Axar.az
یوخاری
19 نویابر 2017


آند اولسون گونشه، اودا چیراغا، اوجاغا...

آنا صحیفه ادبیات
12 Punto 14 Punto 16 Punto 18 Punto

کولت. آز رامین جبراییلینین یازی‌سینی تقدیم ائدیر:

آند ایچمک قوتسال‌لیقلاری آرایا چکیب بیر سؤزون، یا بیر ایشین دوزلویون وورغولاماق‌دیر. نیه، یا نلره آند ایچمک نیی، یا نلری قوتسال سانماغا باغلی‌دیر.

تورک ائللرین‌ده هر بیر سؤزدن اؤترو اللها آند ایچمک قینانیلدیغی اوچون تانرییا، یا اللها آند ایچمک چوخ آغیر بیر ایش ساییلیر. اینانجلار بئله‌دیر کی، دئیرلر:

«اللها آند ایچمک آغیر آنددیر! آغیر آندین آلتین‌دان چیخماق اولماز»

هردن ایسه تئز-تئز اللها آند ایچ‌نه سؤیلیرلر:

«دؤرد پارالیق سؤزدن اؤتور تئز-تئز اللها آند ایچمه! الله بئلین‌دن ووراجاق ها!»

بورادا «بئلین‌دن ووراجاق ها» یامان‌لیقلارا، اوغورسوزلوقلارا اوغراماق آنلامین‌دادیر. اصلین‌ده بو سؤز تانرینین قوتسال‌لیغینی قوروماق اوچون سؤی‌لنیر.

تانرییا تئز-تئز آند ایچمه‌مک اوچون تانرییا یوخ، بلکه، قوتسال سانیلان، سایغین وارلیقلاردان ساییلانلارا آند ایچیلیر.

قوتسال، یا سایغین ساییلان وارلیقلار میللی اینانجلاردان قایناق‌لانیرلار. تورک اینانجلاری اوچ اساسین اوستون‌ده جان‌لانیرلار:

۱.طبیعت قوه‌لری

۲. خاتون آنالارلا بی آتالارین یولو «تؤره»

۳. گؤی تانری

بو اوچ اساسین اوچونه ده آند ایچمک اولار، اما تانرییا تئز-تئز آند ایچمک تانرییا سایغی‌سیزلیق ساییلیر. تانرییا آند ایچمک‌دن قاباق طبیعت قوه‌لرین‌ده یئر توتان قوتسال‌لیقلارا، یا دا تؤره‌یه یئرلشه‌ن سایغین‌لیقلارا آند ایچرلر. البته تورک اینانجلارین‌دا اولدوقجا چوخ آند ایچمه‌یه یاخشی باخیلمیر! ائل آراسین‌دا تئز-تئز آند ایچ‌ن آداما اوز توتوب سؤیلیرلر:

«سن تئز-تئز آند ایچمیینله توفاغیمیزی داغی‌داجاق‌سان»

«آند ایچمیی خود-کیشمیش ائدیب، تئز-تئز آغزین‌دا چئینه‌مه، بسین‌دیر!»

«آی دیلین‌ده چیبان چیخ‌سین، آخی نیه تئز-تئز آند ایچیرسه‌ن»

«بو قارا آندین آلتین‌دان نه اؤزون چیخا بیله‌جک‌سه‌ن، نه ده بیز!»

*طبیعت حادثه‌لرین‌ده آند ایچیله‌جکلر

۱. گونش: ایشیغین قایناغی، یاخشی‌لیقلارین آناسی، یامان‌لیقلارلا قارا-قورخولارین دوشمه‌نی

۲. اود: گونشین بیر پارچاسی، یئر اوزون‌ده قارانلیغا قارشی ان کسکین یاراق، اؤلدوروجو سویوقلارین دوشمه‌نی

۳. چیراق: گونشله اودون بیرلشمه‌سی، گئجه‌نین باغرینا گوندوزون سونگوسونو ووران، گونشین دوغوشونا اولان اومید قاپی‌سی.

۴. اوجاق: توپلانتی یئری، گونش، اود و چیراغی بیر یئرده توتان، تانرییا تاپینماغین یئری، عینی رقصلرله مراسیملرین اولاجاق یئری.

آدلاری چکیله‌نلردن باشقا طبیعت قوه‌لرین‌دن آند ایچیله‌جک بیر چوخ نسنه وار. اؤز‌لیکله آی، دنیز، داغ، سو، چای، چؤرک، دوز، داش، تورپاق، آغاج...

*خاتون آنالارلا بی آتالار یولون‌دا دا آند ایچیله‌جک چوخ‌لو وارلیقلار وار. گونو بو گون‌ده اونلارا آند ایچیلر.

«آنام جانی دوز دئییرم»، «آتام جانی»، «بالام جانی»، «آند اولسون آنامین سوتونه»، «آند اولسون بابامین گورونا»، «آند اولسون دوغولدوغوم گونه»

«آند اولسون حاقی-سلاما»، «آند اولسون شرافتیمه»، «اؤزوم اؤلموشو دوز دئییرم» دونیادا هئچ بیر ایشین سونوج‌سوز اولمادیغینا، هر نیین آلچاق-اوجالیغی اولا بیلمه‌سینه، یاخشینین یامان اوزو-یامانین یاخشی اوزو اولا بیلمه‌سینه اینانان تورک دوشونورلری هر بیر ایشی حتی ان کیچیک ایشلری بئله تام حساب-کیتابلا گؤرمیی هر بیر کسه دؤنه-دؤنه اؤیود وئره‌رک، آییق اولون بویورموشلار.

تورک دوشونورلری همین دونیا گؤرموش آغ بیرچک آنالارلا آغساققال آتالاردیرلار.

اونلار زامان-زامان هر نیی یاشامیشلار، یاشامادیقلارینی دا سینه‌دن-سینه‌یه گلن اینانجلارین، دبلرین، بویوروقلارین، اؤیودلرین واسطه‌سیله اؤیرنمیشلر.

«آتا-آنام من جانی‌دیلار، ایکی من جان بیلردیلر! ایکی من جان‌دیلار، دؤرد من جان بیلیرلر».

تاریخ
2017.11.08 / 12:49
مولف
آیتاج آراز
شرح لر
دیگر خبرلر

کؤلگه‌می قوجاقلایاجاغام... - تبریزلی شاعر

آتامی – آنامی یورسون مین کدر - شعر

آغریلاریم و قادینیم... - شعر

دویغوسو باکیره بیر قیز…- شعیر

آغالار بیلمه‌دی بیردیر بو تورپاق - ایبراهیم رشیدی

تبریزلی بالاجا یازچیدان حکایه: "دایناسور" - فوتو

صوبحدن قالخیب نماز قیلار قوجالار - شعیر

یئنی سئوگیلر دوغولور آیریلیغین آرخاسیندا - شعیر

منیم اورییم تبریزین آوتوبوسلارینا بنزر - شعیر

گؤرسن، اوغلومون اوشاغی گؤی قورشاغینا نه دئیه‌جک؟ - ائلیار

خبر خطّی
 
  
  
  
  
Axar.az'da reklam Bağla
Reklam
Bize yazin Bağla