Axar.az
یوخاری


بو زینداندا آتاسینی آنا دیلینه گؤره آسمیشدیلار...

آنا صحیفه ادبیات
12 Punto 14 Punto 16 Punto 18 Punto

فرخ جرایدی ۱۹۸۲-جی ایلده تبریزده آنادان اولوب. ۱۳ یاشیندان اؤز آنا دیلینده اثر یازماغا باشلاییب. ترجمه‌لری درج اولونمایان جراییدینین بیر سیرا حکایه‌لری «سانجاق» درگیسینده ایشیق اوزو گؤروب. «آلما» آدلی حکایه توپلوسو چاپ اولونماق اوزره‌دیر.

آخار. آذ فرخ جرایدینین «جمعه گونو» حکایه‌سینی تقدیم ائدیر:

جومعه گونو ایدی. گونورتا چاغی اؤزونو یورغون حالدا تبریزین باغلارباغینین بیر بوجاغیندا چمنلرین اوستونه سالدی. گونون ایستی‌سی باشینی داغلاییردی. باغین ایشچیلری چمنلری بیچیردیلر.

اوزانیب گؤزلرینی یومدو، مورگوله یرکن خیال قوشو اونو ۴۲-۴۳-جو ایللره (۱۹۶۳-۶۴-جو ایللر) آپاردی. او گونلری هئچ اونوتموردو، اونودا دا بیلمزدی. ائولری زیندانین یاخینلیغیندا ایدی. زیندانین چئوره‌سی باغ-باغات ایدی. هر گون اویناماغا اورالارا گئدردی. هله باداملارین چاغالا اولان واختی او باغلاردان چاغالا دریب قاچاردیلار. اما جمعه گونلری اوینامازدیلار. زیندانین قارشیسیندا اولان تپه‌نین اوستونه چیخاراق زینداندا باش وئره‌ن حادثه‌لری ایزلیردیلر. هر هفته جومعه گونلری زیندانین چئوره‌سی، چؤلو دولو اولاردی: قادین-اوشاق، کیچیک-بؤیوک، کیشی بیر-بیرینه قاریشاردی. نئجه دئیرلر، اینه سالسان، یئره دوشمز. توپلاشانلارین چوخو آغلایاردی، بعضیلری ده اورک توختاقلیغی وئرردی اؤلومونه آغلایانلارا. نئچه-نئچه آزیاشلی قیز-اوغلان همین گونلر آتا-آناسینی تورپاغا تاپشیراردی. جمعه گونلری زینداندا اعدام گونو ایدی: یا داردان آسیلاردیلار، یا سینه‌لری گوله یه قالخان اولاردی.

ائله بو گونلرین بیرینده ده اؤز آتاسینی همیشه‌لیک ایتیرمیشدی تبریزین قانا بویانمیش زیندانیندا. بونا گؤره ده بوتون جمعه گونلری زیندانین چئوره‌سینده گزیب دولاشاردی. آتاسی، قودوز پهلوی رژیمینین واختیندا آنا دیلینده، تورکجه ده یازیب-اوخوماغا، یازدیریب-اوخوتدورماغا گؤره حبس ائدیلیب و سونرالار بیر جمعه گونونده بوغازینی دار آغاجینین ایپینه تاپشیرمیشدی. ساده‌جه آنا دیلی اوچون. ساده‌جه آنا دیلی، ساده‌جه...

بونلاری دوشونرکن بیر سس سهندی اؤزونه گتیردی. قان قوخوسو هر یانی بوروموشدو… چمه‌نلری بیچیردیلر.

تاریخ
2017.06.12 / 19:58
مولف
آیتاج قدیراوا
شرح لر
دیگر خبرلر

سن الله، بو گولو یاسا آپارما... - موسی یعقوب

۴۰۰ ایل سونرا تاتارلاردان قانلارینی آلان ارگنکونلولار

منم بو من آدیمی، وولکان آندیمیم داکی قیز...حسرت زنگانلی

هر کس بیر طرفیندن اؤلمه‌یه باشلایار، عزیزیم...

شیرینلییی اولماسادا، شعیرلییی اولسون!

گاه کؤورلدیم، گاه دا دولدوم...

تام بیر یییه‌سیز یالاندیر «ویجدان»! - مژگان صیامی

بابالاردان قالان ، یادیگار ائله یادلاری چووروب، قاتانا لعنت - شهبازی

بیر اوشاق دیله نیر یول قیراغیندا... - نوری

چوجوکلارین ولوسیپدلری آلوو گوللری، اویونجاقلاری سیاسی محبوس - اومید نجاری

خبر خطّی
 
Axar.az'da reklam Bağla
Reklam
Bize yazin Bağla