Axar.az
یوخاری
17 دکابر 2017


سولفژیو درسی – آذر عبداللهنین حکایه‌سی

آنا صحیفه ادبیات
12 Punto 14 Punto 16 Punto 18 Punto

آخار. آذ آذر عبداللهنین "سولفئژ درسی" حکایه‌سینی تقدیم ائدیر.

بو سحر کؤچری یوخودان همیشه کیندن ایکی ساعت تئز آییلدی. ائشیکلرینده‌کی پاسلی دمیر پارچاسینی بیر نئچه یول قالدیریب ائندیردی. کؤچرینین ایدمانلا آراسی یوخ ایدی. آنجاق او، سون یئددی گونو کؤنولسوز اولسا دا ایدمان ائدیردی. بو گون او، بیر نفرله ایکی تون کاغیذی ماشینا یوکله‌ییب سونرا دا بوشالتمالیی‌دی.

او، دالاندان بورولان‌دا ایلکین گؤزونه دین بیر قیز اولدو. اونو اوزده‌ن تانیییردی. قاباقلار ائله بو کوچه‌ده بیر نئچه یول اوز – اوزه گلمیش‌دی.
بو سحر گؤرمسی‌دی، قیزین بئله تئز یوخودان اویانماسینی آغلینا گتیرمزدی. بوی‌لو – بوخون‌لو بو قیزدا یاراشیق‌دان، گؤزل‌لیک‌دن ساوایی بیر خانیم – خاتین‌لیق دا واردی. کؤچری بئله قیزلاری ، آنجاق شهرین مرکزی کوچه‌لرین‌ده گؤرموش‌دو.

شهرین قیراغین‌دا تاختا، دمیر چپره آلینمیش یؤن‌ده‌م‌سیز ائولرین آراسییلا اوزانان دار، پالچیق‌لی یول‌دا بو قیزین یئریمه‌سی کؤچرییه هم قریبه گلیر، هم ده اونو سئوین‌دیریردی. کؤچری دوی‌دو کی، آرخادان گلن اوغلانلارین ، کیشیلرین هامی‌سی قیزا چاتماق ایستییر.

بو گون گؤلمچه‌نین سویو بیر آز دا چوخالمیش، بعضی داشلارین اوستونو اؤرتموش‌دو. کوچه‌دن کئچه‌نلرین هامی‌سی آیاغینی چپرین دیبین‌ده‌کی یومرو قارا داشین اوستونه قویان‌دا داش یئرین‌ده اویناییر، آداملار چپرین ائنسیز تاختاسین‌دان یاپیشیب، او بیری داشا آدلاییردیلار.

قیز آیاغینی همین داشین اوستونه قویان‌دا بودره‌دی، گوله - گوله «اوی» - دئدی. آنجاق ییخیلمادی. شابالی‌دی کورکونون اوستونه قونموش اولدوز – اولدوز پاریل‌دایان نارین دامجیلار یئره تؤکول‌دو.

قیز چپرین ائنسیز تاختاسین‌دان برک – برک یاپیش‌دی. علین‌ده آغ، یومشاق دری الجک واردی. کؤچری اونون علینی گؤره بیلمدیینه هئییف‌سیله‌ن‌دی. آیدانین آغاپپاق ، یوموق – یوموق گؤزل بارماقلاری، بارماقلارینین اوستون‌ده‌کی باتیقلار یادینا دوش‌دو. «آیدان بیزه گل‌سه، اونون دا علی بو تاختایا دیه‌جک» دوشون‌دو.

آیدان کؤچرینین آروادی گولگزله موسیقی مکتبین‌ده اوخویوردو. دونه‌ن گولگزله آیدانگیله گئتمیش‌دیلر. اونلارین اوجا تاوانلارین‌دان آسیلمیش چیل‌چی‌راقلاری، گئنیش، ایشیق‌لی دؤرد گؤز اوتاقلاری، پار – پار یانان پارکئتلری، اونلارین چیریلتی‌سی ، مئبئللرین رنگین‌ده توند خینایی «رؤنیش» آلمان پویالی، بیر ده آیدانین یوپیومرو آیاغین‌داکی یاشیل تیکمه‌لرله ایشلنمیش یومشاق، قیرمیزی دری‌دن مستلری کؤچرینین گؤزلرینین قارشی‌سینا گل‌دی، دیلخور اولدو.

چونکی اونلار ایکی دفعه آیدانگیله گئتمیش‌دی. ایندی ده آیدان اونلارا گلملی‌دی. بیر – بیرین‌دن آرالانیب بویاسی گئتمیش تاختا دؤشه‌مه‌لرین‌دن، اسگی شاپشاپلارین‌دان، کؤهنه «بئلاروس» پیانولارین‌دان ، اونون سسی چیخمایان «می»، «سول» نوتو اوستون‌ده‌کی دیللردن داها چوخ کؤچرینی دیلخور ائد‌ن بو کوچه‌نین گؤلمچه‌سی، پالچیغی ایدی.

قیز گؤلمچه‌نین اورتاسین‌دا بیر اوغلانلا قارشیلاش‌دی. اوغلان پئنجیینین یاخاسینی قالدیرمیش‌دی، آیاغین‌دا یای آیاققابی‌سی ، اینین‌ده آچیق ماوی، قیسا یای شالواری واردی. او، قیزلا اوز – اوزه گلن‌ده اووقاتینی پوزمادان سویا گیریب یول وئردی، بیر داها داشلارین اوستونه چیخمادان گؤلمچه بویو یئری‌دی. آرخادان گلن کیشیلر گولوشوردو، اونلاردان بیری:

-آی بالا، یای دئییل ها، جاوان‌لیغینا سالما، دئکابر آیی‌دی، سویوقلایارسان، - دئدی.

اونلار تراموای دایاناجاغینا چات‌دیلار. کؤچرینین قانینی قارال‌دان شئیلردن بیری ده شهرین هر یئرین‌دن چوخ‌دان گؤتورولموش، آنجاق اونلارین یولو اوستون‌ده ایشله‌یه‌ن سینیق – سالخاق آرابالاری آندیران تراموایلار ایدی. قاباقلار کؤچری اؤز دایاناجاقلارینا چاتان‌دا بو یؤن‌ده‌م‌سیز ائولرین یانین‌دا دوشمه‌یه اوتانیردی. ایللاه دا کی، اونون یانین‌دا گؤزل، نازلی بیر قیز اوتورای‌دی و بیر نئچه یول گؤزلری بیر – بیرینه ساتاشای‌دی. دایاناجاغا یاخینلاشان‌دا کؤچری بو یئرلره بیرینجی یول گلن آداملار تکین پنجره‌دن چؤله بوی‌لانیر، یانین‌داکیلاردان سوروشاردی:

- بیلمیرسیز، خستخانایا چوخ‌مو وار؟

قاباق یئرلرده ایلشمیش بازاردان گلن قوجا قادینلار:

- ائله بوردادیر، بوردا دوش، باخ اورادیر...

کؤچری ژورنالیست ایدی. اوزاق کندلرین بیرین‌ده درس دئیه‌ن قارداشی، قونشولارین یانین‌دا یاخود هارداسا اونا کلک گلمک ایسته‌یه‌ن ساتیجیلارلا سؤزلشه‌ن آناسی، قادینی، باجیلاری ژورنالیست کؤچریله اؤیونوردولر. آنجاق نه اونلار، نه قوهوم، قونشولار، نه شهرین اورتا کوچه‌سین‌دن کئچیب رئداک‌سییایا گئدرکه‌ن ماغازالارین ایری پنجره‌لری آرخاسین‌دان کؤچرینی سلاملایان یئنی‌یئتمه ساتیجی قیزلار، یاخین – اوزاق بوتون تانیشلار بو گون اونون کاغیذ داشیماغا گئتمیینی بیلمیردیلر.

بئش ایل ایدی «موسیقی» ژورنالی رئداک‌سییاسین‌دا تئکنیکی رئداکتور ایشلییردی. بو گون – صاباح ایشینی دییشیب باشقا بیر یئره کؤچمک اومیدیله یاشادیغین‌دان تئکنیکی رئداکتورون وظیفه‌سینه عایید اولان ایشی بو گونه‌جه‌ن اؤیرنمیی اؤزونه سیغیشدیرمامیش‌دی. ایشینین اؤهده‌سین‌دن گله بیلمدیین‌دن رئداک‌سییادا دیلی قیسای‌دی. ائله بونا گؤره ده بویروق‌چو اولماغین‌دان رئداک‌سییانین خیردا – پارا ایشلرینی اونا تاپشیریردیلار. کاغیذی متبهه‌یه رئداک‌سییانین بوتون ایشچیلری آپاریردی. اوندا کؤچرینین وئجینه دئییل‌دی. چونکی شعبه مودیرلری، مسئول کاتیبین اؤزو اونونلا بیرگه کاغیذی یوکلییر، بیرگه تاک‌سییه مینیب متبهه‌یه گلیر، اورادا کاغیذی بوشالدیردیلار.

سونونجو دفعه اونلار یوک ماشینین‌دا گل‌دیلر. شعبه مودورلرین‌دن بیری سوروجودن ماشینی قیراق، آدام‌سیز کوچه‌لردن سورمیی خاهیش ائتدی. سوروجونون ترس دامارینا دوشدویون‌دن اونو ائشیتمه‌دی. شعبه مودیرلرینین یورغون، دئیینه - دئیینه کاغیذلاری داشیماسی، یوک ماشینی ایله شهرین ایچین‌دن کئچرکه‌ن آشاغییا اییلیب قیزلاردان، تانیش – بیلیشلردن گیزله‌نمه‌سی او چاغلار کؤچرییه لذت وئریردی.
شعبه مودیرلری بونا دؤزمزدی. بیر – ایکی یول گئدیب رئداکتورا شیکایت ائدیب بو آغیر ایشده‌ن یاخینلارینی قورتاردیلار.
کؤچری آوتوپارکا گیردی. سوروجولر بیر یئره توپلاشیب اوجادان دانیشیردیلار. کؤچرینی گؤره‌ن‌ده اونلاردان بیری دئدی:

-آله، بو یئنه گل‌دی کی؟

کؤچری اؤزونو ائشیتمزلییه ووردو. اونون ایچین‌ده بیر سئوینج ده واردی. بو گون بیر فهله‌نین یئرینه ایشله‌ییب پولون یاری‌سینی گؤتورمک، گئدیب تزه ات آلماق، یاخشیجا بازارلیق ائتمک، آخشاما بیر کاباب دوزلتمک ایستییردی. صاباح آخشام سوفره‌ده نه دئسه‌ن، اولاجاق، باجیلارییلا، آروادییلا اورک‌دن دئییب – گولجی‌دی. اوجاق چاتاجاق، اتی اؤزو شیشه چکیب مانقالین اوستونه دوزه‌جک، علینی اوزونه توتوب ایستی‌دن قوروناجاق، توستو، اتین قوخوسو بوتون قونشولارا یاییلاجاق‌دی.

کؤچری اونلارا چاتیب:

- سلام الئیکیم! – دئدی.

- آی صاباحین خئییر!

- همیشه سن گله‌سه‌ن، ققئش!

اللری پلاشین جیبین‌ده اوجابوی، آریق، قاشلاری اوزون و و چاللاشمیش دیرئکتور گؤزلرینی بیر آن کؤچرییه دیکیب تئز ده چک‌دی. کؤچرینین قانی قارال‌دی. یاخشی بیلیردی کی، پارکین درئکتورون‌دان توتموش بوتون سوروجولره کیمی بیرینین ده اوندان خوشو گلمیر. او بونو بیر نئچه یئره یوزدو. کؤچری یاز، یای آیلاری چوخ یاخشی گئیینیردی، بلکه ائله بونا گؤری‌دی، بلکه ده قاراقاباق‌لیغینا، یاخود اونلارا قایناییب قاریشا بیلمدیینه گؤری‌دی؟..

سوروجولردن بیری:

- ققئش ها گلیب – گئدیرسن، بس هاچان بیزدن یازاجئی‌سه‌ن؟

کؤچری هیرسینی بوغوب:

- من یازان دئییله‌م، اؤزو ده بیزیم توپلوموزا اینجسنت‌دن یازیرلار.

- نه اینجسنت؟

باشقا بیر سوروجو:

-آله، اوخو دا ساوادسیز، بیلمیرسن میننارین قزئتی ندی؟

اللری یئکه ایری شاپکالی کؤک بیر سوروجو:

-میننار چایکووسکی یازیر ده...

-آی آتون رهمت...

- زئینب‌دن نؤؤش یازمورسوز؟

-سن هئچ باخ‌می‌سان، بیلار زورنا - بالاباننان توتموش کلارنئت، ناغارا، آرتیس – مارتیس ، نه بولوم سئرئنادا، بالالایکا، موغامات نه گل‌دو yazullar.Elه دؤیول، باجوغ‌لو؟

آغزین‌دا کازبئک اورتایاش‌لی بیر سوروجو:

- خالوغ‌لو، چکمه‌لرینی بئله پالچیق‌لی گؤروره‌م، دیه‌سه‌ن، سن ده منیم کیمی قیراخلاردا یاشاییرسان؟

کؤچری اؤزونو او یئره قویمادی، آجیغینی بوغوب دئدی:

-دئیه‌سه‌ن سیز ده مننه‌ن یازماق ایستییرسینیز، هره‌نیزی بیر شئی ماراقلاندیریر، صاباح گلرسیز، سورغولارینیزا جاواب وئرره‌م.

دیرئکتور یانا چئوریلیب اوزوتوک‌لو، آلچاقبوی‌لو، ائنلیکورک اوغلانا:

- قزنفر، سن گئت.

قزنفر ساغ علینی گؤدکجه‌سینین جیبین‌دن چیخاریب دئدی:

-یولداش نچننی، بو دفعه ده آیری‌سی گئت‌سین.

اینانمورسوز، ژورنالیستین اؤزوننه‌ن سوروشون، مننه‌ن آراسی یوخ‌دو.
سوروجولردن:

-آله، میننتون اولسون، شیکولونو قزئتلرونه ووراللار. کاغوزلارونو چوخ واخت سن داشی‌می‌سان.
-هرو، ال الو یویار، ال ده اوزو...

دوغوردان دا کؤچرینین قزنفرله آراسی یوخ ایدی.
بیر یول آنباردا ماشینینا کاغیذ یوکلییردیلر. قاپینین یانین‌داکی کاغیذ قورتاردی. ماشین باشقا قاپینین یانینا چکیلملی‌دی. کؤچری قزنفری چاغیرماغا گئت‌دی.او، بیر – بیرینین ایچین‌ده اولان باشقا آنبارا کئچه‌ن‌ده گؤردو کی، قزنفر آنباردارین کؤمک‌چی‌سی یئنی‌یئتمه بیر قیزین بیلیین‌دن یاپیشیب. قیزسا گولور، علین‌ده‌کی دفترله قزنفرین اوزونه - اوزنه وورور، علینی دارتیب چیخارماق ایستییر.

او گون‌دن سونرا اونلارین آراسی دی‌دی. یئری دوش‌دو – دوشمه‌دی قزنفر کؤچرییه ساتاشیردی.

بیرینجی یول کاغیذ آپاران‌دا قزنفر ده کؤمک ائلمیش‌دی. ایشچیلرله تانیش اولموش، اونلارین حاقین‌دا چوخ شئی اؤیرنمیش‌دی . مااشلارینی ، هارالی اولدوقلارینی سوروشموش‌دو. کؤچرینین آروادینین اوخودوغو موسیقی مکتبینین یئرینی ده بیلیردی.

قزنفر پوتیووکایا قول چکدیریب ماشینا ساری گئدن‌ده آوتوپارکین دیرئکتورو دئدی:

- قاباقجا مئبئل فابریکلرینه دی، دولابلار حاضر اولسا، اونلاری آنبارا آپار.

قزنفرین «قاز ۵۱» ماشینی کؤهنه ایدی. گئدرکه‌ن یان تاختالاری یئل‌لنیر، تاققیلتی، چیقیلتی ائشیدیلیردی. ماشینین یانلاری تامام پالچیغا بولاشمیش‌دی. کؤچرینین قانی داها دا قارال‌دی. قزنفر کابینکانین قاپی‌سینی آچدی.

- او بیری قاپی آچیلمیر، گل بوردان کئچ.

کؤچری بیر آز دا هؤوسه‌له‌دن چیخ‌دی، آنجاق یئنه دؤزدو. ساکیتجه دئدی:

- ماشینی نیه سیلمیرسن؟ ساخلاییب جریملیرلر ها؟

- ایبی یوخ، کاغوزو یوکله‌ییب قایی‌دان باش الابباسین توکانینین یانین‌دا ساخلاییب یویاریق.

همین ماغازا موسیقی مکتبینین یانیندای‌دی.
اونون نیه ایشاره ائلدیینی آنلادی، داها اؤزونو ساخلایا بیلمه‌دی.

-کؤتوک، باشین – زادین -آغرامیر؟

-نؤش هیرس‌لنیرسن؟ اؤزوم یویاجاغام دا. ژورنالیستین دانیشماغینا باخ ائ؟ بیلورسه‌ن نه وار، هؤرمتیوو ساخلا ها؟!

مئبئل فابریکین‌ده چوخ قال‌دیلار.کؤچری تلسدیینی گیزلدیردی. او، ماشین‌دان چیخیب سئخلره گیردی.

قزنفر چؤل‌دن الیله کؤچرینی چاغیردی.

کؤچری ساغوللاشیب سئخ‌دن اوزاقلاش‌دی.

قزنفر ماشینی یئیین سوروردو. ماشینلاری ساغ‌دان، سول‌دان اؤتوب کئچیردی. سوروجولر باشلارینی چیخاریب آجیق‌لی – آجیق‌لی نسه دئییردیلر.او، ماشینی یولو کئچمک ایسته‌یه‌ن آداملارین اوستونه سورور، چاتاچات‌دا آزجا دؤندریب یانلارین‌دا اؤتور، سونرا باشینی چؤله چیخاریر، علینی یئلله‌ییب قورخموش آداملاری گوله - گوله سالاملاییردی. بیر دفعه ده قیرمیزی ایشیق اولا – اولا کوچه‌نی کئچمک ایسته‌دی. بیردن ایلجی سویوققان‌لیقلا سونادک سیخ‌دی. چئوریلیب کؤچرییه باخ‌دی.

- بوردا دئیرلر، آنون ناماز اوستیمیش! ائل‌مو؟

کؤچری سوسوردو. قزنفر یئنه دیلله‌ن‌دی.

-دوغوردان، کؤچری من‌دن یازارسان؟ یاز کی، دلیدولویام، هامییا ساتاشورام، آداملوغوم یوخ‌دو.

واللاه، ایسته‌سه‌ن ده یازماس‌سان. قزئته عقل‌لی – باش‌لی آدام‌دان یازوللار.

-سننه‌ن چوخ قشنگ یازارام، آنجاق...

-آنجاق اودور کی، نوولار شوفیر اولان‌دا ، هیم – جیم منه بس‌دور. بیر دنه ایگیرمیبئشلوی، نئجه‌دور؟ باغوشلا ائ، بلکه آچوغ دانوشورام، بیزده اؤرتولو بازار یوخ‌دور. یاخ‌چو، بیر آز مده‌نی دئسک، بیر دنه اینتوریست! نئجه‌دور؟

-ائله آرخایین دانیشیرسان کی، ائله بیل هر شئیی بیلیرسن، هر شئی‌دن خبرین وار.

-هؤش یوخ‌دور ائ؟ هله سوزه یازماغا گؤره پول دا وئروللر، بیرتهر دئیوللر ائ؟..

-قونورار؟

-هه آتون رهمت. باغوشلا، دیرویه ده رهمت وار!..

-قزنفر، سوروجولرین هامی‌سی سنین کیمی‌دیر، یول قای‌دالارینی هامی سنین کیمی پوزور؟

یوخ‌سا...

-باشا دوشدوم، ائل‌سو وار مده‌نودور، قوزو کیمی‌دور، ائل‌سو وار اود پارچاسودور، آنجاق هاموسو قازانوب بالالارونو ساخلاماق ایستیور.

کؤچری هؤجتی کسمک اوچون سوس‌دو. قزنفر ماشینی آنبارین یانین‌دا ساخلاییب یوخ اولدو.

آنباردا فهله یوخ ایدی . اونلاری باشقا یئره گؤندرمیش‌دیلر. کؤچری هؤوسه‌له‌دن چیخ‌دی، ایسته‌دی چیخیب گئت‌سین، باشقا گون گلیب آپارسین. سونرا آوتوپارکین درئکتورونون سویوق، سایمازیانا اوزونو سوروجولری، سحر اوباش‌دان یوخودان قالخماغی ، آروادینی آلدادیب: «بو گون متبهه‌ده ایشیمیز وار» - دئمه‌سی قزنفرین ایلییه ایشله‌یه‌ن آتماجالاری یادینا دوش‌دو. بیر یان‌دان دا سئوین‌دی. «فهله‌نین پولو دا اؤزومه قالار، بیر گونلوک ایشدیر، سینیییم اؤزومو؟» –دوشون‌دو.
کؤچری کاغیذلارین اللی‌سینی یوکله‌دی. سویوق اولسا دا کوریین‌دن تر سوزوردو.
یورولموش‌دو، آنجاق اینانیردی کی، یئرده قالان کاغیذی یوکله‌مه‌یه گوجو چاتاجاق.متبهه‌ده فهله‌لر اونا حؤرمت ائدیردیلر. «اوزاقباشی هامی‌سینی اونلارا بوشالتدیرارام، صاباح پولو آلاجام، گتیریب پوللارینی وئرره‌م...»

کؤچری یورول‌سا دا دا سئوینیردی. چونکی اونون ایشلدیینی گؤره‌ن یوخ ایدی. آنباردار قادین اؤز یئرین‌ده ایلشیب چای ایچیردی.او، گلیب کاغیذلاری ماشین‌دا سایاجاق‌دی. سونونجو آرابانی یوکله‌ییب آپاران‌دا قزنفر گل‌دی.

- پای آتوننان، تک یوکلدون؟! من اؤلوم، اؤلدورسه‌لر ده من باجارمادیم. بئله ژورنالیست اولار؟ اژداهاسان!

قزنفر کؤمک ائل‌مک ایسته‌دی. کؤچری قویمادی. او، آجیق‌دان قزنفرین یانین‌دا اوتورمادی، پلاشینی گئییب ماشینین اوستونه قالخ‌دی.

-اؤزوننه‌ن کوس، گؤر هاوا نئجه سویویوب، ترلوسه‌ن، سویوق اولاجئی، اؤزو ده یاغیش چیلیور. آنجاق سن هیرس‌لنه‌ن‌ده مه یامان لذت ائلیور.

سویوق کولک کؤچرینین ترلی باشینی اوشودوردو. او اؤزونو قالاقلانمیش کاغیذین آرخاسینا وئریب آشاغی اییل‌دی. چؤملتمه اوتوردو. «بیر آز دؤزسیدیم...» دوشون‌دو.

رئداک‌سییا ، شعبه مودورلری اورایا گلن خانیم – خاتون قیزلار، اونلارین نازی، موسیقی‌لی سسلری مودیلیانی، جولیئتتا مازینا آغری‌سی، آنتونیونی، کاربوزئ، ایسترادیواریوس سکریپکاسینین سیرری، کافکا آنلاشیلمازلیغی، بوتون ائلیتا دانیشیغی بو دانیشیق زامانی اؤزلرینی اوخشارسیز گؤسترمک ایسته‌مه‌سی کؤچرینین یادینا دوش‌دو. هامی‌دان، هر شئی‌دن اؤزون‌دن بئله زهله‌سی گئت‌دی. باشی اوشویوردو. پاپاق قویمادیغینا پئشمان اولدو. «منه بو دا آزدیر، اصل یوک داشییانام» غضبله دوشون‌دو. شعبه مودورلرین‌دن بیرینین تئز – تئز آرالیغا «مایاکووسکی اؤمرونون سونوناجان ادبی ایشچی ایشله‌ییب» دئمه‌سی یادینا دوش‌دو. «بلکه مننه‌ن یانا دئییر، بلکه منه توختاخ‌لیق وئرمک ایستییر، بلکه ده اله سالیر؟..» فیکیرلش‌دی.

ماشین دایان‌دی. کؤچری سسه باشینی یوخاری قالدیردی. ایکینجی قاتین بالکونون‌دا اوچ قیز اللرینی نارین یاغیشا اوزادیب اونا باخیردیلار. قیزلار کؤچرینی اوزده‌ن تانیییر، گولگزین یولداشی اولدوغونو بیلیردیلر. کؤچری بیر آن اؤزونو ایتیردی، نه ائدجیینی بیلمه‌دی. بیردن آیاغا قالخیب شاخ دایان‌دی.

قزنفر ماشینی الابباسین ات دوکانین‌دا ساخلاییب یئره دوش‌دو. گوله - گوله کؤچرییه باخیب دئدی:

- یاغیش یاغیر، گل آشاغو، بئش دیقه‌یه ماشینی سیلیم، گئدی.
موسیقی مکتبینین طلبه‌لری ایکی - بیر ، اوچ – بیر ماشینا ساری گلیردیلر. قیزلاردان بیری کؤچرینی گؤردو، یاواشجا نسه دئدی، یانین‌داکی یولداشلاری دا چئوریلیب کؤچرییه باخ‌دیلار. بو کؤچرینین گؤزون‌دن یایینمادی. او، یئره آتیل‌دی. پلاشینین دویمه‌سی ماشینین قیراغینا ایلیش‌دی، ال بوی‌دا «ق» شکلین‌ده جیریل‌دی.او، اوزونو قزنفره توتوب:

- ائششک! دونوز اوغلو، دونوز!..

کؤچری تلسیک چئوریلیب یئیین آددیملارلا موسیقی مکتبینه ساری ایر‌لیله‌دی. او، اوزاق‌دان گولگزین صینیف یولداشی فوادی گؤردو. بیر اوغلانلا توند نارینجی»وولقا»سینا یاخینلاشیردی. کؤچری سالاملاشمادان اونلارین یانین‌دان اؤتوب ایکینجی قاتا قالخ‌دی.

اللرین‌ده نوت دفتری ، خز پالتولو قیزلار سکیلرله ائنیب قالخیردی. بعضیلری کؤچرینی تانیییردی، کؤچری اونلارین هئچ بیرینین اوزونه باخمادی. اوتاقلاردان پیانو، تار، سکریپکا، ویولئنچئل سسی گلیردی. کیمی قامما چالیردی، کیمی موغامات، کیمی ده ائتود. اوتاقلارین هان‌سین‌داسا تئنور سسله کوروغلونون آرییاسی اوخونوردو. سس تئز – تئز کسیلیر، یئنی‌دن ائشیدیلیردی.

کؤچری اوتوز اوچونجو اوتاغا یاخینلاش‌دی. بیلیردی کی ، بو ساعت گولگز سولفئجیو درسین‌ده‌دیر. قاباقلار بیر یول گولگزی آختاران‌دا گلیب همین اوتاغا چیخمیش‌دی.

یاواشجا قاپینین دئشیین‌دن ایچری باخمیش‌دی. ایچری‌ده‌کی قیزلارین هامی‌سی اونا آغاپپاق گؤرونموش‌دو. اوزرین‌دن بختورلیک، سئوینج یاغان بو قیزلار قو قوشلاری کیمی بمبیاز اوزون بویونلارینی ایر‌لی اوزادیب اوخویوردولار. کؤچرینین آروادی قیزلاردان سئچیلمیردی. اونلارین اینجه، شیرین، بیر آز کؤورک و ملاهت‌لی سسلری کؤچرینی گؤتورموش، اونو گؤیون یئددینجی قاتینا قالدیرمیش، بلکه ده داها اوزاقلارا آپارمیش‌دی. قیزلارین آغاپپاق، شومال اللری، گؤزل بارماقلاری، دارانمیش دومدوز، بورما تئللری، گؤزگؤرونه‌ن هر شئی ناغیل کیمی کؤچرینین یادین‌دا قالمیش‌دی.

کؤچری قاپینی هیرسله آچدی. قیزلار «یایلاق گولو» شرقی‌سینی اوخویوردو:
اس‌ن یئلله اوچا – اوچا گل‌می‌سه‌ن،
یایلاق گولو، لچکلرین بس هانی؟..

کؤچری بیر آندا هامینی گؤزدن کئچیردی. گولگزی گؤرمه‌دی. او، قاپینی گئنیش آچیب بیر آددیم ایر‌لیله‌دی. پلاشینین سونونجو دویمه‌سینی آچدی. کؤهنه کوستیومو گؤرون‌دو.

صینیف‌ده‌کیلرین هامی‌سی اونو باش‌دان – آیاغا سوزدو.

-گولگز گلمه‌ییب؟

کؤچری آرخادا کونجه یاخین اوتورموش گولگزی گؤردو.
- بیر دیقه باییرا چیخ! پلاشینی دا گؤتور!

گولگز دهلیزه چیخ‌دی. کؤچری اونا یاخینلاشیب هیرس‌لی – «قولوما گیر» - دئدی.
-نه اولوب کؤچری؟!
-هئچ نه، گیر قولوما!

گولگز بیر شئی آنلاماسا دا ، قورخودان کؤچرینین قولونا گیردی. کؤچری تلسمه‌دن، هئچ کیمین اوزونه باخمادان، بیر کسی سایمادان موسیقی مکتبینین دهلیزینی بئله‌جه گزدی.
اونلار باییرا چیخان‌دا کؤچرینین گؤزو آرالی‌دا قزنفره ساتاش‌دی. او، ماشینی هله ده یویوردو.

کؤچری او بیری یانا بورول‌دو.گولگز قورخا – قورخا هئی سوروشوردو:

-نیه دینمیرسن، اوریی‌می اوزورسه‌ن، نه اولوب آخی؟

-هئچ نه. چوخ‌دان‌دیر یاغیش‌لی هاوادا گزمیریک...

آوتومات تئلئفونون یانینا چاتان‌دا او، علینی جیبینه سالیب، قپیکلرینی چیخاریب باخ‌دی.

-ایکی کؤپوکلویون وارمی؟

-وار.

کؤچری قپیی سالیب نؤمره‌نی ییغا – ییغا ساعتینا باخ‌دی. یئنیجه بئشه ایشلییردی. بیل‌دی کی، ایش یولداشلاری چیخیب گئدیبلر.او، نؤمره‌نین قالانینی دا ییغ‌دی. آوتومات قپیی اوددو. کؤچری رئداکتورون سسینی ائشیت‌دی.

-آلو...آلو!؟

کؤچری گؤزلنیلمز سس‌دن بیر آن اؤزونو ایتیردی.

-منه‌م، گوندوز معلم. کؤچری‌دی!

-هه ائشیدیرم.

-اوشاقلارا دئیین گلیب کاغیذیلارا ییه دورسونلار، ماشین موسیقی مکتبینین یانین‌دادی.

-بس سن نه ائلییرسن، هاردان زنگ ائدیرسه‌ن؟

-من کاباب یئمه‌یه گئدیرم...

کؤچری دستیی آسدی. گولگز آوتومات تئلئفونون یانین‌دا دونوب قالمیش‌دی. یاغیش گوجلنمیش‌دی. اونلار دایاناجاغا تلسیردیلر. بیردن کؤچری دایان‌دی. کافئنی گؤستریب دئدی:

-تئزدننه‌ن آجام، گل آداما بیر بوتئربرود یئیک.

اونلار کافئیه گیردیلر. آیریل‌دیلار. گولگز کوفئ، کؤچری بوتئربرود آلماق اوچون سیرایا دایان‌دیلار.

تاریخ
2017.07.01 / 17:16
مولف
Axar.az
شرح لر
دیگر خبرلر

اومیدسیزلییمین آغیرلیغین‌دان آنلاییرام - شعر

لمان - یاشی بللی دئییل، بلکه اون اوچ...- شعر

کئچیردیک گئجه‌لرین ایچیندن - شعر

فارس شعیرینین قلیبلرینی داغیدان آذربایجان‌لی

من ایللردیر سندن اوزاقلاردایام...شعر

روسییا ایستانبول زیروه‌سینه بوقدانووو گؤندریر

گونیلی یازیچیدان – حکایه

تبریز آلوولانیب، وطن یانیردی - شعر

مشروطه پارکیندا سئوگیلیم له من...شعر

حکایه - آجی تیریک قوخوسو

خبر خطّی
 
  
  
  
  
Axar.az'da reklam Bağla
Reklam
Bize yazin Bağla