Axar.az
یوخاری
21 آپرئل 2018


بو منیم حکایه‌م‌دیر...- ائلچین آصلانگیل

آنا صحیفه ادبیات
12 Punto 14 Punto 16 Punto 18 Punto

کولت. آذ شاعر-یازیچی، آکتیور ائلچین آصلانگیلین "قودوز ایت" حکایه‌سینی تقدیم ائدیر:
(بو منیم حکایمدیر..)
۱۲ ایول. ۲۰۱۰- جو ایل.
گؤزلریمی آزاجیق آچیب اوتاغین قارانلیغیندان باشقا بیر شئی گؤرمدیکده، یئنه یوخولادیم.
- و بونو دا بیلین کی، الله هئچ کسه قالدیرا بیلمیجییندن آغیر یوک، چکه بیلمیجییندن آرتیق درد وئرمز. یاخین گل ائلچین، سن ده اوتور، قولاق آس.
ایری ستونلارین کؤلگه‌سینده دالدالانان اوزلرین هئچ بیرینی تانیمیرام، ائله دانیشان آدامی دا. آنجاق بورانین مسجید اولدوغونا امینم.
- دوستو، آچ او قارشینداکی کیتابی.
بو کیتاب قوراندیر، بیر نئچه دفعه ترجمه‌سینی اوخوموشام.
- آچ، اوخو!
- حؤکمن یا رب!
- دئدیین سؤزلر نه معنا کسب ائدیر، بیلیرسن‌می؟
- دئیسن بیلیرم...
- نه؟
- رب.. یعنی الله تک..
- بلی، الله تک وارلیقدیر، شریکسیزدیر!
- ائلچییین! ائلچین، آرتیق سحر آچیلیب، گئجیکه بیلریک، بسدیر یاتدین.
- حؤکمن یا رب. – بو نه دمکدیر؟
- صاباحین خئییر. الله تک وارلیق‌دیر، شریک سیزدیر. نه اولوب کی؟
- یوخودا دئدیلر منه. بلکه گئتمیک؟
- واللاه آتاما سؤز وئرمیشه‌م. قالخ، تنبل‌لیک ائل‌مه. ال-اوزونو یو، اینینی گئیین، آرتیق ساعت دوققوزدور.
- یاخشی.
*****
- عمی، بیر آز اول باغی گزیردیم، ایت آرخامجا دوشدو، آیاق ایزلریمی ایله‌مه‌یه باشلادی. باخ، دوز ائوین تینینه قدر گلدی آرخامجا. ایتین گؤزلری ده قیزاریب.
- الله قوروسون، بو ایستیلر بیزی اؤلدورمه‌سه یاخشی‌دیر. حیوان ایستیدن اذیت چکیر، تئز-تئز اؤزونو آرخ-بره‌یه وورور، یقین سویا گیرمکدن ایتین گؤزونه قان دامیب.
- دیلبر هاردادیر؟
- ائوین او بیری اوزونه کئچ، سنه کته بیشیریر.
- او کته ده بیشیره بیلیر؟
- من سنه قیزی وئرنده دئدیم آخی کی، باجاریقلی‌دیر. دوزدانیشان کیشیلردنم.
- عمی من شاعر آدامام. دوز دانیشان دوزلری گزدیم قیزینی آلمامیش‌دان قاباق. قاراتیکان‌دان توتموش، یولغونا، یووشانا قدر دیل آچیب دئدیلر، - امینین قلبی دونیا مالین‌دان یوخسول‌دور اوجارین چؤللری کیمی. اوردا گؤز ایشلدیکجه اوزانیب گئدن بیر دوز، دوزنلیک وار کی، اللهین عدالتیندن باشقا بیر شئی تانیماز.
- قیزی‌می آلان‌دا دا، بئله تعریفلمیشدین منی.
«یاا محمد، ده اونا! ده کی، الله بیلیر!»
نیه گؤره دنیز سولارینین اوستونده برق ووران آیین ضیاسی، اونون دوردوغو یئره قدردیر؟ اوزونو گؤرمک ده اولمور. محمد اللهین بیلدیینی دئمه‌لیدیر منه؟ باغیشلا الله، حض. محمد منیم تای-توشوم دئییل، حؤرمتله یاناشمالییام، لاپ اورییمده اولسا بئله، اونا حض. محمد دئیه خیطاب ائتمه‌لییم، باغیشلا. بس یاخشی، بوتون مقدسلر نه اوچون هممیشه هامینین گؤزونه عینی جور، آغ گئییم‌ده گؤرسه‌نیرلر؟
- یوخو گؤرن گؤزلریندن اؤپوم، یوخسا پؤرتموش یاناقلاریندان؟
- دیلبر، یئنه یوخو گؤردوم...
- سن ناماز قیلمالی‌سان. من دئییرم من ائشیدیرم. قرانی نئچه دفعه اوخوموش آدامسان، قلبینی اللها آچ.
- منیم یئریمه نمازی ملکلر قیلیر، من پاک و تمیزم. هم ده سنه دئمیشم آخی، - شاعرلر یاری پیغمبردیر. (او گولدو، من ده گولدوم) - حیطه دوشنده ایتدن اؤزونو قورو.
- او ایت منیم ایتیمدیر. او ایتی بو قاپییا من گتیرمیشم، من بؤیوتموشم. ایته هئچ نه اولماییب.
*****
۱۳ ایول ۲۰۱۰-جو ایل.
- ائلچین، یاخشی بیر قوشالولله راستینا چیخ‌سا منه خبر ائت.
- تئیمور، منیمکی قله‌م‌دیر، قوشالولله من‌لیک دئییل.
- قاپییا چاققال-چوققال دادانیب. قونشویا دئمیشه‌م، بو گون گتیره‌سی‌دیر توفنگینی. گئجه دوشه‌ن کیمی چینیمه آتیب، کئچه‌جه‌م باغین آیاغینا. یا تولکو، یا چاققال، یا جاناوار، فرق ائتمز. بیرینی وورسام، او بیریلرین ده آیاغی کسیله‌جک.
- گئجه من ده یئره دوشوره‌م، چاشیب منی ده وورارسان.
- او قیشقیرتی هاردان گلیر آ گلین؟
- بو نه قیشقیریق‌دیر عمی؟
- تئیمور، ائلچین، دوشون آشاغی، گؤرون او نه سس‌دیر؟! آ گلین، او سوپورگه‌نی علین‌دن یئره قوی، بیر باخ گؤر او نه سس‌دیر، کیم‌دیر قیشقیران؟!
۵ ایول ۲۰۱۰-جو ایل. آتام دیلبره دئدی: - سیز طرفه یولوم دوشموش‌دو. سیزه گئتدیم. هامینین سنه سلامی وار. سن‌دن ده سلام دئدیم اونلارا. دیلبر، ایتینیزدن گؤزوم سو ایچمه‌دی. هورمه‌دن اوستومه شیغی‌دی. دئیه‌سه‌ن ایتینیزی چاققال دالاییب.
*****
- بو پیس علامت‌دیر.
- سن دئدین کی، آتانین یوز یاش‌لی بیبی‌سی، بئشیک آسیب؟
- او بئشیی آسیب دعا ائتدی.
- نئجه یعنی دعا؟ بونون هئچ بیر خئیری یوخ‌دور.
- او اؤز اوتاغین‌دان بئشیک آسدی، سونرا قوران‌دان بیر نئچه آیه اوخودو و من ده او بئشیین باشینا بیر نئچه دفعه فیرلاندیم.
- ائل‌جه فیرلاندین؟
- باشقا نه ائتمه‌لی ایدیم؟
- فیرلانا-فیرلانا ماهنی دا اوخویایدین.
- سن زارافات ائت. آیتلکورسونو اوخودوم.
- آیتلکورسونون بونا نه دخ‌لی؟ بقره سوره‌سینین همین آی‌لرین‌ده اللهین قودرتین‌دن دانیشیلیر. اوردا بئشیک حاق‌دا، اوشاق حاق‌دا هئچ نه یوخ‌دور.
- من او آی‌لری اوخویوب اللهی ذکر ائد‌رک اؤولاد دیلییردیم.
- ماراق‌لی آیین‌دیر. گرک منی ده چاغیرایدین، بیر آز کئفیم آچیلاردی.
- کیتابا دا باخ‌دی.
- هان‌سی کیتابا؟
- قورانا.
- باشا دوشمدیم..
- دئدی کی، ایکی دنه قارا ایت ال-آیاغینی گمیریر.
- بونو قوران‌دان اوخودو؟
- قوران‌دا ائله یازیلماییب. اول دوداغینین آلتین‌دا نسه دئییر، سونرا کیتاب آچیر. دئییر منه عمل ائدیبلر.
- نئجه عمل؟
- نه بیلیم.
- یات.
- سحر سنی تئز اویاداجام یوخودان. باجیم بیزی قوناق چاغیریب. هاوا قیزمامیش گئدریک.
- یاخشی. بو گون گؤردون؟ – بیز قاپییا گیره‌ن کیمی ایت اوستوموزه یویوردو. هئچ اویناقلامادی، ایکیمیزی ده ایله‌ییب چیخیب گئت‌دی. ایتین گؤزلری قان چاناغی‌دیر. هئیأته دوشه‌ن‌ده ائهتیات‌لی اول، تک دوشمه.
- ایته هئچ نه اولماییب. تئیمورا دا بئله دئییب کویله‌ن‌دیرمه، یوخ‌سا اؤلدورر ایتی.
- یات.
«یا محمد، دئ اونا! دئ کی، الله بیلیر!»
*****
- آنا، بیز بو گون باجیمگیله قوناق گئدجییک.
- هاوا قیزمامیش گئدین. بیر آز پومیدور دا ییغ، آپار.
- یاخشی، ایندی دوشوب ییغارام.
- ائلچینی اویاتدین؟
- هه. اما هله ائش‌لنه‌جک یاتاق‌دا، بئش-اون دقیقه‌یه قالخار.
- بو پیس علامت‌دیر.
- نیه، نه اولوب؟
- آغاجا باخ.
- نه وار آغاج‌دا؟
- بیقوشو گؤرمورسه‌ن؟
- هه، گؤردوم. بو، گئجه ده بوردا ایدی، سسینی ائشیتدیم. ائلچین ده بیقوشون سسینی ائشیت‌دی. من ده، پیس علامت اولدوغونو دئدیم.
- سهرچاغی بو بیقوشون بوردا نه ایشی وار؟ – الله خئییر ائل‌سین.
سونرالار دیلبر دئییردی. - هئیأته دوشدوم. ائوین یانین‌دان وئدره‌نی گؤتوروب، اکین ساحه‌سینه یوللاندیم. ایت گؤرونموردو. باشی‌می قالدیریب گؤیلره نظر سالان‌دا، ایچیم سیزیل‌دادی. داریخدیم سنین اوچون. سن اوزاق‌دا دئییلدین. اما داریخدیم. بولودلار او قدر اوزاق ایدی کی، سن‌دن او قدر اوزاق اولماغی دوشونمک، ایچی‌می سیزیلدات‌دی. بیردن، نار آغاجینین بوتاغی آز قالا گؤزومه گیره‌جک‌دی. گؤزومون اوستونه بات‌دی. یئره چؤملیب، گؤینرتی‌سین‌دن تخمیناً بئش دقیقه زاریدیم. ایت یوخ ایدی. اکین‌لیک‌دن پومیدور ییغیب ائوه گلن‌ده، ایتی باغین آیاغین‌داکی آچیق قاپی‌دان ایچری گیره‌ن گؤردوم. ایت سودان گلیردی، ایسلانمیش‌دی. منی گؤروب اوستومه یویوردو.
سهروزو تخمیناً ساعت ۶:۰۰ – دا، تئیمور اکین ساحه‌سینی سولاماق اوچون آرخا قاپی‌دان سو باشینا چیخیر. اکینه سو آچیب ائوه قاییدارکه‌ن، باغین چؤل‌لویه آچیلان بالاجا قاپی‌سینی باغلاماغی اونودور. ایت هئیأت‌ده یوخ ایدی. گئجه‌لر چؤللوک‌ده اولوردو. تئیمور سو آچدیغی بئلی ائوین هئیأتی ایله اکین ساحه‌سینین آراکسمه چپرینه سؤیکییر.
- ایت.. اییییییییییت!
یوبانماق اولماز. ائله بیرباشا ائیوان‌دان توللانماق لازیم‌دیر. قاچماق.. وار گوجومله قاچمالییام.. چپرین دیبین‌ده بئل وار. چاتان کیمی بئلین تینی ایله ایتین باشینی اوزدوره‌جه‌م. قیشقیریم، بلکه سسیم‌دن قورخ‌دو. - رددول اییییت، اییییت، ایییییییییت!
بئلی ایتین هولقومونا سیخمیشام. ساغ آیاغیملا ایتین بئلین‌دن باسیرام.
- دیلبر، قولونو ائهمالجا ایتین آغزین‌دان چکیب چیخاااارت! بیر آز تئز! کؤمک ائدیییییین! تئیموووور! عمیییییی!
- ائلچین قورخما، من یاخشییام.
او چوخ ساکیت‌دیر. اما گؤزلرین‌ده‌کی تاقت‌سیزلیک منی دوشوندورور. یقین کی آغری‌دیر...
- هه، یاخشی، من قورخمورام. سن قولونو ایتین آغزین‌دان آل، اولدو؟
- یاخشی.
دیلبر قولونو ایتین دیشلرین‌دن سیییریب چیخارت‌دی. ساغ آیاغیمین آلتین‌دا مؤهکه‌مجه ساخلادیغیم ایتین باشین‌دان، علیم‌ده‌کی بئلله وورماق ایستییرم. بیردن...
- دیلبر، سنین قولون‌دان گوج‌لو قان آخیر. ایت دامارینی زده‌له‌ییب؟
اونون رنگی سارالیب. حال‌سیزدیر، آیاق اوسته گوجله دورور.
- بیلمیرم ائلچین.
علیم‌ده‌کی بئلی، ایته فیکیر وئرمه‌دن کنارا آتیرام. قورخو.. بو چوخ پیس‌دیر.. او قاناخمادان اؤله بیلر؟ ایت آیاغیمین آلتین‌دان آسان‌لیقلا سییریلیب قاچیر. قریبه‌دیر، ایت نیه منه هوجوم ائتمه‌دی؟
من دیلبره دئمیشدیم، ایتده‌ن اؤزونو قوروسون، احتیاط‌لی اولسون. او ایسه منی ائشیتمه‌دی.
بلکه ده اؤمروم‌ده ایلک دفعه سحر یئمک یئیجکدیم. ماسانین آرخاسین‌دا دیلبرین آتاسی (اونا هامیمیز عمی دئییردیک)، قارداشی و من سحر یئمیی اوچون ایلشمیشدیک. اونلار منیم یوخودان اویانماغی‌می گؤزله‌یه‌رک، سحر یئمیینی گئجیکدیرمیش‌دیلر. تئیمورون آروادی، هئیأتی سوپوروردو. دیلبرین هاردا اولدوغونو بیلمیردیم. او منی یوخودان اویادیب، بیر نئچه دقیقه‌لیک صحبت‌دن سونرا اوتاق‌دان چیخمیش‌دی. بیز سس ائشیتدیک. علیم‌ده‌کی، هله بیر قورتوم‌دا اولسون ایچمدییم چایا اؤتری نظر سالیب، سسین هاردان گلدیینه قولاق وئردیم. - اوشاق سسی‌دیر؟ - کیم‌سه قیشقیریردی. سونرا دیلبرین آتاسی، تئیمورون آروادینا سس‌لنه‌ن‌ده، آنلادیم. آخی من اونا دئمیشدیم ایتده‌ن اؤزونو قوروسون.- بونو اؤز-اؤزومه دئدیم و ائله بو دم، تئیمورون حیات یولداشی ایت دئییب قیشقیران‌دا امین اولدوم. ائیوان‌دان تول‌لاناراق سسگه‌له‌ن ایستیقامته طرف قاچدیم. های-کوی سالیب ایتی قورخوتماق ایستییردیم، اما ایت دیلبری آلتینا آلاراق قولونو گمیریردی. بو منیم یادیم‌دادیر و چوخ گومان کی، اؤمرومون سونونا قدر ده، یادیم‌دان چیخمایاجاق.
بو حادثه باش وئره‌ن زامان، بیر نئچه ائو کناردا یاشایان قونشو، تصادفه‌ن توفنگله هئیأته داخیل اولاراق، ایلک آتش‌ده‌جه ایتی ووردو. او، توفنگی تئیمورا گتیرمیش‌دی.
*****
- هکیم، او ساغالاجاق؟
- دقیق بیر سؤز دئیه بیلمره‌م. قانینی اکمیشیک. خسته‌نین وضعیتی ائله ده یاخشی دئییل. ساغ گؤزونون قیییلماسین‌دان بیزه معلوم اولور کی، قودوزلوق چؤپلری اؤز ایشینی گؤرور. بو چوخ قریبه خسته‌لیک‌دیر. قودوزلوق چؤپلری اینسانین بئیین اؤلمونه سبب اولور. اوریی ساغلام‌دیر. اما بیزی تعجبله‌ن‌دیره‌ن اساس مسئله، خسته‌نین ایشیق‌دان و سودان قورخماماسی‌دیر. عادته‌ن بئله خسته‌لر، دئپرئ‌سییایا دوشه‌رک ایشیق‌دان و سودان قورخورلار. بو خانیم‌دا ایسه، بئله بیر حاللا قارشیلاشمادیق. او چوخ راحت‌لیقلا سو ایچدی، ایشیق‌دان ناراحات اولدوغونو بیل‌دیرمه‌دی. صاباح سحر اونبیره کیمی یاشاسا، خستلیین آلت قاتینی بیلجییک. قانکمه‌نین نتیجه‌لری صاباح سحر معلوم اولاجاق.
- اگر منیم گلنی‌می بو خستلیین جایناغین‌دان قورتارا بیل‌سه‌نیز، بو دونیادا ایسته‌ییب الده ائتمدیینیز هر شئیی الده ائدجکسینیز، سیزه سؤز وئریرم. علینیزدن گلنی اسیرگمیین پروفئسسور.
- بئله گؤزل گؤزلری اولان قیزلا ایلک دفعه‌دیر قارشیلاشیرام. گؤزلرینین قریبه رنگی وار. دونه‌ن گئجه توند گؤی ایدی. ایندی ایسه، دنیز ماوی‌سی‌دیر. من چالیشاجام.
- ائلچینین یانین‌دا بئله دانیشمایین.
- باشادوشوره‌م.
۸ آوقوست ۲۰۱۰-جو ایل. گؤی‌ده اولدوز آزدیر. بیرازدان اذان چکیله‌جک. بایاق‌دان خستخانانین هئیأتین‌ده دولاشان قارا پیشیک، منه یاخینلاش‌دی. دوز اؤنوم‌ده دایانیب. ساغ بؤیروم اوسته سکامئیکادا اوزانمیشام، اینفئک‌سییا شعبه‌سینین قارشی‌سین‌دا. گؤره‌سه‌ن دیلبر نیه بو قدر چوخ یاتیر؟ هردن آغزین‌دان کؤپوک ده گلیر. منه دئییرلر کی، بو عادی یوخودور. بو عادی یوخو دئییل، بیلیرم. هه، پیشیک، دیلبر نیه بو قدر چوخ یاتیر؟ سن بیلیرسن؟
پیشیک آغزینی آزاجیق آچیب، قیجانیرمیش کیمی دیشلرینی گؤستردی. اوزومه دقتله باخیب میریل‌دادی. اوچ حادثه عینی واخت‌دا باش وئردی. ائقاپینین آچیلماسی، پیشیین میریل‌داماسی، اذانین باشلانماسی. قورخاراق اوزاندیغیم سکامییادان دیک آتیلدیم.
اینفئک‌سییا شعبه‌سینین قاپی‌سینی آچان تیب باجی‌سی، ایلک اولاراق منی گؤردو. آتاملا دیلبرین قارداشی، ماشین‌دا یوخویا گئتمیش‌دیلر.
- سیز، خسته‌نین حیات یولداشی، زحمت اولمازسا گلین.
کوریدوردا، دیزلریم اسه-اسه قاچدیم، دیلبرین یاتدیغی پولاتایا دوغرو. بو پولاتا بیر گون بون‌دان اول چوخ گؤزل ایدی. یئنی یازدیغیم شئیرلردن بیرینی، دیلبره و اونون گؤزللیینین ایشیغینا ییغیشمیش، تیبب باجیلارینا سؤیلمیشدیم. بینمیش‌دیلر. بو کوریدورون اوزون‌لوغو ایگیرمی مئتردن چوخ اولماز. اما دیلبره چاتماق اوچون چوخ اوزون اولدو.
- بلی تیبب باجی‌سی، ائشیدیرم سیزی.
- هئچ نه.
- نئجه یعنی هئچ نه؟ دیلبرین گؤزلری آچیق‌دیر، نه واخت اوینیب یوخودان؟
- اویانماییب.
- گؤزواچیق یاتیر؟
- یوخ.
- او سیزه نسه دئدی؟ منی سوروشمادی کی؟
- هئچ نه دئمه‌دی. یوخ، سوروشمادی.
- دونه‌ن یاتان‌دا گؤزواچیق دئییل‌دی.
- ائلچین، سن اؤزون جسه‌دی بوردان چیخارداجاق‌سان، یوخ‌سا من کؤمک چاغیریم؟
- نه؟
- هه.
- هر شئی قورتاردی؟
- هه.
- وس‌سالام؟
- هه.
- اویانمایاجاق؟
- یوخ.
- اؤلدو؟
- هه.
- من اوشویوره‌م.
- هاوا ائله ده سویوق دئییل.
- منه سویوق‌دور.
- آتانلا قاینین آرخان‌دا دوروب، یول وئر کئچیب جسه‌دی گؤتورسونلر.
- اونلار آغلاییر، من آغلامیرام. اؤزوم گؤتوره‌جه‌م.
- یاخشی.
- دیشلریم قیریلاجاق.
- ساکیت اول، اؤزونو اله آل.
- سیز، بیر–بیرینه دیه‌ن دیشلریمین سسینی ائشیدیرسینیز؟
- ائشیدیرم. آغلاماغا چالیش، اؤزونو سیخما.
- دیلبر دئمیش‌دی آغلاماییم.
و من اونو اؤزوم گؤتوردوم. جان‌سیز دئییل‌دی. بلکه ده اوزون‌ده‌کی تبسسوم ایدی اونو جانلان‌دیران، اؤلو ایک‌ن دیری ائد‌ن. ان قریبه‌سی ایسه، من ده گولومسییردیم. او گول‌دو، من ده گولدوم.

تاریخ
2017.06.30 / 21:44
مولف
ائلچین آسلانگیل
شرح لر
دیگر خبرلر

دولو دنه‌سیندن یارانان تورک داستان قهرمانی

...سن گئدن یوللارا گؤزلر دیرنیر آخشاملار

تۆرک یاراندیم، تۆرکلۆیۆمدن دؤنمه دیم - حبیب ساسانیان

دونیا شهرت‌لی یازیچینین توکورپه‌دن وصیت اولایی

مجنون ائدیب چؤله سالیب...

آستاجا ساچلاریما چک...

بیر علی کریم محتشم‌لیگی - غلبه تسللی‌دیر خاطره‌لریم

صوفی گؤزلرینی سو سولاله‌سیندن بیلدیم...

تبریزده وفات ائد‌ن شاعر: "سنسیزلییه اؤیرت منی..."

تکجه او قیز قاچا بیلمز بو اوددان - رامیز رؤوشن

خبر خطّی
 
Axar.az'da reklam Bağla
Reklam
Bize yazin Bağla