Axar.az
یوخاری
15 دکابر 2017


آذربایجان اوچون زینداندا یاتان حبیب...

آنا صحیفه ادبیات
12 Punto 14 Punto 16 Punto 18 Punto

حبیب ساسانیان (یاکاموز) معاصر آذربایجان شاعری، یازیچی، ژورنالیست، اینسان حاقلاری مدافعه‌چیسیدیر. او، ۱۹۷۵-جی ایلده مغانین خوروزلو بؤلگه‌سینده گوللوبولاق کندینده آنادان اولوب. ایختیصاصجا الکتریک و رابطه مهندسی‌دیر.

اردبیل اونیورسیتتین‌ده تحصیل آلیب. باکی دؤولت اونیورسیتتینین فیلولوگییا فاکولته‌سینی بیتیریب. ایندییه قدر یوزلرله شعیرین مؤلفی‌دیر. او، آذربایجان-ارمنیستان محاربه‌سینده ارمنیلرین ایشغالچی سیاستینی پیسلدیی اوچون حاضردا تبریز محکمه‌سینین قراری ایله تبریز زیندانیندا ساخلانیلیر.

کولت. آذ حبیب ساسانیانین «گل منی گؤر» آدلی شعیرینی تقدیم ائدیر:

ایستیسن یانمیش اورک آختاراسان، گل منی گؤر

غم الیندن یاناسان، اودلاناسان، گل منی گؤر.

وطنین دردلرینی تؤکموش اولان اؤز ایچینه،

جاوانیکن قوجالانلار ساناسان، گل منی گؤر.

بو سینیق کؤنلومو هر آن تالاییر قانلی فلک،

قان‌لی گؤز یاشلاریما کیپرییم اولموشدو الک،

نانجیب دونیا آتیر گونده من بیر متلک،

یوردو هر گون تالانان آختاریرسان، گل منی گؤر.

عقلیمه باخمادی بو قان دولو دیوانه اورک،

دؤندریب پیس اوزونو بختیمه بو قانلی فلک،

هر یئتن دوست آدینا قوردو منه تازه کلک،

سن ده بیر تازه یارا وورمالیسان، گل منی گؤر.

هامی دیوانه اولارکن، منی دیوانه سانیر،

یوخ صداقت، بو جماعت نیه اللهی دانیر؟

یاکاموز یوردونا وورغون‌دو، بونو کیمسه قانیر؟

گؤزلری یاشلی قالان آختاریسان، گل منی گؤر.

تاریخ
2017.06.16 / 11:53
مولف
Axar.az
شرح لر
دیگر خبرلر

اومیدسیزلییمین آغیرلیغین‌دان آنلاییرام - شعر

لمان - یاشی بللی دئییل، بلکه اون اوچ...- شعر

کئچیردیک گئجه‌لرین ایچیندن - شعر

فارس شعیرینین قلیبلرینی داغیدان آذربایجان‌لی

من ایللردیر سندن اوزاقلاردایام...شعر

روسییا ایستانبول زیروه‌سینه بوقدانووو گؤندریر

گونیلی یازیچیدان – حکایه

تبریز آلوولانیب، وطن یانیردی - شعر

مشروطه پارکیندا سئوگیلیم له من...شعر

حکایه - آجی تیریک قوخوسو

خبر خطّی
 
  
  
  
  
Axar.az'da reklam Bağla
Reklam
Bize yazin Bağla