Axar.az
یوخاری
23 اییول 2018


اؤلوم سون پئشه‌میزدیر - آقشین ائوره‌نین شئیری

آنا صحیفه ادبیات
12 Punto 14 Punto 16 Punto 18 Punto

کولت. آز شاعر آقشین ائوره‌نین "بئرمودا بیر آددیم قالارکه‌ن" شئیرینی تقدیم ائدیر:

حیات‌دان ایکی اللی یاپیشمیشیق، عزیز دوست،
سلام وئرمه‌یه ده بوش الیمیز قالماییب
نه گولر گؤزلریمیز وار،
نه چاتیلمیش قاشلاریمیز
حقیقتی هایقیرماغا دا دیلیمیز قالماییب
زامانین دییرمان داشلاری اویودور جیزگیلری

دونه‌ن آتام منه بئشیک قاییریردی؛
صاباح من او بئشیین تاختالارین‌دان
آتاما تابوت
دونه‌ن آنام منه بلک هازیرلاییردی؛
صاباح من او گول قوخان بلک‌دن

قوجا آناما کفه‌ن
قیرتلاغیم‌دا داش قالیب‌دیر ائله بیل،
بو لابود حقیقتی اودا بیلمیرم!

هه، آنا دئمیشکه‌ن، عزیز دوست،
اوشاق‌لیق آنام‌دان سوروشاردیم:
-آنا، من نئجه یاراندیم؟
جاواب حاضر:
-سن کله‌م‌دن چیخ‌می‌سان،
سنی کله‌م دوغوب‌دور.
حیات ایسه اؤیرت‌دی:
-کله‌م سؤزون ترس اوخو؛
"سنی ملک دوغوب‌دور!"

...و اگر بیر گون
اوشاق‌لیغینا قاییتماق ایسته‌سه‌ن
دیواردان ۹۶-جی ایلین تقویمینی آس،
یا دا ساعت اقربلرینی گئرییه فیرلات؛
هئچ نه دییشمه‌یه‌جک،
سن سایدیغینی سای
گؤر فلک کیملری ساییر

فلک دئمیشکه‌ن، عزیز دوست،
بیر علینی سینه‌نه قوی،
باخ، دورمادان وورور اورک؛
بیل کی، بو ازرایل‌دیر، قاپینی دؤیور،
یاشاماق یاواش-یاواش اؤلمک‌دیر آخی؛
اینسان گون کئچدیکجه بیر آز دا اؤلور

اؤلوم سون پئشه‌میزدیر.

توز ایچین‌ده داش داشییان فهللریک،
هر گون بیر شئیین داشینی آتیریق؛
سئوگینین، شرابین،
اومیدین، عذابین،
فقط
یالنیز، "یالنیزلیق" بیزی یالنیز بوراخمیر...

سن‌دن سون بیر خاهیشیم وار، عزیز دوست:
بیر "خوشبخت‌لیک" سؤزونو
شخصلره منسوب ائت
... سوس! سن ده یالان‌چی چیخدین!
بوراخ منی، جنابیم،
بوراخ لطفاً!
بوراخ گئدیم قوجا آناما خبر وئریم؛
آرتیق تیکیب بیتیردیم،
آرتیق حاضردیر کفه‌ن

حیات یا تسسوفلندیریر،
یا دا تججوبلندیریر
اوچونجو واریانت:
گئت گوزگوده جیزگیلرینه باخ.

تاریخ
2017.07.01 / 22:03
مولف
Axar.az
شرح لر
دیگر خبرلر

بیر حیکایه‌دیر تبریز! - سوسن نواده رضی

مندن اؤنجه دار آغاجی‌نین ایپیندن آسلانیب...- حسین مصری

سئوگیدنمی‌ یوخسا دویدوق؟ - آشیق جونون

بئله دوشونمک اولار کی، ائیواز نیگارلا…- کوروغلو داستانی

داها اوزولمیین، دوستلار، داها مندن قورخمایین... - شعر

غرورون ائوینی ییخار دئییردیم، سوزدوروب گؤزونو... - شعر/ویدئو

او فالچینین قارا بولودلاری باشیمیزین اوستونو آلدی...

بیر گون الله اؤلسه...- شعر

سیاسی بیر اولایین تراژیک ماهیتینی گؤسترمک‌ده… - ایواز تاها

و او مملکتین بیر قویوسوندان سو چیخدی، بیر قویوسون‌دان نفت!

خبر خطّی
 
Axar.az'da reklam Bağla
Reklam
Bize yazin Bağla