؤپوب، قولاقلارینیزدا جینگیلده‌ین بیر موسیقینین صدالاری آلتیندا تکلیینیزله «تانگو» اوینامیسینیزمی؟ یا دا اؤزونوزو چیخیلماز بیر عشق اوینونون تام اورتاسینا توللانیلمیش کیمی حس ائدیبسینیزمی؟ ائه، نئجه شرح ائدیم منیم اولمایان بو قاریشیق حسلریمی. نئجه ایضاح ائدیم لاییق اولمادیغیم اضطرابیمی؟!.. قادینلار اونسوز دا چتین مخلوقدولار.هله بیر آز دا ایشلریمیزی چتینلشدیریر بو عشق یاخود سئوگی حکایه‌لری. قادین داها چوخ عاشیق اولور، یا دا کیشیمی کیمی سواللاری جاوابلاندیرمایاجاغام.

چونکو بو باره‌ده آپاریلان تدقیقاتلار اؤز اوغورسوزلوغو ایله نوبله لاییق گؤروله بیلر؟ سیزه اؤنجه یاشادیغیم مکان حاقدا دانیشماق ایستییرم. بورا منیم حضور تاپدیغیم تک-توک یئرلردن‌دیر. اونو دا قید ائدیم کی، بو گون ایشه گئتممیشم. اوتوروب ائوین بالکونوندان بولودلارین آراسیندان منه گولومسه‌یه‌ن اولدوزو سیر ائدیرم.

کوسکون معاویه بویانمیش بولودلارا طرف اوزادیرام قوللاری‌می. اللریم‌دن توتسون ایستییرم بولودلار منیم. ایستییرم کی، آزادلیغی‌می یوکسک‌لیکلرین ان انگین حدلرین‌ده اعلان ائدیم. اعلانی-آزادلیق ائدیم. روحومون انگین‌لیکلرینه قرق اولماق کئچیر کؤنلوم‌دن، فیزیکی دونیانین زدلدیی منتیقیم‌دن قاچدیغیم زامانلاردا سیغینیرام توند قیرمیزی رنگ‌لی یورغانیمین آلتینا. گیزلنیرم بوتون کایناتین منتیق‌سیزلیکلرین‌دن. سن‌دن گیزلنیرم، عزیزیم. ایللرین دیدیب-پارچالادیغی سئوگیمیزین ذره‌لرینی محافظه ائده بیلمیر اوووجلاریم. من سن-سن یارالانیرام هر گون.

من من یوخ اولورام. من-من گئدیرم، عزیزیم. سندن خبرسیز گئدیرم. ایجازه آلمیرام آرتیق سندن. گئدجییم ساعتی، آنی، ثانیه‌نی سندن گیزله‌ده‌رک هم ده. من بو دفعه سنین فیکیرلرینله فیکیرلریمی قانداللامیرام. واختدیر، عزیزیم. گئتمیین، قانادلانماغین زامانی چاتیب دئیه‌سن. ایللردیر آرزولادیغین آزادلیغینین قاندالی کیمی گؤردویون سئوگیمی ده گؤتوروب گئتمیین وعده‌سی یئتیشیب آرتیق.

سنی سئویرمله باشلادی بو حکایه. بیر چوخ حکایه کیمی، ائلدیر. هر شئی فرقلی اولاجاقدی. من سنینله چهرایییا بویاماق ایستدیم گلجییمی، نیمداش پنجیینین جیبینده سیاه مرکب دولو قلم داشیییرمیشسان، بیلمدیم. من اومید ائتدیم. اومید ائتمکدن داها دا چوخ شئی ائتدیم. بلکه ده سهو ائتدیم. من اصلینده ایناندیم.

خیاللارلا گئرچکلیکلیین ضدیتلرینده بوغولدو معصومیت. من بلکه ده گئجیکدیم. یاشانمیشلیقلارا ایناد گلجییمی گلجیینله بیرلشدیردیم. گلجییمیزی چهرایییا بویاماق ایستدیم. گؤرونوشه باخیب سئومزلر دئییمینه ایناندیم. سنه اؤزونو تانیتماق شانسی وئردیم. هر شئی یاخشی ایدی. بیز خوشبخت ایدیک دئیه‌سن. سونراسی دا بیلدیین کیمی...

هر قادین آناسینین تالعینی یاشاماق ایستمز امین اول. من ده بئله‌لریندن ایدیم. سنه لیمانیم کیمی حسرتله آددیملادیم. حضوروم کیمی. سن منیم سیغیناجاغیم ایدین. دوغروم، اینامیم، شفاف رنگه بویادیم بوتون دیوارلاریمی. سنه دوغرو تمیزلییمه تمیزلیکلر قاتاراق ایرلیلدیم. ساده‌جه، سن ایدین قیبلگاهیم.

گؤزلریمی توتموشدو آنامی گؤرمییم دئیه آتامین سهولرینی. آنام گوجلو قادین ایمیش. من بونو دا باجارا بیلمدیم دئیه‌سن. گؤزلرینی توتا بیلمیرم من اونون. تراومالارلا دولو کئچمیشلردن گلمیشدیم سنه. اللریم گیلنار رنگینده، گؤزلریم‌ده ایشیغینی ایتیرمیش اولدوز یاغمورو. اوریی‌می آچیب سنین اؤنونه سردیم.

لطفاً چیخار کدر قلپه‌لرینی دئدیم. سن قلپه‌لرین اوزرینده آیاقیالین رقص ائدرکن درینلشدیکجه درینلشدی کدرلریم. اوست-اوسته قالاندی اومیدسیزلیکلر. من بوتون سونلوقلاردا سنی آیاق اوستده آلقیشلادیم عزیزیم. کهنلیردی اومیدلریم. آرتیق گلجیین رنگینین بوز اولدوغونا ایناندیرمیشدین منی.

بوزومتول آقرسییالارلا بزدیم من ده سیمامی. گؤزلریمه گئجه رنگینده لاقیدلیکلر چکدیم. من گوونسیزلیکلرله هؤردوم سنگرلریمی. لابیرینتواری بیر سئوگی حکایه‌سی اویدوردوم خیالیمدا. من رئاللیقلاریمی اونوتدوم اسکی بیر کیتاب رفینده. توز باسدیقجا خوشبختلیین اوزرینی، کدرلر بویلاندی پنجره‌مدن ایچری. بیر قادین واردی جمله‌لری سسله‌ن‌دی بئینمده. ایسرافیلین سورونو گؤزلمدی چینیمده‌کی ملکلر. گناهلاندیردیلار منی اونلار دا سنین کیمی. من کئچمیشلریمده آختارماغا باشلادیم خوشبختلیگیمی. کئچمیش چوخدان کئچمیشدی. گله‌جک ایسه نامعلوم. من ایندیلریمین قاپیسیندان قووولموش قادین ایدیم آرتیق

تاریخ
2017.06.05 / 12:47
مولف
Axar.az
شرح لر
دیگر خبرلر

آراز ساحلیندن یولوم دوشنده... - شعیر

قارانلیق ائوین ایشیق پولو... – تبریزلی یازاردان حکایه

آغلاما، سئوگییه اودوزان قادین - شعر

مردی نامرده آلداتدی ناغیللار - شعر / نصرت کسمنلی

لیلا علیئوا: ان گوجلولر بئله قورخور…

نصرت کسملی: بیزیم ائوده بیری واردی، بیری یوخ - ویدئو

اوخوتمورام، ال چکین! – میرزا علکبر صابیر / ویدئو

تبریزلی شاعر: "نه دیلیم وار، نه بیر دیل آنلایانیم"

تورک بیرلیگی و بوکولمزلیینین رمزی – یمن تورکوسو

آیریلیق سئوگییه یوخ، اؤلومه داخیلدی، قیزیم...- شعر

خبر خطّی
 
Axar.az'da reklam Bağla
Reklam
Bize yazin Bağla