Axar.az
یوخاری
21 یانوار 2018


اور‌یه گئدن یول - رفاییل تقی زاده

آنا صحیفه ادبیات
12 Punto 14 Punto 16 Punto 18 Punto

مترونون واگنونا یئنیجه داخیل اولموشدوم کی، منی گؤروب، ایچده‌ن گلن ارکیانه بیر ادایلا الیم‌دن توتاراق دارتیب یانیندا اوتورندو. همیشکی کیمی قاشلارینی دارتیب، ایری گؤزلرینی تام آچیب، بیر آز دا گولومسه‌یه‌رک، ائله همینکی گور سسله حال-احوال توتدو. اولانلاردان، اولاجاقلاردان دانیشدیق. دوشجییم دایاناجاغا نه واخت چاتدیغیمی بیلمدیم. دوشملیدیم. ایشه تلسیردیم. ائله او دا. ائله بیل ایچیمدن نسه قیریلیب قالدی. اونون «گؤروشریک» سؤزو ایندی ده یادیمدادی. او واختلار او سؤزو تئز-تئز ایشلدردی...

آرادان خیلی زامان کئچدی. هردن راستلاشیردیق.

سونرا...

سونرا هر شئی دییش‌دی.

... قاشلارینی دارتیب، ایری گؤزلرینی آچیب، یئنه یانین‌دا اوتورت‌دو منی. کافه ده. پارکدا. دنیز کنارین‌دا. عینی آغاجین کؤتویو اوسته. عینی اوتوراجاقدا. عینی یئمیی یئدیک. عینی چایدان ایچدیک. عینی هاوانی اوددوق. عینی سؤزو دئدیک. سؤزلری هجالارا بؤلدوک. ائله حیاتی دا. راحتلیغی دا. دنیزین اوستونده آددیملاماغی دا...

ساحل قوملاری آیاق ایزلریمیزی قوشالاشدیردی. لپه‌لر عینی واختدا ایسلاتدی آیاقلاریمیزی. آیین ایشیغیندا دنیزین پیچیلتیسینا قولاق آسدیق. دینلدیک دنیزی. سئودییمیز دنیزله بؤلوشدوک اولانلاریمیزی. ایکیمیز ده دنیزین پاییزینی، قیشینی، نغمه‌سینی سئودیک.

سئودیکلریمیز ده عینی اولدو، سئوه‌جکلریمیز ده.

یانان ایچیمیزی ساکیتلشدیرمک اوچون یاغان یاغیش بیزی عینی چتیر آلتینا آلدی...

یاغیش چتیرده شوپئنین نؤکتورنلرینی چالدی بیزه. بونا دؤزمین - قیسقانان کولک ده اؤز پایینی اسیرگه‌مدی. چتیریمیزی الیمیزدن آلیب، بیزی بیری-بیریمیزه سیخدی. داها دا یاخینلاشدیردی. گئجه‌لر اویاق اولانلارین هامیسی بو حالا اؤز پایینی وئرمه‌یه باشلادی.

خاطره‌لر، خیاللار، حقیقتلر قوینوندا گونلر آیلارا دؤندو. آیلار ایللره.

آرتیق آیاقلار بیزی او یئرلره غیری-اختیاری اولاراق آپاریر.

هر دفعه مترویا میننده یادیما اونون منی ایلک دفعه نئجه دارتیب یانیندا اوتورتماغی دوشور.

ایندی آرتیق دئسه ده، دئمه‌سه ده گلیب یانیندا اوتورورام. باشقا اوتوراجاق یئریم یوخ. یانیندایام. یانیم‌دادی. یان-یاناییق. بؤیور-بؤیورییک.

منده‌دی. قلبیمده‌دی. بیریک. بیر یئردییک...

یاغیشدا چتیریمیزی کولک آلمیش کیمییک...

سئوگی نغمه‌سی

سنین چتیرینی آلان کولیین

اؤپوشو قوناجاق یاناقلارینا،

ائنجک، ائنجک بیر آز آشاغی -

او سولان، گؤیره‌ن دوداقلارینا.

بو یئرین، بو گؤیون هئچ بیلمدیی،

آیین دویمادیغی، ائشیتمدیی،

بیر سئوگی نغمه‌سی اوخویاجاغام

قارا بولودلارین قولاقلارینا.

داها بو اللریم چتیردی سنه،

او میل-میل بارماغیم پردلنیبدی،

منیم باخیشلاریم شیمشکدن ایتی،

بولود پرن-پرن سپلنیبدی.

چیرپدیم کولکلری بوز قایالارا،

سؤندور، سؤندور منی، آلیشاجاغام،

منیم جوشان سینم یئلکن کیمی‌دی،

دنیز دوداغیندان یاپیشاجاغام.

تاریخ
2017.06.29 / 11:58
مولف
Axar.az
شرح لر
دیگر خبرلر

منیم آدیم هر قادینین سینه‌سینه یازیلماز - باکیروغلو

میر جلالین حکایه‌لر توپلوسو نشر ائدیلدی - تورکییه‌ده

نئجه شعیر یازیم، تار چالیم بوگون؟

آنارین "یاخشی پادشاهین ناغیلی" کیتابی تورکییه‌ده چاپ اولوندو

یا من هاوالییام، یا هاوا خسته - شعر

دونیانین ان تأثیرلی قیسا حکایه‌سی

حضرتی سولیمان منزیلین قاپیچیسی اولسا…- هنری

اوچدو قارانقوشوم گئتدی گلمزه!

بس شیطان یازیب؟ - حکایه

قونشوموز داتیکونون اؤلدویو گون...- حکایه

خبر خطّی
 
  
  
  
  
Axar.az'da reklam Bağla
Reklam
Bize yazin Bağla