Axar.az
یوخاری
17 اوکتیابر 2018


رامیز روشن: گؤر سنی نه گونه قویدولار، قادین! - شعر/ویدئو

آنا صحیفه ادبیات
12 Punto 14 Punto 16 Punto 18 Punto

کولت. آذ آذربایجانین مشهور شاعری رامیز روشنین "آزاد قادین هیکلی" شعرینی تقدیم ائدیر.

یوخ،سنین جانین دا داشدان دئییلمیش
گؤر سنی نه گونه قویدولار، قادین.
اولجه چادرانی آچدیلار سنین
سونرا پالتارینی سویوندوردولار…

سونرا سنی سوغان کیمی قات- قات
سویدولار، قادین
ظالملارین گؤزو ده یاشارمادی
بو قولدورلار ایچینده،ده،

سنی سویماغی ،کیم باجارمادی؟
بیر سئوگینین ایشیغی دوشموشدو اوز – گؤزونه
سویدولار ،او ایشیغی دا سویدولار
قورمادیغین ائو – ائشیی
دوغمادیغین اوشاغی دا سویدولار….

گؤر سنی نه گونه قویدولار، قادین.
سونرا آبرین،حیان سویولدو گئتدی،
سونرا صبرین، دؤزومون
گؤز یاشلاری تالادی،
سویدو گئتدی، گؤزونو
گؤزلرین لوم لوت قالدی.

سونرا گؤزلریندن اؤپدولر یئنه
آدینا نغمه‌لر قوشدولار قادین
سندن اؤترویموش سن دئمه
اینقیلابلار، ساواشلار
آخان قانلار،
کسیلن باشلار، قادین.

اینقیلابی نئینیردین کی؟
سن اؤزون اینقیلابسان
سن باشدان آیاغاجان
اوخونمامایش کیتابسان.

کیمسه سنی گؤزلریندن
اوخوماغا باشلادی
کیمسه آیاقلاریندان
اما هئچ کس اوخویوب سونا چاتا بیلمدی
اورتادا ایلیشیب قالدی هامیسی.

نه اوستدن آشاغی باخیرسان بیزه
یوخسا بیزی ده سن دوغموسان قادین
سنین دوغدوقلارین آزاد دئییلسه
اؤزون نئجه آزاد اولموسان قادین؟

یوخ، سنین آزادلیغین یاریمچیقدیر دئملی
سن ده یاریمچیقسان بیز ده یاریمچیق
یاخشیمیز دا پیسیمیز ده یاریمچیق
سن بیزی تزدن دوغ آزاد قادین هیکلی
اما جیرتدان دوغما
سن بیزی دیو دوغ
اما یاریمچیق یوخ، بیزی بوتؤو دوغ
اوندا سن ده تمام آزاد اولارسان
ای منیم داش آنام آزاد اولارسان.

تاریخ
2017.07.06 / 16:00
مولف
Axar.az
شرح لر
دیگر خبرلر

«روس حکیملری» مسلمان حکیملر‌دن آرتیق تحصیل گؤرموشدولر- حکایه

گولوش‌لری حسرت قویورام دوداق‌لاریما - عبادی

ایشله‌ینلرین چوْخو قادیْن ایدی - فرخ جرایدی

پارچالارینی بیر-بیرینه تاخاندا، اونون اوره یی توتولاردی - پورناصح

داریخدیم، گؤزلرینی یوموب گولومسه‌مه‌سینه - شعر

ایللر دیر یاشام ایشیغینی گوزله‌ییریک...

یاغیشی باغرینا باسان گونلرین - یوسف جوادی

قارا کؤلگه‌لر - رحیم خیاوی

یارا تزه اولسا دا، دوز وار ایدی اولدن

ایستی بیر سئوگیدن یازمیشام بعضا

خبر خطّی
 
Axar.az'da reklam Bağla
Reklam
Bize yazin Bağla