Axar.az
یوخاری
24 اوکتیابر 2018


«دلی شیطان دئییر کی، دلی شیطانی اول بشریتین» - ویدئو

آنا صحیفه ادبیات
12 Punto 14 Punto 16 Punto 18 Punto

سیران معلمه من راست گلندن بیر مدت سونرا دئدی کی، من شاعرم. من اوندا اینستوتون آخیرینجی کورسوندا ایدیم. اما طبیعی کی، شعرلری سئویردیم، شاعرلری ده خوشلاییردیم. اوندا هئچ آغلیما دا گلمزدی کی، سیران معلم حیات یولداشیم اولاجاق. سونرا تالع ائله گتیردی کی، شوکور ده ائله اولدو، بیزیم عائله‌میز اولدو.

آخار. آذ خبر وئریر کی، بو سؤزلری یازیچی، شاعر سیران سخاوتین حیات یولداشی آلماز خانلارووا آرب تو-نین «گلین دانیشاق» وئریلیشینه دانیشارکن دئییب. او، شاعرله بیرگه کئچدیی چتین گونلردن ده سؤز آچیب:

«بیز ائله قریبه سیناقلاردان چیخمیشیق کی. رایوندان گلمیش اینسان ایدی، کیرایه یاشاییردی. بیز ائولننده پولوموز او قدر ده چوخ دئییلدی دئیه ۱ اوتاقلی بالاجا ائو توتموشدوق. من اوتاغین اورتاسیندان گوجوم چاتان پارچادان پرده آسمیشدیم، اوستونه ده کاغیذلا یازمیشدیم کی، سیران معلمین ایش اوتاغی‌دیر، داخیل اولماق اولماز. اوشاقلار دوغولاندان سونرا، عقللاری کسندن سونرا دئییردیم کی، آتانین کابینتی‌دیر، او طرفه کئچمک اولماز، کاغیذ آتانین‌دیر توخونماق اولماز. او قدر اوشاقلار بونو ائشیتمیشدی کی، قیزیمین ۱۰ یاشی اولاردی، بیر دفعه قاییتدی کی، من هئچ واختی یازیچییا اره گئتمه‌یجم. بو نه حیاتدیر، تلویزورون سسینی وئرمک اولماز، رادیونون سسینی وئرمک اولماز، برکدن یئریمک اولماز، قلمینه ال وورماق اولماز. دئدیم کی، عیبی یوخ لمشکا، بؤیویرسن و بیلرسن کی، بونلارین هامیسی نیه بئله‌دیر».

یازیچینین حیات یولداشی سیران سخاوتین بو گونه کیمی بوتون یازیلارینی بیندیینی بیلدیریب، یالنیز بیر ایفاده‌سیندن باشقا:

«من اونا راست گلنده او شعره نقطه قویدو و کئچدی پروزایا. تزه ائوله‌نه‌نده ایلک کیرایه قالدیغیمیز ائوده، ۱۵ گونون ایچینده دالبادال ۵ یا ۳ محتشم حکایه یازدی. یازیلارینین ایچینده بینمدییم یازی یوخدور. بیر دنه شعری وار، منه قدر یازیلیب. اوخویاندان سونرا بیراز پیس اولدوم. اورادا بیر میصراع وار دئییرسن کی، «دلی شیطان دئییر کی، دلی شیطانی اول بشریتین». دئدیم کی، سئیران من هئچ واخت ایستمزدیم کی، سن او ایفادنی ایشله‌دسن. دوردو، دوردو دئدی کی، بو یاشیمدا دئییرم کی، دوز دئییرسن».

تاریخ
2017.06.17 / 19:55
مولف
Axar.az
شرح لر
دیگر خبرلر

قولاقلاریندان توستو یوخ، اود چیخدی - حکایه

روزبه سعادتی:شاراب یاساق ایدی، گیزلی ایچردیک

سنین حسرتیندن، سنین بیر دنم!

سن بیر آن یادداشیمدا یادیرغانمادین- -مسعود آذرین

«آللاه سنی باغیشلاماسین گوللو!» - حکایه

قارانلیق بوش چارپایینی ساعت دوققوزو گؤستریر...

عؤمور میوه سینین کالی وار هله-علیرضا میانالی

بعضاً گئتمک ایسته ییرسن …/ افراسیاب نوراللهی

اونودوب تورانی ایگید اَرَنلر، آلیشیب ایرانا "فاذری" دوْغور! - ساسانیان

بئله بیر دیلین اولماسینی اوغرولارا بورجلویوق - ایبراهیم رشیدی

خبر خطّی
 
Axar.az'da reklam Bağla
Reklam
Bize yazin Bağla