Axar.az
یوخاری
22 یانوار 2018


گورجو فامی‌لییاسی - «ان یاخشی حکایه»

آنا صحیفه ادبیات
12 Punto 14 Punto 16 Punto 18 Punto

کولت. آز آنارین «گورجو فامی‌لییاسی» حکایه‌سینی تقدیم ائدیر:

بو نه قریبه تئلئقرام ایدی: «مورادوو اوقتایا ۲۹ باکی‌دایام رئیس ۲۰۳ قارشیلا» ایمضاسیز! ۲۰۳-جو رئیسله اوچان تییاره موسکوادان گلیر. اما آخی کیم اولا؟ موسکوادان هئچ کس گله‌سی دئییل. هئچ کیمی گؤزلهمیرم. بو تئلئقرامی کیم ووروب گؤره‌سه‌ن؟.. آغلیما هئچ کس گلمیر.

هله یاخشی کی، تئلئقرامی آنام آلیب. باجیم آلسای‌دی، گؤر نه مرکی‌دی. دوز بیر ایل منی دولایاجاق‌دی.

سحر ائرکه‌ن آئروفلوت آوتوبوسونون یومشاق کورسوسونه سرلنیب اؤز-اؤزومه فیکیر ائلییردیم: یاخشی، آخی من کیمی قارشیلاماغا گئدیرم؟
آوتوبوس شهرین یوخولو کوچه‌لرین‌دن کئچیردی. من گله‌جک موسافیریم حاقین‌دا دوشونه‌رک پنجره‌دن یاتمیش شهری سئیر ائدیردیم. یاواش-یاواش یوخودان اویانان شهرین سحر منزره‌لری فیکیرلری‌می یایین‌دیریردی و من ناملوم تئلئقرامین مؤلفی حاقین‌دا قطعی بیر قرارا گله بیلمیردیم.

شهره سوبه اوباش‌دان‌دان باخاسان. آنجاق او واخت شهرین اصل سیماسینی، داش سیماسینی، داش وارلیغینی گؤره بیلرسه‌ن. بو زامان شهر چیلپاق، آدام‌سیز، حرکت‌سیزدیر، یالخی‌دیر بزک-دوزک‌سیزدیر، سس‌سیز-سمیرسیز، دانیشیق‌سیز، نئون رئکلام‌سیزدیر. ویترینلر ده سوکوتا قرق اولوب، آفیشالار دا. داشلار دونوب، سوسوب، اویویوب.

تک-تنها بیر پیادانین بوش، آدام‌سیز، میدانا دامجیلایان آددیملاری. آسفالتی ناخیش-ناخیش بزه‌یه‌ن نارین یاغیش - سحر یاغیشی.

موسکوادا و اؤلکه‌نین باشقا شهرلرین‌ده یاشایان بوتون دوستلاری‌می، تانیشلاری‌می خیالیما گتیریردیم - یئنه بیر شئی چیخمیردی. موختلیف سببلره کؤره - هئچ بیری اولا بیلمزدی. بلکه منیم باکی تانیشلاریم‌دان، دوستلاریم‌دان بیری‌دیر، موسکوادان گلیر، یوخ کی، یوخ. هئچ بیری اولا بیلمز، بیرجه جئیهون‌دان باشقا.

جئیهون کیچیک قارداشیم‌دیر. موسکوادا مئمارلیق اینستیتوتون‌دا اوخویور. واختیله من ده اورانی بیتیرمیشه‌م. بلکه گلن جئیهون‌دور. یوخ، اولا بیلمز، اولا سراغاگون اونونلا تئلئفونلا دانیشمیشام، اووقاتینین تلخ اولماسین‌دان بیلدیم کی، پولو یوخ‌دور. اونون حالینی یاخشی باشا دوشوردوم. اؤزوم ده بئله وضعیته آز دوشممیشه‌م. موسکوادا، ائوده‌ن اوزاق‌دا پولون قورتارا، ایللاه دا بایرامقاباغی. جئیهونا دئدیم کی، داریخماسین، پول گؤندرره‌م اونا. چوخ دا اولماسا، هر حال‌دا بایرام خرج‌لیگی اوچون کیفایت ائدر. اودور کی، چتین آغلیم کسیر، بو صحبت‌دن سونرا جئیهون لاپ‌دان دورا گله باکییا. بیر ده آخی گل‌سه، داها آدینی نیه گیزله‌دیر؟

آغلیما بیر فیکیر ده گل‌دی. اما بو فیکیر - خام خیال ایدی. قئیری-مومکون شئی ایدی، باش توتان ایش دئییل‌دی. اولا بیلمزدی.

نه ایسه، گومانلار، فرزییه‌لر ایچین‌ده وورنوخوردوم کی، بیر ده گؤردوم بیزیم آوتوبوس آئروپورتون تزه بیناسینا یان آلیر. بیر مئمار کیمی بو بینا منی هئچ آچمیر. من، نئجه دئیرلر، کنج و یئنی‌لیک‌چی بیر مئمار کیمی وار قلبیمله هیسس ائدیره‌م کی، بینانین لاییحه‌سینی چکمیی منه تاپشیرسای‌دیلار، ائله بیر شئی تیکردیم کی، هامینین آغزی آچیق قالاردی. سرنیشینلر بو بینانی گؤره‌ن کیمی قشش ائدیب تراپ‌دان ییخیلاردیلار.

بیر نئچه دقیقه‌دن سونرا آچیق ائیوان‌دا دایانیب ایندیجه ائنمیش تییاره‌یه ساری باخیردیم. تییاره‌نین قاپی‌سینا تراپ چکمیش‌دیلر، تراپین باشین‌دا هله‌لیک تک بیرجه ایستواردئس‌سا دورموش‌دو. ماوی کوستیوم‌لو ایستواردئس‌سا. سونرا قاپینین هاشییه‌سین‌ده کؤک بیر کیشی گؤرون‌دو، یاشیل شلیاپاسی واردی. اونون آرخاسینجا جاوان عسگر گؤرون‌دو، سونرا اوشاق‌لی آرواد، باشقا بیر قادین، کیشی، قادین... آمان الله! خام خیال. قئیری-مومکون اولان شئی. «اولا بیلمز». بلی، اودور کی، وار. آغلیما گلن و آغلیم‌دان قوودوغوم فیکیر. تراپلا هون‌دور بیر قادین ائنیردی. یاراشیق‌لی و عظمت‌لی. جاوان و گؤزل.

ساچینین قریبه بورومو، پالتارینین قئیری-عادی‌لیگی درهال اونو باشقالارین‌دان آییریردی. من اونو بیر آن ایچین‌ده - گونش‌لیک، قارا ائینکلرینی گئیه‌نه قدر تانیدیم. بلکه بو گئییم‌ده، بو قیافه‌ده اوسته‌لیک قارا ائینیی ده گؤزون‌ده اولسای‌دی، هئچ تانیمایایدیم دا. اما تانیدیم - گؤزلرین‌دن تانیدیم.

هر احتیمالا قارشی بوتون سرنیشینلره گؤز گزدیریردیم، اما آرتیق یوز فایز امین ایدیم کی، تئلئقرام اوندان‌دیر و ایپدی اورا-بورا دؤیوکه‌رک منی آختاریر.
- سلام، - دئدیم.

- اوقتای، آی الله، من ده دئدیم، بلکه تئلئقرامی‌می آلمامی‌سان.

- شئیلرین هاردادیر؟

- هئچ نییم یوخ‌دور. عزیزیم، تئز منی بیر یئرده گیزلت. تئز تاک‌سی تاپا بیلریک؟

- بو ساعت تاپاریق. گئدک. خانیم خاریجی کشفیات‌دان گیزلنیر؟

- تاک‌سی‌ده هامی‌سینی دانیشارام. هئچ اینانا بیلمیرم کی، باکی‌دایام. عزیزیم، اما سن هئچ دییشمه‌می‌سه‌ن.

تاک‌سینین آرخا یئرین‌ده اوتورموشدوق، او، گئری قاچان آئروپورت بیناسینا، یولا، هون‌دور چیراقلارا هریس‌لیکله باخیردی.

-اجب قیامت آئروپورت‌دور. لال بئیروت‌داکی آئروپورتا اوخشاییر. چوخ‌دان تیکیبلر بونو؟

— اوچ ایل اولار، - دئدیم. - بلکه بیر دئیه‌سه‌ن گؤروم آخی...

— بو ساعت، بو ساعت، هیرسله‌نمه. بیلیرسن سنی گؤرمییمه نئجه شادام. ائله سنی گؤرمکچون گلمیشه‌م ده...

«بئله آلسای‌دی نه واردی کی - دئیه دوشوندوم، - بو جور خوشبخت‌لییه اینانماق اولار؟ اؤزو ده بئله آسان؟»

- چوخ گؤزل،- دئدیم. یاخشی، بس نیه بئله گیزلین، سیرلی؟

- اجب ایشدیر، - دئیه، تعجبله‌ن‌دی و پیچیلتییا کئچ‌دی. - من ارلی آروادام، ایلک عشقیمین ووسالینا گلمیشه‌م، دئییرسن بس هئچ بیر سیرر-زاد اولماسین؟

اسمر منیم اوشاق‌لیق دوستوم ایدی. اون ایل بیر صینیف‌ده اوخوموشدوق. منیم قاباغیم‌داکی پارتادا اوتوراردی.

ووسال، ایلک عشق، فیلان... یالان‌دیر. هئچ واخت من اونون ایلک عشقی اولمامیشام. او دا منیم. دوزدو، بیر آز خوشوما گلیردی. نئجه دئیرلر، بیر آز کسیردیم اوندان. اما ایلک مهببت-فیلان... هئچ یادیما گلمیر، منیم ایلک مهببتیم اولوب، یوخ‌سا یوخ...

- نئجه باشا سالیم؟ بو یاخین‌دا بولقاریستان‌دان قاییتمیشیق. جامالی یاخین شرق اؤلکه‌لرین‌دن بیرینه گؤندریرلر.

جامال اونون اری‌دیر. بؤیوک دیپلومات‌دیر. دوغرودان، مجازی یوخ، حرفی معنادا. یالان‌چیلار سؤزو، آوروپانین بوتون اؤلکه‌لرین‌ده ایشله‌ییب. آز قالا صفیردی، آتتاشئ‌دی ندی. یوخ، البته، سفیر یوخ، اما آخیر واختلار دئیه‌سه‌ن، دوغرودان دا آتتاشئ ایشلییردی.

آداملاردا قریبه بیر خاسیت وار - بیر-بیریله علاقه‌لرینی دراماتیک شابلون اوزره قورورلار. مثلاً، اول من فیلانکس حاقین‌دا چوخ یاخشی فیکیرده ایدیم، سونرا اونو تانیدیم، گؤردوم نه یووانین قوشودور. و یاخود: اول او منی آچمادی، اما سونرا گؤردوم کی، قیزیل کیمی آدام‌دیر.

بو شابلونون، بو سخئمین سببی، منجه، اوندادیر کی، هر آدام سؤوقی-طبیعی بیر دراماتورق‌دور. هر آدام‌دا دراماتیک اینکیشاف احتیاجی، کاراکتئری آچماق، سوجئت حرکتی یاراتماق، نه بیلیم داها نه احتیاجی وار. او کی، قال‌دی جاماللا منیم موناسیبتلریمه - بوردا هئچ بیر دراماتیک اینکیشاف، دییشمه، کاراکتئرین آچیلماسی و بو کیمی شئیلر یوخ ایدی. اولجه‌دن جامال منی آچمادی. اوندان سونرا دا هئچ واخت فیکری‌می دییشمدیم. خوشوما گلمه‌دی، وس‌سالام، بیر دفعه گلمه‌دی و همیشه، دایما گلمیردی... یعنی سؤزون دوزو، آخیر واختلار سون یئددی-سککیز ایلده هئچ اونونلا گؤروشممیشدیک ده. بیر دفعه اؤتری، موسکوادا اونا راست گلدیم. دئدی کی، اسمر دوغوم ائوین‌ده‌دیر. ولیهد گؤزلییریک. یادیم‌دادیر، ائله بئله‌جه دئدی: ولیهد گؤزلییریک.

سونرالار باکی‌دا بیلدیم کی، قیزلاری اولوب.

اسمر باکی تورپاغینا دوشه‌ن‌ده اوزون‌ده هیه‌جان، بیر قدر صونعی، بیر قادر قئیری-طبیعی چیلغین‌لیق واردی، اما ایندی یاواش-یاواش بو هیچان، بو چیلغین‌لیق قریم تکین اونون اوزون‌دان یویولوب-سیلینیر، یئرینه: آزاجیق اسبی نیگاران‌لیق ایفاده‌سی گلیردی. اما، کیم بیلیر، بلکه بو دا اونون ماسکالارین‌دان بیری ایدی. سنین نئچه ماسکان وار، - دئیه واختیله من اوندان خبر آلاردیم. او واختلار، منیم بئله سواللار وئرمک یاشیم چاتمیش‌دی، اما بو سواللارا اؤزوم جاواب تاپماق واختی هله قارشی‌دا ایدی.

- بورا باخ، - دئیه او، هوسله سوکوتو، پوزدو، اما بو هوس اؤزو بیر قدر ساختا ایدی، - بیلیرسن، هامی‌دان قاچمیشام. اریم‌دن، قیزیم‌دان، دوستلاریم‌دان، حتی درزیم‌دن - بو گون گرک اونون یانینا گئدیدیم. دوزدو، تامام، قاچمامیشام، بیرجه گون‌لویه. گئجه اوچورام گئری. گلدیم سنین آد گونونو تبریک ائد‌م، اما گؤروره‌م سن چوخ دا ائله سئوینمیرسن.

- بوشلا گؤرک، حدین‌دن آرتیق شادام کی، گل‌می‌سه‌ن. فداکارلیغینی دا لازیمینجا قیمتله‌ن‌دیریرم، هم ده کی، حادثه‌لری قاباقلاییرسان. منیم بو فانی دونیایا قده‌م باسدیغیم گون بو گون دئییل، صاباح‌دیر.

- نئجه یعنی صاباح؟ بو گون ۲۹-او دئییل؟

- ائل‌دیر. اما من ۳۰-دا آنادان اولموشام. ۱ مای بایرامینا هدییه کیمی.

- یوخ، - بو سؤزو ائله قطعی دئدی کی، آز قالا منی ده شوبهه‌یه سال‌دی، منیم لاپ یاخشی یادیم‌دادیر کی، سیزه آیین ۲۹-دا گلمیشدیم.

«ایلاهی، گؤر نیی یادین‌دا ساخلاییب؟ - دئیه دوشوندوم و هیسس ائتدیم کی، قهرلنیرم. قهرله‌نیردیم کی، بو قادین، ایندی منه تامامیله یاد اولان بو قادین، دیورون گئییملریله بزنمیش بو قراندداما منیم باش توتمامیش ایلک سئودام - اوزاق و اونودولموش اوشاق‌لیق رفیقه‌م او آخشامی، ۲۹ آپرئل آخشامینی، ایللرین، اؤلکه‌لرین، یاد اوزلرین، یاد سؤزلرین ایچین‌دن کئچیریب ساخلامیش‌دیر. لاپ منیم اؤزوم تکی. آخی من ده او آخشامی دولاشیق اؤمرومون ایللری، گونلری ایچین‌ده ایتیریب آتمامیشدیم. ایندی ده او آخشام - رنگلری، سسلری، قوخولارییلا بیرلیک‌ده ایچیم‌ده‌دیر. او ایل بیز مکتبی بیتیریردیک، آنام ایجازه وئردی کی، بوتون سینفیمیزی قوناق چاغیریم. آد گونومو ده ۳۰-دان ۲۹-آ، شنبه گونونه کئچیرتدیک. ایندی نئچه ایللردن سونرا او آخشام بورادا تاک‌سی‌ده بیزیم آرامیزدا - اسمرله منیم آرام‌دا ایدی. او آخشام اسمرین منه گتیردیی نرگیزلر، بیر ده اونون قیسا وورولموش ساچلاری. محض او آخشام اسمر اوشاق‌لیق ایللرینین اوزون هؤروکلرینی کسدیرمیش‌دی.

یادیم‌دادیر، بیزیم ریاضیات معلمیمیز بابایئو لؤوهه‌نین قاباغین‌دا بیزه تئورئ‌می ایضاح ائدرکه‌ن قفیلجه‌ن سوساردی، فیکره گئدردی، سونرا ازبردن عمر خییامین، یا فوزولینین بیر بئیتینی دئیردی. او، شرق پوئزییاسینین بیلیجی‌سی، آشیقی ایدی. اسمرین اوزون هؤروکلرینه او، - شبی یئل‌دا دئیردی سونرا دا بیزه باشا سالاردی کی، شبی یئل‌دا ایلین ان اوزون کئجه‌سی - ۲۲ دئکابر کئجه‌سی‌دیر. اسمرین ساچلارینی قیسا کسیلمیش گؤره‌ن‌ده کیشینین آز قال‌دی دیلی توتولسون. دوز بیر هفته درس‌ده آنجاق ریاضیاتلا مشغول اولدوق. بابایئو ایندی آنجاق تئورئملر اثبات ائدیر، حل ائتدییمیز مسئله‌لری یوخلاییر، تاپشیریقلار وئریردی. بیر هفته سونرا لؤوهه قارشی‌سین‌دا یئنه بیر تئورئ‌می ایضاح ائدرکه‌ن. او، بیردن دایان‌دی، بیزه طرف چئوریل‌دی و اسمره باخ‌دی: - ایندی سنین ساچلارین ۲۲ ایون گئجه‌سی‌دیر، - دئدی.

بو اوبرازین شرق پوئزییاسینا هئچ بیر دخ‌لی یوخ ایدی. اونو بیزیم ریاضیات معلمیمیز ایجاد ائتمیش‌دی.

انتیقه کیشی ایدی بابایئو. کؤک، یئکپر، اورییاچیق، گاه هیرس‌لی، اوزونو گؤرمه، گاه خوش، مئهریبان، گاه آجیق‌لی، گاه شن. همیشه ده سس‌لی-کوی‌لو. اما اؤل‌ن‌ده ساکیت اؤلدو. ساکیت و سس-کوی‌سوز. سس‌سیز-سمیرسیز دایانان ساعت کیمی. چوخوموز اونون اؤلومونو نئچه آی کئچه‌ن‌دن سونرا بیلدیک. بئله اوزون مدت‌دن سونرا باشساغ‌لیغینا گئتمک گولونج چیخاردی. گئتمدیم.

- سن بیلدین کی، بابایئو اؤلوب؟!

او، قمله‌نمه‌دی، ائله بئله - اوزونه کدر ماسکاسی تاخ‌دی.

- هه، یازیق. جامال دئدی منه.

- جامال دا بیزیم معلمیمیز ایدی. او بیزیم مکتبه گلن‌ده بیز دوققوزونجو صینیف‌ده ایدیک. جامال بیزدن وور-توت یئددی-سککیز یاش بؤیوک ایدی. بیزه اینگیلیس دیلی درسی دئییردی.

- یاخشی، بیر دانیش گؤروم نه وار، نه یوخ. نئجه کئچیر اؤمرون؟

- بئله ده، - دئیه هوس‌سیز جاواب وئردیم و هیسس ائتدیم کی، جاوابیمین سویوق‌لوغو اونا توخون‌دو، اودور کی، درهال سوروشدوم:

- سن دانیش. سن نئجه یاشاییرسان؟

- الا - دئدی. - الادان دا الا. اساس اعتباریله خاریج‌ده عؤمور کئچیریریک. اما موسکوادا دا حیاتیمیز الا کئچیر. یئنی ائوده اوچ اوتاق‌لی منزیل. تئلئفونو، آلتین‌دا قاراجی، واننادا قارا کافئل، دؤشه‌مه‌سی پلاستیک...

- سنه نه اولوب؟ نیه اؤزون‌دن چیخ‌می‌سان. مگر من سنه بیر شئی دئدیم؟

- آه، نه قدر هسساسسینیز. قلبینیز نه قدر اینجه‌دیر. بیر شئی دئدیم؟ داها نه دئیه‌جک‌سه‌ن؟ دور بیر سؤی ده منی. بیر بونا باخ، سن الله. من آتیلا-آتیلا اوردان دوروب گلمیشه‌م بورا، ائله بیلیرسن آسان مسئله ایدی منی‌موون؟ گلمیشه‌م کی، او اوزاق آخشامی قایتاریم، او آخشام اؤمرومون ان خوش گونلرین‌دن بیری ایدی. بو جناب ایسه اؤزونو چکیب اوتوروب، قویوب اؤزونو داغ باشینا، هئچ بو گون آد گونو ده دئییل.
من گولدوم.

- عزیزیم، - دئدیم، - اینان کی، سنین گلمیینه دونیالارجا سئوینیرم. بو منیمچون بایرام‌دیر، ان گؤزل هدییه‌دیر. صمیمی دئییرم. اما من یازیق، من بیچاره نئیلییم کی، دونیایا بو گون یوخ، صاباح گلمیشه‌م. اشی، بونون نه اهمیتی وار؟ اساس اودور کی، سن گل‌می‌سه‌ن. بیر شئی دانیشمیرسان آخی، ائله سیرلی گؤرکه‌مین وار کی، من ده قورخورام بیر شئی سوروشوم.

- یاخشی، قولاق - بو، یئنی بیر ماسکا ایدی. قایغی‌سیزلیق، شن، اوغلانواری شیلتاق‌لیق ماسکاسی. - موسکواداکی، بولقار آتتاشئ‌سینین آروادی چوخ‌دان‌دیر منه تکلیف ائدیردی کی، زاقورسکا گئدک. من ده راضی‌لیق وئردیم، سونرا بیر رفیقه‌می اونا قوشدوم، اؤزوم ده گلدیم بورا.

- الله، سن ساخلا، بیرجه دیپلوماتیک انگللر چاتمیردی.

- هئچ بیر انگل-فلان یوخ‌دور. بیز جاماللا چوخ‌دان باکییا گلمه‌یه هازیرلاشیریق. بیلیرسن نئچه ایلدیر بوردان چیخانیق. بورا گلن‌ده ده گرک آزی بیر آی قوهوملارا-تانیشلارا قوناق گئدک. بیر ده آخی نئچه ایل خاریج‌ده یاشایان‌دان سونرا گلیریک، آدی بؤیوک‌دور. دونیانین یاری‌سینی گزمیشیک. هدییه-فلان، اؤزون بیلیرسن ده... من داها بو ایللر عرضین‌ده هامییچون هدییه آلیب هازیرلامیشام، اما هئچ ماجال ائل‌ییب گله بیلمیریک. یقین بو ایل ده گله بیلمیجییک. بیر آیا یئنه گئدیریک خاریجه. اما منیم... - بیردن او لاپ اوشاق کیمی دوداقلارینی بوزدو، - ایچری شهر یامان دوشموش‌دو کؤنلومه.

اونلار ایچری شهرده یاشاییردیلار. تئز-تئز گئدردیم ائولرینه. کؤهنه پیللکه‌نین آلتین‌دا ایکی گؤز کیچیک اوتاق. اوتاقلارین بیرینین پنجره‌سی بالاجا، چیرک‌لی هئیأته آچیلیردی. ایکینجی اوتاغین یئرلی-دیب‌لی پنجره‌سی یوخ ایدی. بو اوتاق ایندیکی کیمی یادیم‌دادیر. بالاجا، لامپانین ضعیف ایشیغین‌دا ادبیات‌دان ایفاده یازییا هازیرلاشاردیق، قیش آیلارین‌دا اسمرین آناسی کئروسینکانی گتیرردی اوتاغا - بیر آز قیزینماق اوچون. آناسی دئیردی کی، ائوده کیشی اولسای‌دی، بو اوتاغین دیوارینی دئشیب کوچه‌یه پنجره آچماق اولاردی. بئله پنجره‌دن دنیز گؤرونردی.

محاربه چاغینین باشقا اوشاقلاری کیمی، اسمرین ده اوشاق‌لیغی چتین اولوب.

- بس نیه دئمه‌می‌سه‌ن جامالا؟

- قریبه سوال وئریرسن. جامالی تانیمیرسان؟ یادین‌دان چیخیب؟ او هئچ دییشمه‌ییب.

یوخ، منیم یادیم‌دان چیخمامیش‌دی. اسمر مکتبی بیتیره‌ن کیمی جاماللا نیشانلان‌دی. جامال اسمره کؤهنه صینیف یولداشلارییلا گؤروشمیی قاداغان ائتمیش‌دی.

حتی صینیف‌ده اوخویان واخت‌دا دا من هردن جامالین آجیق‌لی باخیشلارینی توتوردوم. اسمر یولداشلارییلا چوخ دئییب گوله‌ن‌ده. بیزیم یاشیمیز - بیزیم عمومی وطنیمیز ایدی و بو وطن‌ده جامال قریب ایدی. او بونو دویوردو. آنجاق من بونو سونرالار باشا دوشدوم.

اسمر خاریجی دیللر اینستیتوتونا داخیل اولدو جامال اوردا درس دئییردی، بیر ایلده‌ن سونرا ائوله‌ن‌دیلر، جامال عائله‌سین‌دن آیری، تک یاشاییردی، اسمر ده اونون ائوینه کؤچ‌دو. بیر گون اسمر بیزه زنگ ائل‌دی و هامیمیزی قوناق چاغیردی. - آنجاق دوز ۱۲-ده ها»

بیز هامیمیز گلدیک - اوغلانلار، قیزلار، بیر یئرده بؤیوموش، بیر-بیریله قاپاز-قاپاز اوینایان اوشاقلار. ایندی ده گؤزومون قاباغین‌دادیر، اؤ گون.

باشقا بیر عالمه دوشموشدوک. ترته‌میز، حدسیز سلیقیله، حدسیز زؤوقله بزدیلمیش بو منزیل تامام باشقا بیر دونیا ایدی. بو عالمین هر دئتالی، هر اشیاسی قئی‌دی-عادی ایدی و اسمر ده بو عالمین بیر اشیاسی ایدی. اما نیگاران، اؤز یئرینی تاپا بیلممیش، ناراحات‌لیقلا بو یئری آختاران اشیاسی، سانکی او یئری تاپیب، اب‌دی او یئرده سابیتلشماک، هرکتسیزلشمک، دونوب قالماق ایسته‌یه‌ن بیر اشیاسی.

اسمر جامالین آدینی بئله چکمه‌دن: «لئک‌سییادادیر، - دئدی، - ایکییه قدر لئک‌سییادا اولاجاق. ایکی ساعت واختیمیز وار»، بو سؤزلردن هامی اؤزونو داها دا پرت، ناراحات هیسس ائتدی. ان چوخ دا اسمر اؤزو.

اسمر قیزلارا منزی‌لی گؤستریردی. بیز اوغلانلار ایسه اوتاق‌دا قالمیشدیق، ائشیدیردیک کی، هارداسا سیگیرتمه‌لر چکیلیر، جوربجور مئخانیزملر و جیهازلار قورولداییر، هارداسا سو آخیدیلیر. بیز اؤزوموز ده آغزیمیزی آچیب سئروانتین ایچینه تاماشا ائدیردیک. سئروانتین ایچی نؤوبنؤو ائکزوتیک ایچکیلرله و چئشید-چئشید خاریجی مارکالی سیقارئتلرله دولو ایدی.

سونرا اسمر هامیمیزی ماسانین آرخاسین‌دا اوتورت‌دو. اؤزو متبخه کئچیب، بیر بوشقاب گتیردی. بوشقاب‌دا ایسه... ایندی ده بونو خاتیرلایان‌دا بوغازیم قهرلنیر - بوشقاب‌دا یئددی دنه اوجوز کاغیذا بوکولموش دون‌دورما وار ایدی - هره‌میزه بیری. اسمر دوشوب، اونلاری بیزیمچون آلمیش و بوز دولابینین بیر گونجون‌ده گیزلتمیش‌دی. او بیزی بیرجه بونا قوناق ائده بیلردی.

او آن اؤمروم‌ده ایلک دفعه منه ائله گل‌دی کی، اسمری سئویرم و بیردن ایستدیم اونو گؤتوروب بوردان قاچام، هئچ بیلمیرم هارا، بلکه یئنه ایچری شهره.
بون‌دان سونرا اونو گؤرمدیم، بلکه ده تصادفه‌ن بیر-ایکی دفعه کوچه‌ده راستلاشمیشدیق، بیلمیرم، هر حال‌دا یادیم‌دا قالماییب. بیر قدر سونرا اونلار باکی‌دان کؤچوب گئت‌دیلر.

- باخ دئیه‌سه‌ن شهره چاتمیشیق. ائولری گؤرورسه‌ن، بو لاپ تزه رایون‌دور.

- بیز هارا گئدجییک؟

- بیزه، البته، بیزه.

- یوخ، یوخ، نه دانیشیرسان؟ ائوده آنان، قارداشین.

- باجیم، - دئدیم، - قارداشیم موسکوادادیر. اوخویور.

- هاردا؟

- مئمارلیق اینستیتوتون‌دا.

- سنین کیمی، هه؟ یاخشی، دئ گؤروم ایشین‌دن راضی‌سان؟

- نئجه دئییم، عمومیتله راضییام. بیلیرسن ایللر کئچدیکجه آدامین آغلی گلیر باشینا. داها اؤزونو بشریتین داهی‌سی حساب ائلمیرسن، درک ائل‌یه‌ن‌ده کی، سن ده باشقالاری کیمی سن، باشقالارین‌دان بیری‌سه‌ن، راهاتلاشیرسان. اسبیلشمیرسن، هؤوسه‌له‌دن چیخمیرسان.

- گؤزل فلسفه‌دیر. هان‌سی دینه تاپین‌می‌سان؟ زاقورسکا گرک سن گئدیدین.

- باخ، بو تزه شئی‌دیر. منی ایندییه‌جه‌ن بیر چوخ شئیلرده اتهام ائدیبلر - کؤهنپرست‌لیک‌ده و یالان‌چی نوواتورلوق‌دا، کونسئرواتیزم‌ده و مودئرنیزم‌ده، عنعنه‌لرین اسیری اولماق‌دا و عنعنه‌یه خور باخماق‌دا، مودا دالینجا قاچماق‌دا و مودادان گئری قالماق‌دا و سایره و سایره. اما دیندارلیق‌دا هله کی، اتهام اولونمامیشدیم. عقللارینا گلمه‌ییب یقین.

- بئله دئ. هاردا بئله سنی اتهام ائدیبلر. دئمه‌لی، سن بؤیوک موباهی‌سه‌لر دوغوران بیر سنتکارسان، هه؟ مثلاً پیکاسسو کیمی.

- یوخ، یوخ، آغلین اورا گئتمه‌سین. بوتون بو قیزغین موباهی‌سه‌لر بیزیم شعبه‌نین داخیلین‌ده جرهیان ائدیر. شعبه‌میزده ده جمعی-جوملتانی سککیز آدام وار. بن‌ده‌نیزین شخصیتی و ایشی ده اوردا موذاکیره اولونور.

- یاخشی، آخی سنین ایشین ندن عبارت‌دیر؟

- رایون مئهمانخانالارینین لاییحه‌لرینی چکیرم.

- اوی، اوقتای، اگر بیلسیدین دونیادا نئجه مئهمانخانالار وار. بیر مئهمانخانالاردا یاشامیشیق، ایکی گؤز ایستییر باخاسان. بولقاریستان‌دا بیلیرسن نئجه اوتئللر تیکیبلر، زولوتییئ پئسکی، سولنئچنی بئرئق - آدامین آغلی باشین‌دان چیخیر. سن گرک گؤره‌سه‌ن اونلاری. جامالنان من...
«جامالنان من» ایفاده‌سی منی خئی‌لی اسبیلشدیردی و اودور کی، من اونون سؤزونو آغزین‌دا قویوب بیر قدر کسکین خبر آلدیم.

- یاخشی، نه دئییرسن، بیزه گئدجییک؟

- یوخ، یوخ، من بورا گیزلی گلمیشه‌م. منی گرک سن‌دن باشقا بیر کیم‌سه گؤرمه‌سین. تانیش-بیلیشی نظرده توتورام. گل ائله بئله شهری گزک، گؤستر منه باکینی، کئجه ده اوچوب کئده‌جه‌م. گئرییه بیلئت ده آلمیشام. یاخشی‌می؟

- بس شهری نئجه گزه‌جک‌سه‌ن کی، ایستهمیرسن سنی گؤره‌ن اولسون؟

- بودئی، باخ، - دئیه او، قارا ائینیینی گؤزونه کئچیردی، - کیم منی تانییاجاق؟ کیم تانییاجاق کی، من همین او اسمره‌م؟ تانی‌سالار دا قوی اثبات ائل‌سینلر کی، منه‌م، گؤرک نئچه اثبات ائد‌جکلر.

سوروجو منه طرف دؤن‌دو:

- یاخشی، خالاوغ‌لو، - دئدی. - هارا گئدجییک.

- باخ، بوردا ساخلا، - دئدیم. - گلیب چاتدیق. چوخ ساغ اول.

بیز داغوستو پارکا گئتدیک، آچیق یای کافئ‌سین‌ده یئمک یئدیک. بوتون شهر آیاقلاریمیز آلتین‌دا ایدی. بوتون شهر. گؤی دنیز، گؤمگؤی دنیز، بیر ده آغ، آغاپپاق گمی. کراسنووودسکا گئدن «قیرغیزیستان» گمی‌سی.

بوتون اوغلان اوشاقلاری کیمی، بیز ده دنیز سرگوزشتلری حاقین‌دا دوشونور، خزره باخیب اوزاق لیمانلار، فیرتینالار و اوکئانلاری آرزولایاردیق. بئله واختلاردا جوغرافییانی دا اونودوردوق. اونودوردوق. اونودوردوق کی، خزر آنجاق بؤیوک بیر گؤل‌دور. دونیانین باشقا دنیزلرین‌دن و اوکئانلارین‌دان آیریلمیش قریب بیر گؤل - طبیعتین اجایب ائکسپئریمئنتی. دونیانین ان بؤیوک گؤلو. ان بؤیوک هوووزو. ان بؤیوک آکواریومو.

«قیرغیزیستان» آچیق دنیزه طرف یؤنه‌له‌رک اوزون-اوزادی فیت وئردی و بو فیت سسی آراملا شهرین، دنیزین اوزرینه آخیب ارییردی.
- او آدانین آدی ندیر؟ - اسمر علینی اوفوقه طرف اوزات‌دی.

- نرگیز.

- نرگیز؟

- اصیل آدی نارگین‌دیر. اما من اونا نرگیز دئییرم.

- هه، هه، نارگین. یادیما دوش‌دو. اوشاق‌لیق‌دا او منه چوخ سیرلی و افسانوی گؤرونوردو. ائله ایستییردیم کی، بیر اورا گئدیم. اورا گئتمک اولار؟
- ایستییرسن دنیز گزینتی‌سینه چیخاریق. آدایا چیخمایاجاغیق، اما اونو لاپ یاخین‌دان گؤره‌جک‌سه‌ن.

- نه یاخشی، گئدک ده اوندا.

- آخشام گئدریک. داها رومانتیک اولسون. - هیسس ائلدیم کی، ایستئهزا اونا توخون‌دو.

- گئدک، - دئدی.

- گئدک. یا بلکه بیر شئی ایستییرسن؟

- یوخ، یوخ، نه دانیشیرسان؟ بیلمیرسن آریقلاماقچون نه موسیبت چکمیشه‌م. ایندی، دئیه‌سه‌ن، نورمادایام. ائل‌دیر؟

- یوز فایز.

- من یوق سیستئمیله آریقلاییردیم. بیلیرسن یوق سیستئ‌می ندیر؟

«یوق سیستئ‌می». ایندی او، فران‌سیز خالچالارین‌دان، کافکادان و آنتونیونینین فیلملرین‌دن، قالیچین نغمه‌لرین‌دن دانیشاجاق. آمان الله، بو همین او اسمردیرمی؟ همین او اسمر کی، سککیزینجی صینیف‌ده اوخویان‌دا اوغلانلارین توالئتین‌ده بیزیم صینیف جورنالینی یاندیرمیش‌دی. ادبیات معلمی اونا اوچ قویموش‌دو. بو اسمرین حیاتین‌دا بیرینجی «اوچ» ایدی. او، بوتون درسلردن الا آلیردی. ختتی ده صینیف‌ده هامی‌دان یاخشی ایدی. ادبیات معلمینین بو «نامردلیگی» اسمره ائله یئر ائلمیش‌دی کی، جورنالی یان‌دیرماقلا اونون اوریی سویومادی. ادبیات معلمین‌دن دهشت‌لی اینتیقام آلدی. ندی‌سه بو معلم‌دن هئچ بیریمیزین خوشو گلمیردی، اؤزو ده بیلیردیک کی، او، آروادین‌دان اوددان قورخان کیمی قورخور. ائشیتمیشدیک کی، آروادی اونا گؤز وئریر، ایشیق وئرمیر، هم ده یامان قیسقانج‌دیر. اسمر ده بونو بیلیردی. بیر گون - او گون ادبیات معلمی سحردن ایکینجی نؤوبه‌نین آخیرینا قدر مکتب‌ده درس‌ده اولوردو - اسمر کیشینین ائوینه گئدیب یازیق بیر گؤرکه‌مله (ماسقا تاخماغی اوشاق‌لیق‌دان باجاریردی) معلمین آروادین‌دان سوروشوب: «معلمه نه اولوب، نیگاران قالمیشیق، خسته دئییل کی؟ بو گون مکتبه گلمه‌ییب».

بیر فیسقیریق قوپموش‌دو، گل گؤره‌سه‌ن. اسمری مکتب‌دن قوواجاق‌دیلار. بابایئو بیرتهر گیردی قانینین آراسینا. ادبیات معلمی ایسه بیر نئچه گون اؤزونه گله بیلمه‌دی. گؤزلرینین آلتین‌دا قاپقارا دایره‌لر واردی.

- اسمر، یادین‌دادی ادبیات معلمینین باشینا نه اویون آچاردیق؟ اوجاقچینین اهوالاتی یادین‌دا؟

دئدیم کی، ادبیات معلمین‌دن خوشوموز گلمیردی، هر دفعه او، سینفه گیره‌ن کیمی، آیاقلاریمیزلا یئری دؤیردیک، سوروشان‌دا دا بو ندیر، جاواب وئریردیک کی، بیز نه بیلک، یقین آشاغی‌دا اوجاق‌چی ایشلییر. او، بیزی باشقا صینیف اوتاغینا کئچیرت‌دی و بیز هر شئیی تزه‌دن باشلادیق. «بو ندیر، اوجاق‌چی دا بیزیم دالیمیزجا گزیر»، دئیه او، تعجبله‌نیردی.

اسمر:

-یوخ، - دئدی. - اوجاق‌چی کیم‌دیر؟

آنجاق من اونون یادینا سالمادیم. بئله اهوالاتلاری اونوت‌موسان‌سا، دانیشماغین هئچ بیر معناسی یوخ‌دور. بوتون تفررواتییلا خیالین‌دا یاشامیرلارسا، ایندی اونلاری دانیشارکه‌ن سنه نه گولمه‌لی گله‌جک، نه ماراق‌لی، نه مزه‌لی. باشا دوشمه‌یه‌جک‌سه‌ن کی، بونون دوزو نده‌دیر.

دنیزه طرف چیخدیق. سحرین بو چاغین‌دا دنیز باغی قوجا قاریلارین، قوجاغی کؤرپه‌لی آنالارین، اوشاقلارین ایختیارین‌دا ایدی. بیر آزدان سونرا بورا پئنسیونئرلر گله‌جک، تسبئه‌لی قوجا کیشیلر. ایینلرین‌ده کؤهنه پئن‌جکلر، اللرین‌ده تزه قزئتلر، آرخالارین‌دا اؤتوب گئتمیش عؤمورلری. سون‌سوز صحبتلر ایلده‌ن-ایله، گون‌دن-گونه داوام ائد‌ن صحبتلر. بلکه ده صحبتلر هئچ دییشمیردی، صحبت ائد‌نلر دییشیردی. هر گون بورا گلن قوجالاردان بیری گونلرین بیر گونون‌ده گلمیر. سونرا باشقا بیری‌سینین یئری بوشالیر. بو یئری تزه‌لری توتور. تزه قوجالار. «یئنی‌باشلایان» پئنسیونئرلر. کیم‌سه گلیر. کیم‌سه گئدیر.

سونرا آخشام دوشور. بولوار اورتا یاش‌لیلارین اولور. ایش گونون‌دن سونرا فای‌دالی گزینتییه - تئررئنکورا چیخمیش آداملار. دنیز هاواسییلا جیر دولوسو نفس آلان معتبر کیشیلر، قادینلار... آلا-قاران‌لیق گیزلی خیابانلاردا ایسه جاوانلار - سئویشه‌نلر سکامیالارین اوزونو او بیری طرفه چئویریب اؤپوشورلر.
سونرا کئجه دوشور. گئجه‌نین بیر یاری‌سین‌دا تامامیله بوش، آدام‌سیز بولواردا میلیسیونئرین آددیملاری آیدین ائشیدیلیر. او طرف‌دن هالای-والای ووران بیر کئفجیل اوزون چکمیش مجلیس‌دن قایی‌دیر. ساییق میلیسیونئر دقتله اونو ایزلییر. اما کئفجیل کئجقوشونون هئچ کسله ایشی یوخ‌دور. او هئچ بیر قانونو پوزمور. اؤزو اوچون پس‌دن اوخویا-اوخویا یولویلا گئدیر.

اما ایندی سحردیر. آچیق، آیدین بیر سحر. اوزاق، سئی‌رک آغ بولودلار گؤی اوزونه پره‌ن-پره‌ن داغیلیب، گونشی توتمورلار، ایشیغی گیزلتمیرلر. بولوار دا اوشاقلارین ایختیارین‌دادیر. اوشاقلار اویناییرلار. کوسلارینی، اویون‌جاقلارینی بیر-بیریله بؤلوشورلر، قوغاللارینی، بولکالارینی بیر-بیریله بؤلوشورلر. بیر ده اؤت‌ن گون عرضین‌ده دونیا حاقین‌دا اؤیرندیکلری تزه خبرلری، معلوماتلاری بیر-بیریله بؤلوشورلر.

معین لؤوهه‌لر موختلیف آداملاردا بیر-بیرینه بنزر دوشونجه‌لر اویادیر، اودور کی، اسمر سوالینی وئره‌ن‌ده فیکیرلریمیزین عینی منزیله گلیب چاتماسینا تججوبلنمدیم.

- سن نیه ائوله‌نمیرسن؟

گولومسوندوم و چینی‌می چکدیم. نه منزیل شرایطیم‌دن سؤز آچماق ایستییردیم، نه ده عائله وضعیتیم‌دن. ایسته‌میردیم دئیه‌م کی، ائوین بؤیوک کیشی‌سی منه‌م، آنام قوجادیر، باجیم چیمناز باکی‌دا اوخویور، قارداشیم جئیهون موسکوادا. هم ده بوتون بونلار سبب دئییل‌دی. حقیقتین آنجاق بیر حیسه‌سی، بیر چریی ایدی. تام حقیقت دئییل‌دی.

- یوخ‌سا آند ایچمی‌سه‌ن کی، سوبای قالاجاق‌سان؟

بلکه ده حاق‌لی‌دیر. منیم خاسیتیم عائله هیاتییلا، اوشاقلا، آروادلا چتین اویوشا. اما بیردن ایستدیم اسمره دانیشیم کی، بیر مای گونو، ایشیق‌لی، آیدین بیر مای گونو کوچه‌ده بیر «موسکویچ» گؤردوم. ماوی «موسکویچ» بیر ائوین قارشی‌سین‌دا دایانمیش‌دی. ماشینین دال پنجره‌سین‌دن بیر تور باغلاما گؤرونوردو. باغلامادا جوربجور یئمک-ایچمک شئیلری، مئیوه، گؤیرتی واردی. ماشینین یانین‌دا ساغلام بده‌ن‌لی، کولش سیفت‌لی، جاوان بیر کیشن دایانمیش‌دی. اینین‌ده قیسا قول‌لو یونگول کؤینک واردی. یانین‌دا آروادی دایانمیش‌دی. اوزده‌ن سیفایی، سلیقیله و زؤوقله گئیینمیش جاوان بیر گلین ایدی آروادی. یانین‌دا دا اوشاقلاری. گول کیمی ترته‌میز، سلیقه‌لی گئیینمیش، دارانیب سیغاللانمیش اوشاقلاری - یئددی-سککیز یاش‌لی اوغلان و دؤرد-بئش یاش‌لی قیز. بیر قدر کناردا بو عائله‌نین دوستلاری، اونلار دا آرواد اوشاقلا دایانمیش‌دیلار و یقین ماشین گؤزلییردیلر. او واخت بیردن آنی بیر فیکیر کئچ‌دی باشیم‌دان کی، بوتون بو شئیلرده بایاغی هئچ نه یوخ‌دور و من اؤزوم ده آزاجیق ایستییرم بوتون بونلاری.

اسمر منی فیکیرلریم‌دن آییردی:

- بیلیرسن موسکوایلا باکینین فرقی نده‌دیر؟ باکی دنیزه دیرنیر، قاتار سون دایاناجاغا دیره‌نه‌ن کیمی. باکی دنیزده قورتاریر، بیتیر، نئجه باشا سالیم سنی، بئله ائله بیل کی، دنیزه تؤکولور، دنیزه آشیر، باخ بو ساحل ائولرینین، آغاجلارینین اکسیله بیرلیک‌ده سویا دوشور. اما موسکوا... موسکوا قورتارمیر، بیتمیر، یاواش-یاواش یوخا چیخیر، کنارلارین‌دا اریییب گئدیر...

- بلکه ده سن دوز دئییرسن. موسکوا تئز-تئز منیم یوخوما گیریر، ایستییرم هر شئیی آتیب مینه‌م تییاره‌یه، لاپ سنین کیمی، اوچوب گئده‌م.
- بئله چیخیر کی آدام همیشه هاردان‌سا هاراسا گئتمک ایستییر.

- درین فلسفی فیکیردیر.

- بس‌دیر منی دولادین. اینجیره‌م سن‌دن باخ.

بولواردان چیخیب ایچری شهره طرف گئتدیک.

- بیر آدامنان کزیب ائلییرسن - دئیه او، قفیلجه سوروش‌دو.

- یوخ، - دئیه من آنی جاواب، وئردیم، سونرا دوشونوب تلسیک: - «هه» دئمک ایستییردیم، - دئدیم. گؤردوم کی، چوخ گیج چیخ‌دی و درهال زارافاتا سالدیم، - من بزه‌ن «هه» یئرینه «یوخ» دئییرم.

اسمر ساکیتجه‌سینه:

- اولور، - دئدی. - من ده اؤمروم‌ده بیر دفعه یوخ اوزینه هه دئمیشه‌م. اما بو باشقا صحبت‌دیر.

- ایچری شهری سؤکورلر، کؤهنه ائولری، کوچه‌لری...

- سن نه دانیشیرسان، - اونون اوزون‌ده دهشت ایفاده‌سی واردی. - اولا بیلمز. بو، تاریخ‌دیر، کئچمیش‌دیر. باشا دوشورسه‌ن، ایچری شهر مئمارلیغین فولکلورودور، اونو عصرلرله تیکیبلر، موختلیف نسیللر، موختلیف آداملار.

- بیلیرم، بیلیرم، عزیزیم. هر حال‌دا آخی من ده مئمارام. دئییرسن کی، ایچری شهر مئمارلیغین فولکلورودور. بونلارین هامی‌سینی من بیلیرم. اما بیر مسئله ده وار... آخی... آداملار بئله بیر شرایط‌ده یاشایا بیلمزلر. بو کؤهنه ائولر، ایری-اویرو کوچه‌لر، ناته‌میزلیک...

-دوزدور، دوزدور، راضییام سنینله. قوی آداملاری کؤچورتسونلر.

- ائولر ایسه قال‌سین. گؤزل فیکیردیر، بیزیم مودیر ائشیدی‌دی سنین بو سؤزلرینی، شهرین تن اورتاسین‌دا بؤیوک، بوش، آدام‌سیز بیر اراضی - سئنتیمئنتال اوشاق‌لیق خاطره‌لرینین عابده‌سی.

- دایان، اوقتای، دایان گؤروم. بس‌دیر یویوب آپاردین منی. بورا باخ، دئیه‌سه‌ن بو دؤنگه منه تانیش گلیر. هه ده، البته، باخ، بیزیم ائو اوردادیر.
- سیزین ائو اوردا یوخ‌دور. سؤکوبلر.

- نئجه یعنی سؤکوبلر؟ آنام رهمت‌لییه تزه ائوده منزیل وئره‌جک‌دیلر، اما من ائله بیلیردیم کی، بو ائو قالیب.

بیز اسمرگیلین ائوینین خارابالارینا چاتدیق. قارشی‌دا یاری-سؤکولموش بوش ائوین شوشه‌سیز-کؤزسوز پنجره‌لری بو خارابالارا باخیردی.
- باخ بو ائوی گرک تانییاسان، سیزین ائوین دوز قاباغین‌دادیر.

- البته، تانیییرام. مسمه خالا بو ائوده اولوردو. نووروز قاباغی شکربورا، پاخلاوا بیشیره‌ن‌ده ایگین‌دن یاتا بیلمیردیک. بوتون گئجه‌نی بیشیرردی. بیلیردیک کی، سحر بیزه ده پای گؤندره‌جک، اما صاباحا قدر دؤزه بیلمیردیک.

اسمر چیغیرا-چیغیرا دانیشیردی، چونکی اوتای‌داکی اوچمرتبه ائوی داغی‌دان بولدوزئرین سسی قولاقلاریمیزی باتیریردی. واقون دهلیزلری کیمی دار کوچه‌لر، بالکونلاری واقون کوپئلرینین اوست یئرلری کیمی آز قالا بیر-بیرینه توخونان ائولر. بوتون بونلارین یئرین‌ده ایندی نهنگ بوش بیر میدان قالمیش‌دی داش‌لی، کسک‌لی، توزلو، اهنگ‌لی میدان. اوردا، بوردا آتیلمیش لازیم‌سیز نیمداش اشیا قیرینتیلاری، هیفز اولونموش دیوار پارچاسینین گرک‌سیز شیرلی ناخیشی، سینیق آفتافا، قیریق کرانت، پاس‌لی بورو - بوش میدان. بو میدانین تن اورتاسین‌دا قدیم حیوانلاری خاتیرلادان خورتوم‌لو بولدوزئر ایشلییر، سؤکور، داغی‌دیر، اوغولداییردی، ندن‌سه اونون نؤمره‌سی یادداشیم‌دا هکک اولونموش‌دو: قتپ-۴۴.
بیلمیرم، ندن‌سه، بیردن شعر اوخوماغا باشلادیم. بولدوزئرین سسینی باتیرماغا چالیشاراق اسمره شعر اوخویوردوم:

ایرین-اویرون،
دار کوچه‌لرین،
گوندوزلر
اوتاقلارین‌داکی بیاز گئجه‌لرین،
داملارینین یاستی‌سی،
ایچینین آستاسی،
کوچه‌لرینی
دولانان آددیملارین
همیشه تنها سسی،
گئجه‌لرینی
دونیادان ایت‌ن تاریخ تیکه‌سی،
ایچین‌دن باییر شهره،
بؤیوک شهره چیخان تعجبوم،
اوغرولارین‌دان قورخان جیبیم،
اؤلوم آیاغین‌دادیر ایندی.
بیچاره شهر،
ایچری شهر...

- کیمین شعری‌دیر بو؟

- واقیف وکیلووون، - دئدیم، - جاوان شاعردیر. یقین سن تانیمیرسان.

- بیلیرسن، - دئدی، - ایچری شهرده بیز ائله بیل بؤیوک کوممونال منزیل‌ده یاشایان کیمیدیک. هامی بیر-بیری حاقین‌دا هر شئیی بیلیردی. بیرینین رادیوسو چالیردی‌سا، بوتون محله اوچون چالیردی. بیرینین دردی، یاسی اولان‌دا آغلاشما سسی هامینین ائوینین ایچین‌ده ایدی. خؤرکلرین ایگی ده همچینین. بیر اوشاق قیزیلجا اولدومو، بوتون اوشاقلارا دیه‌جک‌دی.

اسمرین سؤزلری منیمچون نه قدر یاخین ایدی. آخی منیم عالمیم‌ده ده ایچری شهرین تکرارسیزلیغی محض بون‌دا ایدی.

بیز ایچری شهره قالا دئییریک. بیر مئمار کیمی، منیم فیکریمجه، قالا - معاصر شهرلردیر، هره اؤز قینینا چکیله‌ن کیمی منزیلینه، اؤز هوجره‌سینه چکیلیر، پیللکه‌نلر، پیللکه‌ن مئیدانچالاری دا یالنیز کؤرپودور. بو کؤرپوده قونشولار یالنیز تصادفه‌ن کؤروشه بیلرلر. بئله کؤروشلر هئچ واخت تانیشلیغا، دوستلوغا، یاخینلیغا سبب اولا بیلمز. کؤرپولر، یا دا واقونلار آراسین‌داکی بوفئرلر. بوفئرلرده تانیش اولوب دوستلاشماق اولارمی؟ هره اؤز ائوینه - اؤز کوپئ‌سینه چکیلیر. بو کوپئ‌لی واقونلار - معاصر ائولر موقابیلین‌ده - ایچری شهر عمومی واقون‌دور. سئوینجی، کدری، ناراحات‌لیغی، یوخوسو مشترک عمومی واقون. داوالاری، قئیبتلری، ایلری - مشترک، تویلاری، یاسلاری، قایغیلاری مشترک. معاصر شهرین راحت‌لیغی قارشی‌سین‌دا ایچری شهرین نیی وار؟ ناته‌میزلیگی، چیرکی، ناراحات‌لیغی، یاماقلاری... قوجا سیفتینین قیریشلاری کیمی ایری-اویرو کوچه‌لری. یانپؤرتو؛ دایانمیش شیکست، علیل ائولری. بلی... اما بیر ده اینسانی‌لیگی، اونسیت سئوینجی، عمومی تالئیین اوزسیزلیگی کی، اونون یئرینی هئچ نه وئرمز. بیر ده بیزیم اوشاقلیغیمیز. هر داش‌دا ایزی قالان اوشاقلیغیمیز. - بودور، ایچری شهر.

بابالاریمیزین یاشاییشی، دیری‌لیگی، اؤمرو-گونو.

- بوتون بونلاری نیله اوز ائدجکسینیز، اوقتای، - دئیه اسمر یئنه ده منیم فیکیرلریمه جاواب وئریرمیش کیمی سوروش‌دو: - شوشه‌دن و بئتون‌دان تزه ائولر تیکجسینیز، ائل‌می، مودئرن قوتولار؟

- بلی، - دئدیم، - چالیش کی، هیسسلرینی بیر بالاجا جیلوولایاسان و عقل‌لی-باش‌لی فیکیر ائله. آداملار گرک راحت یاشاسینلار، ائولرین‌ده هر بیر راحت‌لیق اولسون. اونا گؤره ده اونلاری بوردان کؤچورمک لازیم‌دیر. بس ائولر نه اولسون؟ البته، تاریخی اهمیته مالیک اولان بینالار ساخلانیلاجاق.
- تاریخی اهمیته مالیک بینالار! منیمچون تاریخی اهمیته مالیک اولان بینا - آنادان اولدوغوم ائودیر. آنادان اولدوغوم، بؤیودویوم، یاشادیغیم ائو.
او منی اسبیلش‌دیرمه‌یه باشلاییردی.

- یاخشی، - دئدیم، - چوخ کؤزل، بس اوندا نیه الیوه فورصت دوشه‌ن کیمی بو عزیز-خلف ائوی ترک ائتدین؟ - بونو دئمییمه پئشمان اولدوم. گرک دئمییدیم.

او جاواب وئرمه‌دی. بیر نئچه آددیم آتدی. کئچمیش ائولری سمته. دایان‌دی. ائولری باخ بو یئرده ایدی. اوتاغی دا باخ بوردا. پنجره‌سیز اوتاغی. چارپایی‌سینین یانینا آناسی کؤهنه خالچا وورموش‌دو - ائوده اولان ان قیمت‌لی شئی بو خالچا ایدی. خالچا اسمری دیوارین روتوبتین‌دن قورویوردو. اسمر منه ساری دؤن‌دو.

- گئدک، - دئدی.

ایستدیم اونون باشینی قاتام، قم‌لی خاطره‌لردن آییرام، ایچری شهرین تزه پلانی حاقین‌دا دانیشماغا باشلادیم.

- دایان، - دئدی. دایاندیق. او، نیه‌سه قولاق وئریردی. من ده دینله‌مه‌یه باشلادیم. کوچه‌نین او تایین‌دان ایکی آرواد کئچیردی و بیر-بیریله دانیشیردی:
- آغز، قاراگونه دئییرم، باشیوین چاره‌سینی قیل، شوغریبنه‌ن ایشین اولماسین...

- قادام اونون آغزینا، باشین‌دا آغلی اولسای‌دی، گده‌نی اونون-بونون قاپی‌سینا سالمازدی کی...

آروادلار تینی بورول‌دولار وا اسمر منه اینگیلتره‌دن دانیشماغا باشلادی. ایکی ایل بوندار قاباق اونلار اینگیلتره‌ده یاشاییردیلار و اسمر اورانین سماسین‌دان دانیشیردی، اوردا گؤی، - دئییردی، ائله آلچاق‌دیر، ائله بیل علینی اوزات‌سان - هم ده ائله بیل سولوب. ائله بیل بولودلاری گؤیه دیوار کاغیذی - اوبوی کیمی چکیبلر.

سونرا بیز خان سارایینین ایچینه گیردیک. داخی‌لی هئیأتلردن کئچدیک، پیلله‌لرده دایاندیق. گؤره‌سه‌ن اینستیتوت‌دا، ایشده من بو آبی‌دنی نئچه دفعه تدقیق ائتمیشه‌م، کؤچورموشه‌م، چکمیشه‌م، اؤیرنمیشه‌م. اما ائله بیل ایندی اونو ایلک دفعه گؤروردوم. من اونون سطحلرینین داهییانه آهنگینه، تناسوبلرینین سیممئترییاسیزلیغینا سانکی یئنی‌دن والئه اولوردوم. دیوانخانانین موبهه‌م آلا-قاران‌لیغی، داخی‌لی هئیأتلرین ساکیت‌لیگی، سارایین عظمتی - ائله بیل بوتون بونلار ان درین معناسینی منه ایلک دفعه آچیردی. خان سارایینین بؤیوک میدانین‌دا دایانیب ایچری شهرین منزره‌سینه تاماشا ائدیردیک. من داشین مودریک‌لیگی حاقین‌دا دوشونوردوم. دوشونوردوم کی، بوتون بونلار نه بؤیوک سادت‌دیر. من ایچری شهر کوچه‌لرینین آد لؤوهه‌لرینه، هان‌سی‌سا دیش هکیمینین اعلانینا باخیردیم و آغلیما گلیردی کی، بو یازیلار ایچری شهرین اب‌دی داشلارینی تحقیر ائدیر، ادب‌سیز گؤرونور. ائله بیل میلوس‌لو وئنئرایا ناخیش ووروبلار.

...او آخشام، آپرئلین ۲۹-دا بیزدن داغیلیشان‌دا، من ده هامییلا بیرلیک‌ده چیخدیم. اسمری اؤتورجکدیم. بیر آز گئری قالدیق اوشاقلاردان، بیردن تینباشین‌دا اسمرین چکمه‌سینین دابانی چیخ‌دی. من ماشین ساخلادیم و اؤمروموزده بلکه ده ایلک دفعه تاک‌سییه میندیک. اؤزومو ائله ایتیردیم کی، ساغا اوزینه، سولا گئدک دئدیم.

اسمر:

- بوغ‌دا، آرپا، - دئدی.

بیزیم ایدمان معلمیمیز بئله دئیردی. مشقلر زامانی بیر آدام تله‌سه‌ن‌ده ساغلا سولو چاش‌دیران‌دا ایدمان معلمیمیز دئیردی کی، سولو-ساغی یادین‌دا ساخلایا بیلمیرسن‌سه، یادین‌دا ساخلا آرپا بو یانا، بوغ‌دا او یانا. بو دا اونون زارافاتی ایدی. بز تاکسیله اسمرگیلین ائوینه چاتیب ماشین‌دان دوشدوک. قاپیلارینین آغزین‌دا آیریلان‌دا اسمر بیردن دقتله (ایندیکی واختیم اولسای‌دی دئیردیم کی، ایشویله) منه باخیب خبر آلدی:

- بس سن منه بیر شئی دئمک ایستهمیرسن؟ یئنه ده گؤرونور کی، فیکیر آخینیمیز بیر منزیله چات‌دی و اسمرین سؤزلرینه بو سفر ده تججوبلنمدیم:
- یادین‌دا او آخشام منیم چکمه‌مین دابانی چیخمیش‌دی، سن ده منی اؤتوروردون. - بیر آز سوسان‌دان سونرا علاوه ائتدی. - هر شئی باشقا جور اولا بیلردی.

آنجاق من کئچمیشی چؤزه‌له‌مک ایسته‌میردیم. اوشاق‌لیق‌دان بیز دایما نه ایسه ایتیریریک. بزه‌ن آدام لاپ مات قالیر. آدام هاردا، هاچان بو قدر شئی ییغیب کی، ائله هئی ایتیره-ایتیره یئنه ده نه نه ایسه ساخلاییر.

- آجمامی‌سان کی، هله؟

- هله یوخ. بیر-ایکی ساعت‌دان سونرا.

- یاخشی. ایندی ساعت ایکی‌دیر. ایکی ساعت دا واختیمیزی اؤلدورک.

- اجب نزاکت‌لی‌سه‌ن. دئمه‌لی، منیمله سن واختینی اؤلدورورسه‌ن.

- یاخشی، سؤزدن سؤز چیخارتما. ایستییرسن، گئدک کینویا.

- کینویا؟ گئدک.بیز فیلمین لاپ اولینه چاتدیق. سندلی فیلم ایدی. «یاپونییا محاربه‌لرده». من سندلی فیلملری خوشلاییرام - بو فیلم‌ده ایسه یاپون خرونیکاسینین نادیر کادرلاری واردی: اؤلومه محکوم پیلوتلار - کامیکادزئلر اوچوشقاباغی. آدامین اتی اورپشیردی.

- بیر اونلارین سیفتلرینه باخ، - دئیه اسمر قولاغیما پیچیل‌دادی. - دهشت‌دیر.

اوچوش‌دان قاباق اونلارین هامی‌سینا ساکئیاپون آراغی وئریر دیلر، تییاره‌یه قالخا-قالخا اونلاری چکه‌ن کینو-کامئرایا باخارکه‌ن بیلیردیلر کی، قارشی‌دا اونلاری یالنیز اؤلوم گؤزلییر و آرتیق هئچ بیر شئی اونلاری بو اؤلوم‌دن قورتارا بیلمز.

- گؤره‌سه‌ن، اونلار هاوایا قالخان‌دا نه دوشونورموشلر؟ - دئیه اسمر سوروش‌دو. - فیکیرلرینی دییشمیرلرمیش کی؟ اونا دیکتور جاواب وئردی:
- کامیکادزئلر یئردن قالخان کیمی حیاتلا اب‌دی ویدالاشیردیلار. گئری قاییتماقچون اونلارین تییاره‌لرینه بئنزین تؤکموردولر.

ساغ علیم‌ده اسمرین بارماقلارینین اسبی تیترییشینی دویدوم. سونرا ساغ یاناغیم‌دا اونون ساچلارینی، ساغ چینیم‌ده اونون باشینی هیسس ائتدیم. لاپ یاخین‌دان اونون ووردوغو اترین خوش، مستئدیجی قوخوسو گل‌دی. من‌ده دلی بیر اوشاق ایستیی اویان‌دی، اونو اؤپمک ایستدیم، اما یئنه ده، نئچه ایل بون‌دان قاباقکی کیمی اؤپمدیم. ایشیق یان‌دی. فیلم قورتاردی.

- بو دهشت‌دن سونرا یاخشیجا ناهار ائل‌مک لازیم‌دیر، - دئیه او، قایغی‌سیز و شن گولوم‌سه‌دی. - یامان آجمیشام. یاخشی کاباب یئمک ایستییرم. دئییرلر بوردا انتیقه بیر کابابخانا آچیبلار.

- هه. بیری وار بینقه‌دی‌ده. اما اورا اوزاق‌دیر. بیری ده باییل‌دادیر. گئدک اورا.

- گئدک.

کابابخانا کیشیلرله دولو ایدی. اسمر قادین چین‌سینین یئگانه نماینده‌سی ایدی. اونون قئیری-عادی گؤرکه‌می، گئیی‌می هامینین دقتینی جلب ائدیردی و بیزی هر ترفدر سوزوردولر. هامی بیر بالاجا، یا عمل‌لی-باش‌لی دم ایدی و، بیز بو باخیشلارین تن اورتاسین‌دا دایانمیشدیق. هله کی، آنجاق باخیردیلار، اما قورخوردوم سؤز-زاد دا آتسینلار، اودور کی بورا گلدییمیزه لاپ-پئشمان اولموشدوم. یاخشی کی، بوفئت‌چی منی تانی‌دی، مثلاًی درهال باشا دوش‌دو و بیزه یاناشیب پنجره قاباغین‌داکی ماسانین آرخاسینا آپاردی. من آرخام دنیزه طرف اوتوردوم. اسمر ایسه آرخاسی جامااتا، اوزو دنیزه اوتورموش‌دو و من سیفاریش وئره‌ن مدت‌ده چینیم اوستون‌دن دنیزه و اوفوق‌ده گؤرونه‌ن چاتیلماز نارگین آداسینا باخیردی.

- نه ایچجییک؟

- شامپان، - دئدی. - بیلیرم، بو لاپ گؤرممیش‌لیک‌دیر، کابابلا، شام‌دان ایچمزلر، اما من ایستییرم. یادین‌دامی او آخشام، سیزده...

بلی، یادیم‌دا ایدی. یادیم‌دا ایدی کی، او آخشام بیزده اسمر حیاتین‌دا ایلک دفعه شام‌دان ایچمیش‌دی. اما اونون اوشاق‌لیق خاطره‌لرینین سئنتیمئنتال قوس‌سه‌سی منی یاواش-یاواش اسبیلش‌دیریردی. حیاتین پوزولماز منتیقینه گؤره کئچیب گئدنلری قایتارماق جه‌دی کیمه گرک‌دیر. اسمر نیه بوتون اولوب کئچه‌نلری قایتارماق، خاطره‌لری اویاتماق ایستییر. بورا نیه گلیب؟ اؤت‌ن گونلرینه زیارته‌می؟ کیمه لازیم‌دیر بو زیارت؟ هیسس ائدیردیم کی، اووقاتیم گئتدیکجه تلخ اولور، قارشی‌داکی پنجره‌دن سکییه میسمار کیمی وورولموش دومدوز آغاجلارا باخیردیم و قانیم داها دا قارالیردی.

کاباب گتیردیلر، گؤی-گؤیرتی، تورشو...

- یوز ایلدیر کور یئممیشه‌م، - دئیه اسمر لذتله کوره کیریشمیش‌دی. خیدمت‌چی شامپانلاری آچیردی.

- سنه گولمه‌لی بیر شئی دانیشیم. بیر دفعه بالاجا بیر دیپلوماتیک مجلیس واردی. جامال دا خیدمتچینی کؤزله‌مه‌دی، شامپانی اؤزو آچماغا باشلادی. ترس کیمی شامپانین تیخاچی سیچرادی، گئدیب دوش‌دو لاتین آمئریکاسی اؤلکه‌لرین‌دن بیرینین سفیرینین بوشقابینا، جامالین رنگی-روفو قاچ‌دی، من ده قورخوم‌دان اسیردیم. اما اللها شوکور، سفیر بامزه آدام ایمیش، زارافاتا سال‌دی، کئچیب کئت‌دی. - اسمر بیر قورتوم شامپان ایچدی. - یاخشی، ساغ اول، ایچک سنین ساغ‌لیغینا.

- یوخ، بیر دایان، تلسمه. بیرینجی توست سنین ساغ‌لیغینا. من چوخ شادام، چوخ، لاپ چوخ شادام کی، سن گل‌می‌سه‌ن.
بیرینجی باده‌نی ایچ‌ن کیمی باشا دوشدوم کی، بو گون منه شامپان‌دان بیر شئی اولمایاجاق، داها اساس‌لی بیر شئی لازیم‌دیر.

- اعتراض ائتمیرسن‌سه من اؤزومچون آراق سیفاریش ائلییم.

- ائله ده.

آراق ایستکانینی باشیما چکدیم و هیسس ائتدیم کی، بوتون تفررواتلار، خیردا دئتاللار هامی‌سی اریییب گئدیر و اساس شئیلر قالیر. منیم خیالیم‌دا دا کئچمیش اویانیردی، تیکه-تیکه، پارچا-پارچا اویانیردی. اما قئیری-رئال اوشاق‌لیق ایللرینین کئچمیشی یوخ. کئچمیش ایللرین عرضین‌ده هیس‌سی وارلیغینی ایتیرمیش‌دی، ساده‌جه حادثه‌لر، فاکتلار سادالیغی کیمی قالمیش‌دی، اونا گؤره ده هئچ بیر دویغو اویاتمیردی. منیم خیالیم‌دا یاخین کئچمیش - هله سولوب سؤنممیش، اوزاقلاشیب ایتممیش کئچمیش - تحصیل ایللریم، موسکوا جانلانیردی. او ایللر، او کونلر کی، بوتون حیاتیم هله ایر‌لی‌ده ایدی. قریبه، دومان‌لی آرزولارلا، خیاللارلا دولو اؤمروم - هله آنجاق کله‌جک ایدی. عؤمور ترزیمین کئچمیش گؤزو یونگول ایدی، گؤیون اوزونه قالخمیش‌دی. گله‌جک گؤزو آغیر ایدی، دولو ایدی، یوکون‌دن آشاغی دوشموش‌دو.

قارشیم‌داکی حیات بؤیوکلویو و تخمینیلیینه گؤره سرحدسیز-کنارسیز، فورماسیز و ساحل‌سیز بیر شئی کیمی گؤرونوردو. ائله بیل اوزاق‌دان یاخینلاشدیغین ناملوم بیر شهرین پئیزاجیی‌دی. هر شئی ده بیر آز دومان ایچین‌ده ایدی. ائله بیل ائکران‌دا فوکوسو دوزلممیش فیلمه باخیرسان. بو دومان‌لی منزره‌دن- دومان‌لی شهرین سیقنال ایشیقلاری کیمی، تئلئویزییا قولله‌سینین قیرمیزی ایشیقلاری کیمی آیری-آیری نقطه‌لر کؤرونوردو - حادثه‌لر، قلبه‌لر، دؤیوشلر. آنجاق بو گله‌جه‌یه یاخینلاشدیقجا، یاشین آرتدیقجا، کند کینومئخانیکینین گؤستردیی فیلم-دیمیش کیمی فوکوس دوزلیر، دومان چکیلیر، دومانین آرخاسین‌دان رئال حیات چیخیر - رئال حیاتین کونتورلاری، فورمالاری، ساحللری، سرحدلری و اوندا بیر چوخ شئیلری باشا دوشمه‌یه، دوزگون گؤرمه‌یه باشلاییرسان. باشا دوشورسه‌ن کی، دونیانین رنگی بوزدور و آیری-آیری حادثه‌لر، قریبه ایشلر وارسا دا، اونلار وادیلر کیمی واختین سون‌سوز سهراسین‌دا ایتیب گئدیبلر. حیات ائله اوزون‌دور کی، پارلاق اولا بیلمز. و آنجاق سون‌دا - آخیب گئتمیش کئچمیشه دؤنوب نظر سالارکه‌ن چیخیب گئتدیین، اب‌دی ترک ائتدیین شهره باخان کیمی، اونا باخارکه‌ن، یئنه ده باشا دوشورسه‌ن کی، بو آرخادا قالان شهر، بو منزره، بو آخشام قارانلیغین‌دا گؤرونمزلشه‌ن کئچمیشین‌ده هر حال‌دا نسه وار - حادثه‌لر، سئوینجلر، قلبه‌لر، مغلوبیتلر. و ایندی اونلاری کؤرورسه‌ن - ترک ائتدیین شهرین آخشام قارانلیغین‌دا تئلئویزییا قولله‌سینین ایشیقلارینی گؤره‌ن کیمی.

ایچ‌ن کیمی باشلاییرام چره‌نله‌مه‌یه، درین قیریلداتماغا. نئجه دئیرلر، ایستکان‌دا توفان. اما سو ایستکانین‌دا یوخ، آراق ایستکانین‌دا...

چاخیرلا دم اولماق - ایشده پیلله-پیلله قالخماق کیمی‌دیر. بس آراق؟ بیر ایستکان بس‌دیر. بیر ایستکان‌دان سونرا کیم ایسته‌سه‌ن اولورسان. ایچ‌ن کیمی موسکوادایام. تییاره‌سیز، قاتارسیز، پول‌سوز، بیلئت‌سیز. داراقومیلوو کوچه‌سین‌ده یاسه‌مه‌نلر آچیر، بوتون دوستلاریم یانیم‌دادیر، دونیادا نه قدر کؤزل شئیلر وار - آخشام رادیو خورو، «کوچه‌لره سو سپمیشه‌م» ماهنی‌سی، موسکوا مایی، کیشی دوست‌لوغو، آرواد بارماقلاری - اوزون سرین بارماقلار، دنیز، یازین ائرکه‌ن چاغین‌دا تورپاق، زوغولبادا آیلی کئجه، آغسو دولامالارینی کئچه‌ن‌دن سونرا یاغیش، تاللینین قیشی، کورجوستان، بیر ده هئمینقوئیین یازدیغی ایری، لنگ آتلار - مونسوری پارکین‌داکی آتلار، مونسوری پارکی پاریس‌ده‌دیر... پاریس‌ده ده، من هئچ واخت اولمامیشام. بیر ده ایچری شهرین اب‌دی داشلاری - هئچ کسین داغیدیب سووورا بیلمیجیی داشلار. اسمره دانیشدیم کی، بیر دفعه بیر دوستوملا ایچری شهره گلمیشدیک. قدیم هامامی سؤکوردولر. کیمین‌سه سهلانکارلیغی اوجون‌دان هاماما تاریخی عابده لؤوهه‌سینی وورماییبلار، جاوان، ساریشین بولدوزئرچی ده ائنتوزیاستلار ماهنی‌سینی اوخویا-اوخویا مودهیش ماشینینی بو یازیق، بیچاره، سانکی قورخوسون‌دان بوزوشوب قالمیش تیکینتینین دوز اوستونه سوروردو. بیز هارای-هشیر قالدیردیق. «منه نه وار، - دئدی، - منه دئییبلر، من ده سؤکوره‌م. یولداشیم قاچ‌دی اورا-بورا زنگ ائل‌مه‌یه، من ده اوتوردوم بولدوزئرین پارچینا. بولدوزئرچییه دئدیم کی، هونرین وار، منی بوردان دوشور.

- بیلیرسن گل نیین ساغ‌لیغینا ایچک؟ باخ، سن موسکوادان اوچوب گل‌می‌سه‌ن. جاماللا دونیانین یاری‌سینی گزمی‌سیز. اما ان یاخشی سیاهت بیلیرسن هان‌سی‌دیر؟ بیلمیرسن... ان یاخشی سیاهت آراق شوشه‌سینین بوغازین‌دان دیبینه سیاهت ائتمک‌دیر. گل باخ بو سیاهتین ساغ‌لیغینا ایچک.

بو منیم اننوی توستوم‌دور. کیمین‌سه باشینی توولاماق ایسته‌یه‌ن‌ده بو توستو دئییرم. بس اسمره نیه بونو دئدیم؟ آنجاق داها اؤزومو ساخلایا بیلمیردیم. دانیشیر، دانیشیر، دانیشیردیم. دئییردیم کی، هئچ واخت بیر آدام باشقاسینی باشا دوشه بیلمه‌یه‌جک. دئییردیم کی، الله یوخ‌دور، اما من بیر دفعه اونو ائشیتدیم: آچارلارین زنگین‌دن ائشیتدیم. بو آچارلارلا او بیزی - اینسانلاری تک‌لیک کامئرالارین‌دا باغلاییب، ایندی ده گزیر اؤزویچون، آچارلارینی جینکیل‌ده‌دیر. اما بو تک‌لیک کامئرالارین‌دا اینسانلار هامی‌سی عینی شئیلری گؤرور - اولدوزلاری، آیی، بولودلاری، چارمیخا چکیلمیش سمانین بیر تیکه‌سینی، بیر اودومونو، یاغیشی - بیزیم عمومی ارازیمیزی. هر آدامین حقیقتی اونون ایچین‌ده باغلی‌دیر. سئیف کیمی، ایشکاف کیمی. بو سئیفی، بو ایشکافی باشقاسی آچا بیلمیر، چونکی بیرینین آچاری باشقاسینا دوشمور. هر آدام اؤل‌ن‌ده تورپاغا اونون آچارلارینی دا باس‌دیریرلار. بیز اؤل‌ن‌ده ده تورپاغا بیزی - هئچ بیر واخت آچیلمامیش ایشکافلاری باس‌دیراجاقلار.

آمان الله، من نه قدر بوش-بوش دانیشیردیم. دم اولسام دا، بیردن هیسس ائلدیم کی، او، منه قولاق آسمیر و هاراسا باخیر.

- هارا باخیرسان؟ - دئیه من کسکین سوروشدوم.

- اوردا گوزگو وار. گوزگویه باخیرام گؤره‌م من هان‌سی جور ایشکافا اوخشاییرام.

دنیزه طرف گئتدیک. گمییه ایکی بیلئت آلدیم.

دنیزدن اس‌ن کولک اسمرین ساچلارینین مورککب سلیقه‌سینی آلت-اوست ائدیردی، او ایکی ال‌له یایلیغین‌دان یاپیشیب، ساچلارینی بیرتهر قوروماغا چالیشیردی. من اونون چیینلرینی قوجاقلادیم. گمی شهردن گئت-گئده اوزاقلاشیر، دنیزین چیل-چیراقلارینین عکسینه بویانمیش ایشیق‌لی طرفین‌دن آغیر قاران‌لیغینا دوغرو گئدیردی. تئلئویزییا قولله‌سینین کونتورلاری ایتمیش‌دی، اونون قیرمیزی ایشیقلاری-گئجه‌نیی دویمه‌لرینه اوخشاییردی.

-اسمر دسمالییلا اوزونو اؤرت‌دو، آنجاق آلنی و گؤزلری آچیق قالمیش‌دی. آلنی و گؤزلری کؤزل ایدی. من اونون. باش یای‌لیغینی گؤتوروب آلنینی و گؤزلرینی اؤرتدوم. ایندی بورنو، دوداقلاری، چنه‌سی آچیق قالیردی و اونلار دا کؤزل ایدی. من یای‌لیقلا اونون سیفتینین موختلیف طرفلرینی اؤرتوردوم و هر دفعه قالان حیسه‌لر گؤزل، کامیل ایدیلر.

گمی اوزون بیر فیت وئردی و گئری دؤنمه‌یه باشلادی. من بارماقلاری‌می اونون سرین علین‌ده گزدیردیم.

- عزیزیم، - دئدیم، - سنین بئش بارماغین وارمیش.

- قریبه‌دیر، ائل‌می، قریبه‌دیر کی، آلتیبارماق دئییله‌م. او بو سؤزلری یایلیغین دالین‌دان دئدی، من یای‌لیغی اونون دوداقلارین‌دان قوپاردیم و اسمری اؤپمه‌یه باشلادیم. من هیسس ائلدیم کی، یای‌لیغی بوینوما کئچیردی و برک-برک دارت‌دی. اونون سیفتینین بوتون فورمالارینی، بوتون ازالارینی دویور و اسمرین پیچیلتی‌سینی ائشیدیردیم.

- باخ، گؤرورسه‌ن‌می، سنی بوخوولادیم، یایلیغیملا. بیز آئرودروما گئدیردیک و منیم فیکیرلریم قوما باتمیش ماشینین چارخلاری کیمی بیر یئرده هرله‌نیردی. هرلنیب عینی بر جمله‌یه قاییدیردی: «ساحل بویو سپلنمیش بالیق‌چی کومالاری...» بو قیریق جمله هاردان دوشموش‌دو بئینیمه. اونون معناسی نه ایدی، او کیم‌دن، ندن دانیشیردی و نیه گؤره بو جمله بوتون قلبی‌می تیتره‌دیر، آغری‌دیر؟

اسمر موهاجیرلردن دانیشیردی. موختلیف اؤلکه‌لرده راست گلدیی موهاجیرلردن. بعضیلرینین گؤرورسه‌ن گوزرانی دا پیس کئچمیر، اما هامی‌سینین گؤزلرین‌ده عینی بیر ایفاده وار - قریب‌لیک، یالقیزلیق ایفاده‌سی.

من دوشوندوم کی، بلکه بیز ده، اسمر ده، من ده موهاجیریک. بؤیوکلر دیارینا اوشاق‌لیق اؤلکه‌سین‌دن گلمیش موهاجیرلر. گئری قاییتماق ایمکانین‌دان اب‌دی مهروم اولموش موهاجیرلر. وتنلریچون قریبسمیش موهاجیرلر.

- دئمه‌لی، بیرجه هشترخان‌دا دوشجییک، سحر ده موسکوادایام. هئیف کی، سنین آد گونونه قالا بیلمدیم، بیر گؤر سن الله… - سونرا او علاوه ائتدی: - هله کی، موسکواداییق، گل. جاماللا من چوخ شاد اولاریق. «یئنه ده جاماللا من!»

- من بیلمیردیم کی، جامال بئله منسب قازانیب. دیپلوماتیک مجلیسلرده شامپان آچماق نادیر شخصلره نسیب اولان سادت‌دیر.
- یاخشی، آجیدیل اولما، او، آیری ایشلرله ده مشغول اولور.

- بیلیرم، بیلیرم، اونون علین‌دن هر ایش گلیر. سهو ائلمیرم‌سه، جاوان‌لیق‌دا چکمه‌چی اولوب.

- سن ایسه جاوان‌لیق‌دا دا آخماق اولموسان، ائله ایندی ده آخماق‌سان. بلی، جامال چکمه‌چی‌لیک ائل‌ییب، بؤیوک، عائله ساخلاییب و اؤزو ده اوخویوب. بئله شئیه ریشخند ائل‌مک آییب‌دیر.

من دوغرودان دا خجالت چکدیم. تییاره‌یه یاریم ساعت‌دان سونرا مینه‌جک‌دیلر، بیز آئروپورتون کافئ‌سین‌ده اوتورموشدوق، واخت چوخ آغیر کئچیردی. ائله دقیقه‌لر اولور کی، لیم-حلیم دولودورلار، هئچ بیلمیرسن نئجه کئچیرلر. بوش دقیقه‌لر ده اولور، ایچیلمیش شوشه کیمی، بیلمیرسن اونلاری نئیله‌یه‌سه‌ن. مینیک اعلان ائد‌ن‌ده راحت نفس آلدیم

- باغیشلا، بیر آز آرتیق-اسکیک دانیشدیم، - دئدیم.

- ائیبی یوخ‌دور،- او هله ده اینجیک ایدی.

- ایندی دئدیکلریم هئچ، بایاق کابابخانادا دا چوخ سفئه سؤزلر دانیشیردیم.

- کئچر، - دئدی و بو اوندان ائشیتدییم سون سؤزلر ایدی.

تراپین یوخاری پیلله‌سین‌دن چئوریلیب، ال ائل‌دی، سونرا تییاره‌نین قاران‌لیق قاپی‌سین‌دا قئیب اولدو. بیر نئچه دقیقه‌دن سونرا او، اوجا قارا کؤی‌ده ایکی قیرمیزی، بیر یاشیل ایشیق نقطه‌سی ایدی. ایگیرمی دقیقه ده کئچ‌دی، آیین اوتوزو اولدو و منیم سیننیم بیر یاش آرت‌دی. بو واخت من شهره یاخینلاشیردیم و کئجه ویترینلرینین ایشیقلاری سویوق، سویوق ایدی.

اما نه ایسه خوش بیر راحت‌لیق هیس‌سی، آزادلیق، آسوده‌لیک هیس‌سی ایچی‌می دولدورموش‌دو. من ایشیم-پئشه‌م حاقین‌دا دوشونوردوم. دوشونوردوم کی، صاباح، یوخ، آرتیق بو کون سحر ایش ماسامین آردینا کئچه‌جه‌م. ماسامین اوستون‌ده‌کی بؤیوک آغ پلانشئت حاقین‌دا دوشونوردوم، فیکیرلشیردیم کی، توشون نه یاخشی ایگی وار، یاخشی قددنمیش قله‌ملرین نه گؤزل فورماسی وار. بیر ده دوشونوردوم کی، ایشده‌ن، فعالیت‌دن گؤزل دونیادا نه وار و بونلارین اولماماسی نه بؤیوک فاجعه‌دیر. بؤیوک شهر - منیم پئشه‌م - اوستومه آخیردی.

سحر منی یوخودان باجیمین جینگیلتی‌لی سسی اویات‌دی.

- تبریک ائدیره‌م، تبریک ائدیره‌م. بؤیوک اوغلان اولاسان، بالاجا باجینی اینجیتمه‌یه‌سه‌ن. - اییلیب منی اؤپدو، - سنه تئلئقرام گلیب. هشترخان‌دان. گورجودن‌دیر.

من تئلئقرامی قاپدیم. ایکی سؤز. «تبریک. اؤپوره‌م.» بیر ده ایمضا:
«کامیکادزئ».

تاریخ
2017.06.25 / 20:46
مولف
Axar.az
شرح لر
دیگر خبرلر

منیم آدیم هر قادینین سینه‌سینه یازیلماز - باکیروغلو

میر جلالین حکایه‌لر توپلوسو نشر ائدیلدی - تورکییه‌ده

نئجه شعیر یازیم، تار چالیم بوگون؟

آنارین "یاخشی پادشاهین ناغیلی" کیتابی تورکییه‌ده چاپ اولوندو

یا من هاوالییام، یا هاوا خسته - شعر

دونیانین ان تأثیرلی قیسا حکایه‌سی

حضرتی سولیمان منزیلین قاپیچیسی اولسا…- هنری

اوچدو قارانقوشوم گئتدی گلمزه!

بس شیطان یازیب؟ - حکایه

قونشوموز داتیکونون اؤلدویو گون...- حکایه

خبر خطّی
 
  
  
  
  
Axar.az'da reklam Bağla
Reklam
Bize yazin Bağla