Axar.az
یوخاری
19 نویابر 2017


صوبحدن قالخیب نماز قیلار قوجالار - شعیر

آنا صحیفه ادبیات
12 Punto 14 Punto 16 Punto 18 Punto

کولت. آذ آذربایجانین سئویلن گنج شاعری آقشین یئنی‌سئیین «کند» شعیرینی تقدیم ائدیر:

چایلار آخار آغاجلارین ایچیندن، ایچیندن،

قورویارلار بوداقلار اؤز اوجوندان، اوجوندان،
قوشلار قورخار بولودلارین کؤچوندن، کؤچوندن،
شیمشک چاخار گؤیدن قاچار یاغیشلار، یاغیشلار.

دولوشار اوت تایاسینا سرچه‌لر، سرچه‌لر،

سرچه‌لر اوت تایاسیندا گئجه‌لر، گئجه‌لر،
یورغون سورو آخشام کنده گئج گلر، گئج گلر،
گون باتینجا کنده ائنر یوخوشلار، یوخوشلار.

گؤوشه‌یه‌رک کؤکس اؤتورر اینکلر، اینکلر.
بویلو گلین یویوب سرر کؤینکلر، کؤینکلر،
سفره اوسته پیچیلداشار ببکلر، ببکلر.
سوکوت چؤکر، فیکره گئدر باخیشلار، باخیشلار.

سحر گونش قونشو کنددن اوجالار، اوجالار،
اویانمامیش هله حیط باجالار، باجالار،
صوبحدن قالخیب ناماز قیلار قوجالار، قوجالار،
دیز چؤکرلر، الله بیزی باغیشلا، باغیشلا.

تاریخ
2017.11.06 / 10:36
مولف
آیتاج آراز
شرح لر
دیگر خبرلر

کؤلگه‌می قوجاقلایاجاغام... - تبریزلی شاعر

آتامی – آنامی یورسون مین کدر - شعر

آند اولسون گونشه، اودا چیراغا، اوجاغا...

آغریلاریم و قادینیم... - شعر

دویغوسو باکیره بیر قیز…- شعیر

آغالار بیلمه‌دی بیردیر بو تورپاق - ایبراهیم رشیدی

تبریزلی بالاجا یازچیدان حکایه: "دایناسور" - فوتو

یئنی سئوگیلر دوغولور آیریلیغین آرخاسیندا - شعیر

منیم اورییم تبریزین آوتوبوسلارینا بنزر - شعیر

گؤرسن، اوغلومون اوشاغی گؤی قورشاغینا نه دئیه‌جک؟ - ائلیار

خبر خطّی
 
  
  
  
  
Axar.az'da reklam Bağla
Reklam
Bize yazin Bağla