Axar.az
یوخاری
18 نویابر 2017


بو گئجه آیری گئجه‌دی...

آنا صحیفه ادبیات
12 Punto 14 Punto 16 Punto 18 Punto

کولت. آذ گنج شاعر تورال تورانین یئنی شعرلرینی تقدیم ائدیر:

آدام اؤلور، ائو تیکیلیر...

ماقنیت ترکیب‌لیدیر

محاربه دؤورو اوشاقلارینین آلین یازیسی.

یا گوله نی اؤزونه چکر، یا گونشی –

هان‌سی قارشیلارینا داها تئز چیخارسا.

آخشاما هنریخ بؤلدن بیر کیتاب اوغورلا گتیر –

اورییم پومیدور قایغاناغی ایستدی،

قورخما، اونون بالابان اورکلی صاحبی

داها سنه هئچ نه دئمه‌یه‌جک – دئدیم

بویوردوغوم بالاجا میلنئره.

«او ایللرین چؤریی» ائله ایندی ده عینی دادیر...

فرقی یوخدور یا آجیندان، یا ایچیندن

اوشاقلارین اؤلدویو محاربه‌ده.

آرخا جبهه اولمور، گوله آتا!

بوتون ساواشلارین فورمولو عینی –

آدام اؤلور، ائو تیکیلیر...

بونکئرده‌کی اومید دولو ناغیللار اؤلدورور آدامی؛

«بوم-بوم» سسلری یوخ.

گورولتولارلا اوشاق قیغیلتیلاری

نئجه گؤزل سیمفونیاسییمیش، ایلاهی!

آدینا لاییق دوشونوبسن...

ایلاهی، آیاغیم یوخدور

قالخیب باخا بیلمیرم.

کیتاب اوغورلوغونا گؤندردییم

اوشاق گئری دؤنمدی.

سن یوخاریداسان، بیر باخ؛

گؤر هان‌سی گورولتودا ایلیشیب قالیب.

سؤیود بورجونده دوغولانلار

یارادانین یئر اوزونه سپلدیی

تای کئشیک آیاققابیلاریدیر

محاربه اوشاقلاری.

گول امدیکلری یئرده

آغیزلارینا بیر «له» شکیلچی‌سی ده دورتدولر.

دمیره لبلبی دئییب

معده‌لریندن، باشلاریندان اوددوردولار

متال نوخودلاری.

اوزرلرینده‌کی «آسفالت اؤرتوکلری» دئشیب

جوجردیلر، بؤیودولر یاواش-یاواش.

آختارمادان، آرامادان

یئنه بیر-بیرلرینی تاپدی بو اوشاقلار.

کیمی‌سی موشتوکلرینین اوجونو اؤپوشدوروب

اوجاق قالاییردی، کؤتوک-کؤتوک،

کیمی‌سی ده...

آغ ساچلاریندان کسیب گلینجیینه ساچ تیکیردی

اینه-ساپلا...

اونلار،

سؤیود بورجوندن ایدیلر،

نؤوبتی ساواشلاردا دوغولاجاق‌دی اوشاقلاری.

قوپموش قوللارین‌دا،

شیکست آیاقلارین‌دا ایتمیشدی آلین یازیلاری.

چؤل-چؤل قورویان یئریشلر

بو گئجه سویوق کئچه‌جک تانری،

یایلاما،

یورغانی چک باشینا.

بیلمزسینیز،

بوتون اؤلومسوز تانریلار،

دونوب اؤلور اؤز قیشینا.

...سنه باخینجا الله حاقی،

یورغاندا دوشوم قورویور.

اؤنومه باسدیردیغیم

چؤل-چؤل یئریشیم قورویور

دوداغین‌دان ایپلدیین

اعداملیق

اؤپوشوم قورویور...

بو گئجه آیری گئجه‌دی،

بیلیرم،

یاتماییر دؤشونه...

تانری، تانری بالاسیسان،

باش اوجون‌داکی بیر پئنجک‌لیک اولدوزونو

بوره‌له، یاخشی-یاخشی بوک

آچیق‌دا قالان باشینا.

سازاغی کئییتمیر هئچ کیمی،

سویوغو دیری گئجدی...

چؤل – چؤل یئریشیم قورویور،

نفسی قورو گئجدی.

نارینجی گولوش

عزرایلین ائنیش مئیدانچاسی‌دیر بوتون اینسان سینه‌لری.

اکواتوردان آشاغی‌دا دؤیونور بوتون سون منزیللر...

تانری دا اوستونه قورغوشون اریدیر،

کم-کسیر یاراتدیقلارینین.

هر سحر کئشیشلر تشکور آلیر

مسلمان باشداشلاریندان.

تشکور مکتوبلارینا نارینجی گولومسییر

بوتون کیلسه‌لرین «خاچ آتاسی».

عؤمور نرگیز قوخوسودور، بیر مه دیریژورلوغوندا.

هر قوخونو جانینا چکدیکجه

قابیق قویور اؤلولرین روحلاری.

اؤلولر اتهام اولونور ناغیل اوغورلوغوندا.

باشداشلاری تقویمینده تکجه نرگیز قوخوسو بایرامی وار.

قورغوشون اریدیر اؤلولر ده

هر ایل اؤز آد گونلرینده.

***

دوداغیما اوچ اؤپوش سیخدی ایتالییالی لورئللا،

بو دفعه دوداغیمدان وورولدوم، تورک قیزی.

آنلا کی، ایتالیانلار کؤکسدن نیشان آلماغی باجارمیر.

«چکمه‌چی»لر اودلار اؤلکه‌سینه ده آلوولو گلمیشدیلر.

ایستی گیلیزلری بئله اوزومو سیییرمیشدی بو «گوله لرین»،

هدفه اولان مسافه‌لر ایکینجی جبهه آچمیشدیلار؛

کیمین دیشی کیمین آغزیندایدی، بیلینمیردی...

«اون ایکینجیلر»سه اویونا کشفیات‌سیز باشلامیش‌دیلار.

۹۰+۳-ده آیریلدی دوداقلاریمیز: -

آذربایجان – ایتالییا – ۱:۳.

ساواش اولدوزلاری

بوتون ظابط روتبه‌لری

صاباحین آلین یازیلارینا دوزلو قهوه حاضرلایان

گوموش چای قاشیقلاریدیر.

سمایا قوجاق آچانلار

یالنیز و یالنیز اونلارین چینینده

«قیزیل اولدوز»آ چئوریلیر؛

نفسلی دییرمان چارخینین چیینلرینده.

اولدوزلار اینسان چینینه قونماغی خوشلاماز،

«اولدوز صاحبی».

ائشیتمه‌میسنمی، گؤیدن بیر اولدوز عکسیلنده

یئرده بیرینینکی سؤنور؟!

و یا عکسینه؛

تورپاق اوستونده

اینسان بوخارلاداندا دا عاقیبت عینی‌دیر...

تاریخ
2017.07.13 / 19:57
مولف
Axar.az
شرح لر
دیگر خبرلر

کؤلگه‌می قوجاقلایاجاغام... - تبریزلی شاعر

آتامی – آنامی یورسون مین کدر - شعر

آند اولسون گونشه، اودا چیراغا، اوجاغا...

آغریلاریم و قادینیم... - شعر

دویغوسو باکیره بیر قیز…- شعیر

آغالار بیلمه‌دی بیردیر بو تورپاق - ایبراهیم رشیدی

تبریزلی بالاجا یازچیدان حکایه: "دایناسور" - فوتو

صوبحدن قالخیب نماز قیلار قوجالار - شعیر

یئنی سئوگیلر دوغولور آیریلیغین آرخاسیندا - شعیر

منیم اورییم تبریزین آوتوبوسلارینا بنزر - شعیر

خبر خطّی
 
  
  
  
  
Axar.az'da reklam Bağla
Reklam
Bize yazin Bağla