Axar.az
یوخاری
24 نویابر 2017


آغریلاریم و قادینیم... - شعر

آنا صحیفه ادبیات
12 Punto 14 Punto 16 Punto 18 Punto

کولت. آز آذربایجان‌لی شاعر، آکتیور ائلچین آسلانگیلین "آغریلاریم و قادینیم" آدلی یئنی شعرینی تقدیم ائدیر:

آغریلاریم قادینیم،
آغریلاریم.
اوزون بیر یول،
اوزون بیر یول کیمی کئچیر بد‌نیمدن.

ساچلاری آغارمیش قوجایا،
قارا مکتوب آپاران،
بد خبردن هاچالانمیش آغریلاریم، قادینیم.
قارا یازی کیمی، ایری-اویرو، قیوریم-قیوریم...

آغریلاریم،
قادینیم، آغریلاریم سن‌دن دئدی،
مثلاً،
آتوم بومباسینی آیدین سمادا گؤروب، گولومسه‌یه‌ن اوشاق کیمی...

آغریلاریم،
قادینیم آغریلاریم.
دمیر بارماقلیقلار آرخاسیندا،
سئودیینه مکتوب یازان کیشی کیمی:
"بیر گون ده بئله گئتدی..."

مندن بوی‌لانیر،
آجیندان اؤلن پیشیکلره،
آغیر-آغیر زیرهلی ماشینلارا،
تانکلارین آرخاسینجا قاچان ولتلره.
ساواشین اورتاسین‌دا،
سون سیگارئتینی سون نفه‌سینی وئره‌ن
دوشمه‌نی ایله پایلاشان عسگره،
من‌دن بوی‌لانیر آغریلاریم،
قادینیم.

آغریلاریم ائله قشنگ‌دیر کی،
پنجره‌سینی گونش دؤین،
پرده‌لرینی کولک یئلله‌یه‌ن،
ائو کیمی.

هئچ بیر زامان اولمایان ائویم کیمی...
آغریلاریم ائله قشنگ‌دیر کی،
دنیز کیمی،
دالغا-دالغا
آداملارین بویونو آشان آزادلیق کیمی.

ویجدانیم کیمی‌دیر آغریلاریم قادینیم،
سیزیلداییر، سیزیلداییر، سیزیلداییر،
سوسور، سوسور، لپه‌لنیر
سهیللریمه سئهیرلی نغمه‌لر پیچیلداییر آغریلاریم، قادینیم.
آغریلاریم قادینیم،
آغریلاریم‌دان دئدیم سنه.

بیر گون من ایسته‌مه‌دن،
سول یانیم‌دان دوشه‌جک‌سه‌ن من‌سیزلییه.
سنی سئویرم...

تاریخ
2017.11.08 / 10:36
مولف
آیتاج آراز
شرح لر
دیگر خبرلر

«آزاد اولماغینا هئی یانارام، وطن» - شعر

اورمو گؤلو باتاندان کیم آغلادی، کیم گولدو... - کریم گول اندام

کؤلگه‌می قوجاقلایاجاغام... - تبریزلی شاعر

آتامی – آنامی یورسون مین کدر - شعر

آند اولسون گونشه، اودا چیراغا، اوجاغا...

دویغوسو باکیره بیر قیز…- شعیر

آغالار بیلمه‌دی بیردیر بو تورپاق - ایبراهیم رشیدی

تبریزلی بالاجا یازچیدان حکایه: "دایناسور" - فوتو

صوبحدن قالخیب نماز قیلار قوجالار - شعیر

یئنی سئوگیلر دوغولور آیریلیغین آرخاسیندا - شعیر

خبر خطّی
 
  
  
  
  
Axar.az'da reklam Bağla
Reklam
Bize yazin Bağla