Axar.az
یوخاری
17 دکابر 2017


"چای کناریندا قادینلار گؤردوم" - جمال سورییانین شعرلری

آنا صحیفه ادبیات
12 Punto 14 Punto 16 Punto 18 Punto

تانری مین بیرینجی گئجه سؤزو یاراتدی،

مین ایکینجی گئجه جمالی یاراتدی،
مین اوچونجو گئجه جمالین یازدیغی شعری اوخودو
و اوله قاییتدی - قادینی تزدن یاراتدی.
اولکو تامر

کولت. آذ جمال سورییانین بیر نئچه شعرینی تقدیم ائدیر:

چای کناریندا قادینلار گؤردوم

پورسوق چایینین کناریندا
قادینلار گؤردوم،
بیر دئییل،
بئش دئییل،
ان آزی، یوز کره...
اومیدسیز سئودالارا
توتولوبلار،
اوزو صحرایا
سئیره‌له-سئیره‌له
یاشاییرلار،
گول کیمی،
چیچک کیمی.
نلری وارسا،
وئریرلر آداما،
"آه" دئمه‌دن، "اوف" دئمه‌دن،
تکی کؤنوللرینه یاتاسان...
قیزیلیرماق کنارین‌دا
قادینلار گؤردوم؛
دیللرین‌ده
یانیق-یانیق
تورکولر:
"قیزیل ایرماق پارچا-پارچا اولایدین،
اولایدین اوی،
اولایدین اوی،
اولایدین اوی.
هر پارچانی بیر دره‌ده بولایدیم،
بولایدیم اوی،
بولایدیم اوی،
بولایدیم اوی.
سن ده منیم کیمی یتیم قالایدین،
قالایدین اوی،
قالایدین اوی،
قالایدین اوی.
نئجه قییدین آللی-گوللو گلینه،
نئجه قییدین آللی-گوللو گلینه؟"
قیزیل ایرماق کناریندا
قادینلار گؤردوم؛
بیر تیکه چؤرک - قاپقارا،
بیر توتام خینا -
اون قوروشلوق، قیپقیرمیزی...
قیزیل ایرماق کناریندا
قادینلار گؤردوم؛
قارانلیق‌دا
اوزانمیشدیلار یان-یانا -
اوستلری یاریؤرتولو،
یاریاچیق...
اوی آنام،
اوی آنام،
گئجه‌نین بو واختی
کیم اورکوتموش اونلاری،
ایستی یئرلریندن
پئریک دوشموشلر؟..
دجله ساحللرینه
قاتار چاتینجا،
اؤنجه گؤی اوزو گؤرونور،
سونرا
گول قوروسو قادینلار...
بیر گون
سیزین ده یولونوز دوشر
چای کنارینا،
گؤررسینیز،
گؤررسینیز،
گؤررسینیز
بیچاقلا سوموک،
سوسماقلا آغلاماق
آراسین‌دا قالان
او قادینلاری...

عشق
سن
ایندی قالخیب گئدیرسن.
گئت.
اما
بیلیرسن
چتین اولاجاق
گؤزلرینین حسرتینه
دؤزمک.
اوسته‌لیک،
بو گون یوخودان دا
آیین-شایین اویانمیشیق -
عشق آچمیش‌دی گؤزلریمیزی.
بیر قوش
بیر بوداغا قونورموش کیمی
قونموشدو بارماقلاریما،
آرخاسینجا
بیر سئوگی اوچوب گلمیشدی
و بیر داها گئتممیش‌دی...
هر شئی نئجه دییش‌دی...
بو دؤیونه‌ن اورک منیمکی‌دی‌می؟
بس سنینکی هانی؟
اوچ-دؤرد داملا
یئتیردی ساچلارینی ایسلاتماغا،
بیر دیلیم چؤرک،
بیر-ایکی زئیتون...
دویوردوق،
بیز عشق آجی ایدیک، عشق...
ساچلارین،
دوداقلارین،
سینه‌ن...
نئچه اؤپوشله دویولور؟
سن
ایندی قالخیب گئدیرسن.
گئت.
اما
بیلیرسن
چتین اولاجاق
گؤزلرینین حسرتینه
دؤزمک...

تورقوت اویارا
بیر آغ منزیلده یاشاییر،
قاپی‌سی پنجره‌سیندن چوخ.

گؤزلرین‌ده اولدوزلار،
ماوی، سرین یئرده دورور.
بیر الین‌ده قده،
بیر الین‌ده آغری-آجی‌سی.

بیر باغچادان سسی گلیر،
نیین‌سه تئلینی
اوخشاییرمیش کیمی.

اؤلدویو گون
بیزی دونیادان قوودولار.

اوزاق‌دان-اوزاغا سئویرم سنی
اوزاق‌دان-اوزاغا سئویرم سنی،
عطرینی دویمادان،
بوینونا ساریلمادان،
یاناقلارینا توخونمادان،
اوزاق‌دان-اوزاغا سئویرم سنی.

اوزاق‌دان-اوزاغا سئویرم سنی،
الینی توتمادان،
اوریینی تیترتمدن،
گؤزلرینده ایتیب، ایتیب گئتمدن...
اوچ گونلوک
سئودالاردا اولدوغو کیمی،
سرسری تک دئییل،
آدام کیمی سئویرم، سنی.
ائله اوزاق‌دان-اوزاغا
اوزاق‌دان-اوزاغا سئویرم سنی،
یاناقلارینا سیزان
ایکی داملا یاشی سیلمه‌دن،
ان چیلغین قهقهه‌لرینه
اورتاق اولمادان،
ان سئودییم تورکونو
سنینله برابر اوخومادان -
ائله اوزاق‌دان-اوزاغا،
اوزاق‌دان-اوزاغا سئویرم سنی.
قیرمادان،
تؤکمه‌دن،
پارچالامادان،
اوزمه‌دن،
آغلاتمادان -
اوزاق‌دان-اوزاغا سئویرم سنی،
معصوم بیر کاغیذا
داملا-داملا تؤکوله‌ن
کلیمه‌لر تک...
* * *
اؤلوم گلیر آغلیما بیردن، اؤلوم،
قوجامان بیر آغاجا ساریلیرام،
وار گوجومله...
* * *
بیر قادین دوشون،
بیر قادین:
یاری‌سی آنادیر،
یاری‌سی چوجوق،
یاری‌سی سئوگی‌لی،
یاری‌سی عشق،
یاری‌سی روایت،
یاری‌سی حقیقت،
یاری‌سی گوندوز،
یاری‌سی گئجه...

سن گل‌سه‌ن
ایندی پنجره‌نی آچسام،
گؤزله‌سه‌م،
سن گل‌سه‌ن،
هئچ بیر شئی سوروشماسان،
هئچ بیر شئی دئمه‌سه‌ن،
سوس‌سام،
سوس‌سان،
سوسساق،
سوکوتون آنلاتدیقلارینی دینلسک،
آرخا-آرخایا ایلشسک،
آغلاساق، آغلاساق، آغلاساق،
"نیه گؤره؟"، "نه اوچون؟" -
سببینی
سوروشماساق، سوروشماساق، سوروشماساق...
ساریل‌سام،
ساریل‌سان،
ساریلساق
و یئنه ده
هئچ بیر شئی دانیشماساق،
اما
آنلاساق، آنلاساق، آنلاساق...
خیال‌دی...
اولارمی بئله شئی؟
اولسا نه اولاجاق؟..

تاریخ
2017.07.23 / 22:34
مولف
Axar.az
شرح لر
دیگر خبرلر

"نئفت‌چی"ده بؤیوک اصلاحات: ۷ فوتبول‌چو گؤندریلیر

آلچالیب یاشاماق عؤمور-گون دئییل - شعر

اومیدسیزلییمین آغیرلیغین‌دان آنلاییرام - شعر

لمان - یاشی بللی دئییل، بلکه اون اوچ...- شعر

کئچیردیک گئجه‌لرین ایچیندن - شعر

فارس شعیرینین قلیبلرینی داغیدان آذربایجان‌لی

من ایللردیر سندن اوزاقلاردایام...شعر

روسییا ایستانبول زیروه‌سینه بوقدانووو گؤندریر

گونیلی یازیچیدان – حکایه

تبریز آلوولانیب، وطن یانیردی - شعر

خبر خطّی
 
  
  
  
  
Axar.az'da reklam Bağla
Reklam
Bize yazin Bağla