Axar.az
یوخاری
21 اوکتیابر 2018


کؤنول عاریفدن قیسا حکایه

آنا صحیفه ادبیات
12 Punto 14 Punto 16 Punto 18 Punto

کولت. آذ کؤنول عاریفین «می بابی سهوت مئ دوون!» حکایه‌سینی تقدیم ائدیر.

قادین اوزون مدتدن بری یازدیغی رومانی تاماملاییر. نسخه‌سینی اوتوردوقلاری قوناق اوتاغینین کونجون‌ده‌کی پرینتئردن چیخاردیب ایستئپلئر ایله اونلاری حیصه-حیصه برکی‌دیر.

کیشی تلویزورون اؤنونه قدر سوروتلدیی کتیل‌ده اوتوروب فوتبولا باخیر. نه پرینتئرین، نه ده ایستئپلئرین چیخاردیغی سسه گؤره قادینا چمکیرمیر، هئچ اوز-گؤزونو ده تورشوتمور. ائله بیل هئچ نه ائشیتمیر. اوزون‌ده بالیق ایفاده‌سی وار؛ گؤزلری بؤیویوب، آغزی آزاجیق آرالانیب، آنجاق دینمیر. آرادا-بیر آغزینی گئنیش آچیب-یوماراق ایری قورتوملارلا پیوه ایچیر.

قادین اونا آرخادان یاخینلاشیر. علین‌ده‌کی کاغیذلاری آستاجا سول چینینین اوستون‌دن ایر‌لی – سول علینه اوزادیر. کیشی گؤزونو ائکران‌دان آییرمادان آوتو-حرکتله یاواشجا کاغیذلاری علینه آلیر. قادین چؤنوب متبخه طرف گئدیر.

قیسا مدت اوووجون ایچین‌ده توتولان بالیق سونرا آجگؤزلوکله آکواریومون دیبینه‌جه‌ن باش ووردوغو کیمی، ائکرانین ایچینه دالان کیشینی اؤزونون بو حرکتی برک دیکسیندیریر. ساغ علین‌ده‌کی تو ایدارئتمه دؤشه‌مه‌نین اوستونه دوشور. بو واخت ایدارئتمه‌نین چالا-چؤکور تاختا دؤشه‌مه‌یه سیخیلان دویمه‌سی کانالی دییشیر، ماهنی سس‌لنیر:

بانگ بانگ، هئ سهوت مئ دوون
بانگ بانگ، ۱-جی هیت تهئ گرووند
بانگ بانگ، تهات آوفول سووند
بانگ بانگ، می بابی سهوت مئ دوون!»

قورودا وورنوخان بالیق کیمی کیشینین گؤزلری هدقه‌دن چیخیر، آغزینی گئنیش آچیب-یومور، آنجاق نه قدر چالیش‌سا دا، سسی چیخمیر. سول علین‌ده‌کی هیسس-حیسه برکیدیلمیش کاغیذلار بیر-بیر، ایکی-ایکی دیزینه سورتوله‌رک دؤشه‌مه‌یه داغیلیر.

تاریخ
2017.06.24 / 20:41
مولف
Axar.az
شرح لر
دیگر خبرلر

عؤمور میوه سینین کالی وار هله-علیرضا میانالی

بعضاً گئتمک ایسته ییرسن …/ افراسیاب نوراللهی

اونودوب تورانی ایگید اَرَنلر، آلیشیب ایرانا "فاذری" دوْغور! - ساسانیان

بئله بیر دیلین اولماسینی اوغرولارا بورجلویوق - ایبراهیم رشیدی

«روس حکیملری» مسلمان حکیملر‌دن آرتیق تحصیل گؤرموشدولر- حکایه

گولوش‌لری حسرت قویورام دوداق‌لاریما - عبادی

ایشله‌ینلرین چوْخو قادیْن ایدی - فرخ جرایدی

پارچالارینی بیر-بیرینه تاخاندا، اونون اوره یی توتولاردی - پورناصح

داریخدیم، گؤزلرینی یوموب گولومسه‌مه‌سینه - شعر

ایللر دیر یاشام ایشیغینی گوزله‌ییریک...

خبر خطّی
 
Axar.az'da reklam Bağla
Reklam
Bize yazin Bağla