Axar.az
یوخاری
22 اوکتیابر 2018


آقشین ائورن: "عزیزیم، دوداغینی گتیر سؤز دئییرم"

آنا صحیفه ادبیات
12 Punto 14 Punto 16 Punto 18 Punto

کولت. آذ شاعر آقشین ائوره‌نین "دونیا یاشیل اولاندا" شعرینی تقدیم ائدیر:

گؤی قورشاغیندان آسیلمیش یللنجکدییک

باشینی چینیمه سؤیکمیسن

قولومو شرف کیمی دولامیشام بوینونا

بیزدن بیر قدر آرالیدا،

یاییندان چیخمیش اوخو اطرافیندا فیرلانیر یئر کوره‌سی:

آستا-آستا پارفوملو کولک اسیر،

پینگوینلر بو سویوقلوقدان یورولوب گونشه ساری تلسیر

بوزلاقلار اریییب آفریکانین ایستکانینا دولور

چتیریمیزین اوستونه بالاجا ملکلر یاغیر

اؤلو دنیز بالیق دوغور

یاواش-یاواش چرنوبیلا یاییلیر اوکسیژنلی هاوا

اوشاقلار آتوملاری گیزلدیرلر ماریان چؤککلیینده

اُزُن دلیینی اؤرتورلر چرپلنگله

بوتون دینلرین سورلری عینی‌دیر:

«اخلاق»

قوجالار ائوینده سوکوت، اوتاقلار بوش،

اوشاق ائولری اولوب «اویونجاق و ایلنجه مرکزلری»

تئاترلاردا آنشلاق...

بوتون دؤولتلرین آدی یئر کوره‌سیدیر،

بوتون بایراقلار گؤیرچین قانادی،

بوتون موسیقیلر کؤرپه گولوشو

بوتون الیفبالاردا «خ،و،ش،ب،ا،خ،ت،ل،ی،ک» کیمیدیر حرفلرین دوزولوشو:

بیز ده بو حرفلردن یاپیشیب یئللنیریک

نه محاربه وار،

نه گؤز یاشی، نه ده غم

آستاجا پیچیلداییرام سنه:

عزیزیم، دوداغینی گتیر سؤز دئییرم.

تاریخ
2017.07.13 / 16:36
مولف
Axar.az
شرح لر
دیگر خبرلر

قارانلیق بوش چارپایینی ساعت دوققوزو گؤستریر...

عؤمور میوه سینین کالی وار هله-علیرضا میانالی

بعضاً گئتمک ایسته ییرسن …/ افراسیاب نوراللهی

اونودوب تورانی ایگید اَرَنلر، آلیشیب ایرانا "فاذری" دوْغور! - ساسانیان

بئله بیر دیلین اولماسینی اوغرولارا بورجلویوق - ایبراهیم رشیدی

«روس حکیملری» مسلمان حکیملر‌دن آرتیق تحصیل گؤرموشدولر- حکایه

گولوش‌لری حسرت قویورام دوداق‌لاریما - عبادی

ایشله‌ینلرین چوْخو قادیْن ایدی - فرخ جرایدی

پارچالارینی بیر-بیرینه تاخاندا، اونون اوره یی توتولاردی - پورناصح

داریخدیم، گؤزلرینی یوموب گولومسه‌مه‌سینه - شعر

خبر خطّی
 
Axar.az'da reklam Bağla
Reklam
Bize yazin Bağla