Axar.az
یوخاری
23 اوکتیابر 2018


قاچین، دلی آراز گلدی - «تلفن کؤشکو»

آنا صحیفه ادبیات
12 Punto 14 Punto 16 Punto 18 Punto

کولت. آذ گونئی‌لی یازار فرروخ جرایدینین (یورغون) «تلفن کؤشکو» حکایه‌سینی تقدیم ائدیر:

گونورتا چاغی گونش گؤی اوزونده شاخماقدایدی. ساغ الین‌ده سانکی بیر شئی گیزلتمیش، اولجه الینی یومروق توتوب قیرمیزی کؤینیینین قولونو باش بارماغی ایله اوووجونا چکمیش، ایری آددیملارلا ساغ-سولا باخا-باخا کوچه ایله آشاغی گئدیردی.

اطرافدا اولانلار اونو گؤردوکده گولومسه‌ییب، «هه، آراز، یئنه گئدیرسن زنگ ووراسان؟» - دئییب کئچیردیلر. آراز گولرک باشینی آشاغا سالیب تلسیک کئچیردی.

ساری بویالی تلفن کؤشکو گونشین ساچاقلاری آلتیندا پارلاییردی.

آراز کؤشکه چاتدیقدا کؤشکون قیراغیندان باخیب، بیر آز او یان-بو یانا بویلاندیقدان سونرا یاواشجا تلفنون اؤنونده دایاندی.

ساغ الینی آچدیقدا ترلمیش بیر-ایکی دمیر پول گؤردو.

دستیی گؤتوروب ایکی قیرانی تلفنون اوستونه قویدو. ساغ الی ایله تئز-تئز بیر نئچه نمرهنین اوستونه باسیب دایاندی.

بیر آز سونرا ایکی دفعه دسته‌یه پوفله‌ییب، آزجا دؤزوب، یاواشجا دانیشماغا باشلادی:

- الو، الو!

- ...

- سلام، اؤزونسن؟

- ...

- یاناسان قیز، قورخدوم ای!

- ...

- آااا، هله دئییر، نیه «گیجبسر» دئدین، گلجک قایینانامدی.

- ...

- گؤروم هله، نئجه‌سن؟ یامان داریخیرام ها من.

- ...

- بیلیرم دا، اولسون-اولسون، اؤزوم سنی قاچیرداجاغام.

- ...

- کیم دئییر اولماز؟

- ...

- من قاچیردارام دا، هم سن بیر آز دا دؤز.

- ...

- سحر، اه باغیشلا، سحریم، سنی چوخ سئویرم، بیلیرم، بیلیرسن هااا، اما دئدیم، لاپ آرخایین اولاسان.

- ...

- یاخشی گئت، توتماییم، سئویندیم سسینی ائشیتدییمه.

دستیی یئرینه قویوب ساغ الی ایله ایکی قپیی تلفنون اوستوندن گؤتوروب، ائولرینه ساری یولا دوشدو.

محله‌ده اویون اوینایان اوشاقلار آرازی گؤردوک‌ده، «قاچین، دلی آراز گلدی»، - دئیه داغیلیشدیلار...

تاریخ
2017.07.05 / 09:00
مولف
Axar.az
شرح لر
دیگر خبرلر

سن بیر آن یادداشیمدا یادیرغانمادین- -مسعود آذرین

«آللاه سنی باغیشلاماسین گوللو!» - حکایه

قارانلیق بوش چارپایینی ساعت دوققوزو گؤستریر...

عؤمور میوه سینین کالی وار هله-علیرضا میانالی

بعضاً گئتمک ایسته ییرسن …/ افراسیاب نوراللهی

اونودوب تورانی ایگید اَرَنلر، آلیشیب ایرانا "فاذری" دوْغور! - ساسانیان

بئله بیر دیلین اولماسینی اوغرولارا بورجلویوق - ایبراهیم رشیدی

«روس حکیملری» مسلمان حکیملر‌دن آرتیق تحصیل گؤرموشدولر- حکایه

گولوش‌لری حسرت قویورام دوداق‌لاریما - عبادی

ایشله‌ینلرین چوْخو قادیْن ایدی - فرخ جرایدی

خبر خطّی
 
Axar.az'da reklam Bağla
Reklam
Bize yazin Bağla