Axar.az
یوخاری
18 نویابر 2017


الله بیلیر هانسی آخماقدان حامیله‌سن – جلیل جاوانشیر

آنا صحیفه ادبیات
12 Punto 14 Punto 16 Punto 18 Punto

کولت. آز جلیل جاوانشیرین شعرلرینی تقدیم ائدیر.

«الویدا» یئرینه عصبی صحبتلر

تصادفه باخ،
دیوار ساعتینین یورغون عقربلری کیمی راستلاشمیشیق
سن سرخوش گؤزلریمین سوزولمه‌سی قدر راحتلیق وئریرسن
ایندی هارداسا،
هان‌سی‌سا هاوا لیمانین‌دا
صاباحا یاخین گلن بیر اوچاق‌دان ائنیرسه‌ن…
هانسی‌سا بیر آخماقدان حامیله سن
اونوتسام، بوتون دونیادان کوسجکسن
اوریین بوز کیمیدیر
گرگینسن، اللرین اسیر، عذاب چکیرسن…
- بیلیرسن؟
مندن گئدیرسنسه…
دؤنمه‌یجکسن!

اگر یادداشیمی ایتیرسم سنی باغیشلایا بیلرم…
نامعلوم بیر نغمدن حامیله ییک
صحنه‌ده‌کی رویال دوغوش ماساسیدی
حزن‌لو نوتلار دوغورسان بارماقلاریندان
و آتیب قاچیرسان…
ممکونسه بیر شوشه ویسکی آچ
بیر آز بوز گتیر…
بیرینی ده
ایندی راحت دور
ممه‌لرینی ده سومورجم، ویسکینی ده، دیلینی ده…
یوخ، من سنی سئومسم یاخشی اولاجاق
یئنه آلنینین قاریشیب خطلری
اوزونسه جیریلمیش شعر دفتری
نه وئرسم الینه
- ایتیره‌جکسن آخماقلیغیندان…
بیلیرسن؟؟؟
اونوتما،
یئنی‌دن بو قدر عاشیق اولسام کیمه‌سه
یادداشیمدان
سیلینه‌جکسن…

آدی‌می ترسینه سؤیله‌مه، آنلامسیزدیر
گئدیرسنسه آدیمی دوزگون ده، ایره‌نجکسن
من سنی اؤتورمسم یاخشی اولار، یورغونام
دوروب ساده‌جه آرخانجا باخاجاغام
قانادلاریمی قیردین…
داها اوچمایاجاغام
سنی بیلیرم، واللاه بیلیرم
سن ایندی ده آیریلدیغیمیزا اوزولجکسن…
اما تانیییرام سنی، ویجدان حاقی
بوتون سئویشمه‌لریندن سونرا گولجکسن…
تامام! آنلاشدیق! گئدیرسن!
بیلیرم، یئنه بئله سئوه‌جکسن
اما اونوتما
بوتون سئویشمه‌لریمیز ساده‌جه ناغیلدی
سن ان یاخشی احتیماللا
س..جکجسن!

سونونجو شام یئمیی دعاسی
من بو بینانین انتحار مرتبسییم،
قارسون، بیر قده بوزلو ویسکی – زحمت اولماسا…

دیرناقلارینین لاکی تؤکولوب…
پاردون،
قادینلارین خیال قیریقلیغی وار اوزریمده
اوزگونم…
اینقیلابا قالخاجاق خالق کیمییم
تلاتوم‌لو، ناراحات…
سویوقدان قار اوستونده وورنوخان
دن آختاران سرچه‌نین قورخاقلیغینی داشیییرام گؤزلریمده…

چاتلامیش دوداقلاریمدا،
ایللرین سوسوزلوغو…

بیلکلریمده کوتلشمیش اولگوجون سیزیلتیسی وار
و سیز، خانیم… نیه بو قدر گؤزلسینیز؟؟؟

آغلایاندا کوسمتیکاسی اوز-گؤزونه بولاشان
نیفرین،
کدر،
بیر آز فریاددیر قادین…
اللرین کپنک قانادلاریدیر
و سیز، خانیم… نیه بو قدر هزنلوسونوز؟

یقین چوخ اینجیدیبلر سیزی،
لطفاً… آغلامایین…
دوداقلارینیزی سیخین دیشلرینیزله
دانیشمایین…

سیگارتیمین کؤتویونده قالان نمینله،
هر صاباح اللریمی یویورام…
دوداقلاریندا دونان تبسمون‌ده
گونشی آختاریرام…

شهرین سماسین‌داکی بوتون بولودلاری قووورام…
بوتون میناره‌لردن اینیلتینی دویورام
و بوتون کوچه لامپالاریندان باخیشلارین بویلانیر…
و سیز، خانیم… ندن بو قدر مقدس سینیز؟

سینه‌نه توخوندوغوم آندان،
گونلرین دوزومونو ایتیرمیشم…
سود قوخویور دوداقلاریم…
دوداقلاریمدان مینلرله دعا دوشور،
دؤشلرینین داش کیمی گیله‌لرینه…
…دوداقلاریمدا دونموش دعالارلا،
یالواریرام: «الی، الی لما سویکتانی؟»*…

اللریم‌ده بدنین حرارتی،
قولاقلاریمدا اینیلتین،
گؤزلریمده اورکک باخیشلارین،
و زیارته گلن زووار کیمی یویورورم،
بدنینین قوخوسونا
لبئیک!!!
و سیز، خانیم… ندن بو قدر اوزاقسینیز؟

*تانریم، تانریم منی نیه ترک ائتدین؟» (اینجیل؛ ماتتا ۲۷-۴۶). عیسینین چارمیخا چکیله‌ن‌دن آلتی ساعت سونرا پیچیلدادیغی سؤزلر.

***

گئجه‌نین ایچین‌ده‌کی ایشیغا دیکیلیر باخیشلاریم –
یوغونام، سرسرییم
شعرین اوستونه یئرییرم
گئجه‌نی اودوم-اودوم ایچیرم
صاباحین آدامسیزلیغینا گئدیرم
آند اولسون قارانلیغا کی
یالان دانیشدیغینی بیلیرم…

اولدوزلار قدر اوزاقسان و من سنی سئویرم…

قوتوداکی سون سیگارئته اوزانیر اللریم،
قوتوداکی سون کیبریت دنه‌سینی یاندیریب، قارانلیغا آتیرام.
آلیشیر گئجنین باغری، گئجه‌یه اود وورورام
قارانلیغین آلیشان باغریندا بیر سیگارئت یاندیریب، بیر ایچکی سوزوره‌م اؤزومه
بیر اودوم سویوق ایچیرم، بیر اودوم گئجه ایچیرم، بیر نفسلیک ایشیق چکیرم جیرلریمه
سنه دورمادان زنگ ائدیرم،
سنه دورمادان زنگ ائدیرم
و تلفنوم سؤندورولوب…
فیلیسطینده بیر اوشاق وورولور اورییندن، قان سوزولور بارماقلاریمدان.

بیر سرسریسی ده آزالاجاق شهرین،
چونکی چیخیب گئدیرم…

بینیم‌ده قانجیق کؤپکلر اولاشیر و بیر فاحیشه دوشور ماشیندان
کوچه قاچیر آیاقلاریمین آلتیندان، اولدوز آخیر
من مایع حالیندایام ایندی، داریخماغین مایع حالین‌دا…
اؤزومو ایچیرم بوتون گئجه‌لرین ساغلیغینا…
گؤز ببکلریم اووجومدا، سنی آختاریرام…
ایچیمده عجایب سانجی وار، حامیله اولدوغومو دوشونوره‌م
غریب و آوارا گئجه‌لرله سئویشن،
و قورونمایان کوچه شاعرییم...
بیر ایشیق دیریینین کؤلگه‌سینه چکیلیب شعر دوغورام…
آند اولسون بو قارانلیغا کی، سنی ضرره-ضرره اونودورام…

جمیله

بو گون آنلادیم کی،
سن هئچ واخت منه خیانت ائتمه‌می‌سن
اما ارینه خیانت ائتمیشدین
اونون آلدیغی پالتارلارلا گؤروشه گلنده.

منه یالان دانیشمامیشدین هئچ واخت
ارینی آلداتمیشدین؛
«سن‌دن حامیله‌یم» دئینده
خاطیرلاییرسانسا او زامان
مندن قالمیشدین حامیله
دیلینی یالانلارا،
بدنینی خیانته اؤیرتدین جمیله...

منی هئچ واخت تک قویمامیشدین،
ساده‌جه ارینین یانینا -
عایید اولدوغون یئره قاییتمیشدین...
منی آتمامیشدین...
سن منه خیانت ائتممیشدین جمیله
ارینی آلداتمیشدین منیمله...
او اویویاندا اؤز یاتاغیندا
سن اونون آلدیغی آلت پالتارلارینی سویونوردون
منیم یاریقارانلیق اوتاغیمدا...

سونرا اونون آلدیغی یاتاقدا،
کیرایلدیی اوتاقدا
سئویشدیک
سونرا اونون آلدیغی شامپونلا یودوم ساچلاریمی
او گوندن ساچلاریم تؤکولور...
ایندی گؤر نئچه نفر کئچل قالیب،
الله بیلیر...

بیر گئجه اوتانیب،
دیوارداکی توی شکلینی ترسینه چئویردین
نیشان اوزویونو آتدین اوتاغین قاران‌لیق کونجونه
سونرا منیم کؤینیی‌می گئییندین اینینه
سونرا آغلادین،
من ایسه سنی توتدوم دیله
«خیانت بو دئییل،
بو ندیرسه،
باشقا شئی‌دیر جمعیله»

سونرا ارینین آلدیغی ایچکی‌دن ایچدیک،
اونون ائزامیتی شرفینه...
پنجره‌دن سوزوله‌ن شهر ایشیقلاری
گؤزومو دئشمه‌یه باشلادی
ویجدانیم اویاندی او گئجه، اوتاندیم...
ارینین آدینی پیچیلدادین قولاغیما
سونرا «چاشدیم» دئدین، گوله-گوله...
باخ بو خیانت ایدی جمعیله...

سونرا حیاتین‌دا باشقا کیشیلر پئی‌دا اولدو
منیم وئردییم تاک‌سی پولویلا
باهالی هتللره گئتدین
اونلاری دا اؤزونه اؤیرتدین
اونلاری دا سالدین زیبیله
بدنین باشقالارینا اؤیرشدی، جمیله...
گؤرسن خیانت ندیر، جمیله؟

بو گون آنلادیم کی،
منی آلداتمامی‌سان هئچ واخت
اؤزونه دانیشدیغین یالانلار، اؤزونه خیانتیندی.
سنی سئومک منیم گناهیم دئییلدی
بلکه ده لازیمسیز جسارتیمدی...

بو گون آنلادیم کی، هامییا خیانت ائدیره‌م
قادینیمین اوتولدیی کؤینکله گؤروشونه گلنده
آنلادیم کی خیانت،
باشقاسینا عایید اولان شعلری
سنینله بؤلوشمکدی...

هئچ بیر آلدانیش خیانت دئییل، اصلینده
خیانت، سئومه‌دن سئویشمکدی...
خیانت، اؤز گؤزوندن دوشمکدی
اؤزگه یاتاقلارین‌دا...
خیانتین نه اولدوغونو بیلیرسنمی جمیله؟
هردن،
تک قالاندا
ویجدان عذابی چکیرسنمی جمیله؟

تاریخ
2017.07.12 / 19:33
مولف
Axar.az
شرح لر
دیگر خبرلر

کؤلگه‌می قوجاقلایاجاغام... - تبریزلی شاعر

آتامی – آنامی یورسون مین کدر - شعر

آند اولسون گونشه، اودا چیراغا، اوجاغا...

آغریلاریم و قادینیم... - شعر

دویغوسو باکیره بیر قیز…- شعیر

آغالار بیلمه‌دی بیردیر بو تورپاق - ایبراهیم رشیدی

تبریزلی بالاجا یازچیدان حکایه: "دایناسور" - فوتو

صوبحدن قالخیب نماز قیلار قوجالار - شعیر

یئنی سئوگیلر دوغولور آیریلیغین آرخاسیندا - شعیر

منیم اورییم تبریزین آوتوبوسلارینا بنزر - شعیر

خبر خطّی
 
  
  
  
  
Axar.az'da reklam Bağla
Reklam
Bize yazin Bağla