Axar.az
یوخاری
21 آپرئل 2018


شعرلرده ایستانبول...

آنا صحیفه ادبیات
12 Punto 14 Punto 16 Punto 18 Punto

اومید یاشار اوغوزجان

ایستانبول

ائوین ایچینده بیر اودا، اودادا ایستانبول،

ترته‌میز، برراق بیر آینا،

آینادا ایستانبول.

مؤسوم یاز اولدو، قیش اولدو،

هاوادا ایستانبول،

قادین چانتاسینی آچدی،

چانتادا ایستانبول.

اوشاق بیر قارماق آتدی دنیزه، گؤردوم،

چکمه‌یه باشلادی، قارماrدا ایستانبول.

بو نه تؤور سو، بو نه تؤور شهر،

شوشه‌ده ایستانبول، ماسادا ایستانبول.

بیز گئدنده گئدیر، بیز دوراندا دورور،

آی کیمی،

بیر یاندا سن، بیر یاندا من،

اورتادا ایستانبول.

بیر دفعه سئودینمی، ال چکمز سندن،

هارا گئدیرسن گئت،

اورادادیر، اورادا ایستانبول!

باشقا بیر ایستانبول

اوتوردوم، باشقا بیر ایستانبول دوشوندوم،

داها چوخ سن اولان، یعنی، دوپدولو سنینله.

یاشیلی داها یاشیل، ماویسی داها ماوی،

هر شئیی گؤزللشدیره‌ن او اللرینله.

سیلدیم بوتون اولدوزلاری گؤی اوزوندن،

یئرینه گؤزلرینی قویدوم، گؤزلرینی.

سردیم ساچلارینی اوستونه ایستانبولون،

دوداقلارینین رنگینه بویادیم هر یئرینی.

ایندی ایستانبول ائله آیدینلیق، ائله پیریل-پیریل،

او اسن سنین عطریندیر دنیزلردن، -

سنین گؤزللیینله سوسلدیم باغچالاری.

سنی ایستانبول یاپدیم، ایستانبولو سن،

هر کوچه‌نه شعری‌می یازدیم، سطر-سطر،

ایندی بو شهرین بوتون سمتلری سنی آنلادیر.

ایستانبول ایشیق-ایشیق

ایستانبول کولک-کولک، سئوگیلیم،

گاه بیر لودوسدو، دنیزلردن اسن،

ایلیقمی، ایلیق،

گاه اولگوج کیمی دلی پویراز .

آچ، تؤک ساچلارینی

کولکلرینه ایستانبولون،

بو شهرده سئوگیسیز و کولکسیز

یاشاماق اولماز.

ایستانبول بولود-بولود، سئوگیلیم،

بعضی‌سی بم بیاز،

اینجه تول کیمی،

بعضی‌سی قاپقارا، قتران مثالی...

بولودلاری دا اینسانلارینا

بنزر ایستانبولون،

اینانما، سئوگیلیم، اینانما بولودلارا.

ایستانبول یاغیش-یاغیش،

گاه نارین-نارین یاغار،

گاه دا سهنگدن سوزولورجه‌سینه.

هله بیر یاغماغا باشلاسین...

سئوگیلیم،

اؤلمک یاشاماق کیمیدی بو شهرده،

یاشاماق دا اؤلمک کیمی...

ایستانبول دنیز-دنیز، سئوگیلیم،

بیر آز ماویه،

بیر آز یاشیلا چالان دوزلو سو -

اوستونده ایریلی-خیردالی قاییقلار...

وفاسیزدیر دنیزلری ایستانبولون، سئوگیلیم،

ایستانبول قدر.

ایستانبول قدح-قدح، سئوگیلیم،

ایچدیکجه ایچمک ایستییر آدام،

سرخوش‌لوغو اود توتوب

یانماغا بنزر

و بیر کؤلگه‌دیر یالنیزلیق

سنینله دولاشار،

سنینله گزر

میخانه‌لرده.

تاریخ
2017.07.05 / 16:58
مولف
Axar.az
شرح لر
دیگر خبرلر

دولو دنه‌سیندن یارانان تورک داستان قهرمانی

...سن گئدن یوللارا گؤزلر دیرنیر آخشاملار

تۆرک یاراندیم، تۆرکلۆیۆمدن دؤنمه دیم - حبیب ساسانیان

دونیا شهرت‌لی یازیچینین توکورپه‌دن وصیت اولایی

مجنون ائدیب چؤله سالیب...

آستاجا ساچلاریما چک...

بیر علی کریم محتشم‌لیگی - غلبه تسللی‌دیر خاطره‌لریم

صوفی گؤزلرینی سو سولاله‌سیندن بیلدیم...

تبریزده وفات ائد‌ن شاعر: "سنسیزلییه اؤیرت منی..."

تکجه او قیز قاچا بیلمز بو اوددان - رامیز رؤوشن

خبر خطّی
 
Axar.az'da reklam Bağla
Reklam
Bize yazin Bağla