Axar.az
یوخاری
21 نویابر 2018


هر کیمین پندیری واردیرسا گرک شورلا یئسین!

آنا صحیفه ادبیات
12 Punto 14 Punto 16 Punto 18 Punto

قونشو کندیمیزه قوناق گئتمیشدیک. محررملیک تزه گیرمیشدی. گئجه‌لر کندین جاماعاتی مسجیده توپلاشاردی. تک سوسیاللاشما مرکزی مسجید ایدی. بیز ده آغلاماق اوچون گئتدیک مسجیده. آنجاق نئجه اولموشدوسا، اهالینی آغلاداجاق اولان مرثیه خوان گلممیشدی. گئجه کئچیردی و صفوی زده تورک کندلیلر آغلامادان ائولرینه گئتمک ایستمیردیلر. گتسیدیلر ده، یاتا بیلمزدیلر. قادینلار-قیزلار دا مسجیدین شبیستان دئییله‌ن اوست قاتیندا کیچیک دلیکلردن باخیب آغلاشار، اؤزونو زنجیر و شیلله ایله دؤین کیشیلره باخیب گؤز یاشی آخیداردیلار. جاماعات، آرتیق مرثه خوانین گلمه‌یه‌جیندن امین اولدوقدان سونرا کندده بیر جوان اوغلان واردی اونا یالوارماغا باشلادیلار و "سنین ماهنی اوخویاندا سسین چوخ یاخشی چیخیر. سن حضرت عباسین کسیک قوللاری گل بیر شئیلر سؤیله ده بیز آغلاشاق. کربلا شهیدلری اوچون گؤز یاشلاری آخیتمازساق، جننته نئجه گئده بیلریک؟" دئدیلر.

جاوان اوغلان نه قدر "من مرثییه بیلمیرم بوراخین منی" دئسه ده جاماعات واز کئچمه‌دی و سونوندا دؤیه-دؤیه جوان اوغلانی منبره چیخارتدیلار. هله جیبینه ده بیر نئچه تومن سیخیشدیردیلار. جوان اوغلان پولو گؤردوکدن سونرا "چیخیرام منبره، آنجاق بری باشدان مرثییه بیلمدییمی دئییرم. سونرا مندن اینجیمیین!" دئدی.
... نه ایسه جوان اوغلان منبره چیخدی. آنلامسیز سؤزلر سؤیله‌سه ده، ملاحتلی، چوخ تأثیرلی، حوزونلو، گؤزل و شیرین سسین سحرینه قاپیلمیدی جاماعات. آنجاق جاماعاتین اؤزونو دؤیمه‌سی اوچون ریتمیک بیر سؤزلر ده لازیم ایدی. جوان اوغلان زنگوله‌لریندن سونرا باشلادی:
"هر کیمین پئندیری واردیرسا، گرک شورلا یئسین!
آج دئییلدیرسه، گرک زورلایاسان زورلا یئسین!
جاوان اوغلان بونو بیر نئچه دفعه تکرارلادیقدان سونرا، آرتیق هامی ازبرلمیشدی. جاماعات زنجیرله باشینا، سرت شیلله‌لرله ده سینه‌سی دؤیوب خور شکلینده
"هر کیمین پئندیری واردیرسا، گرک شورلا یئسین!
آج دئییلدیرسه، گرک زورلایاسان زورلا یئسین!
دئیرک هیجانا گلیب اؤزونو داها سرت دؤیوردو. قادینلار و یاشلی کیشیلر ده ازبرلمیش، فاجیعوی شکیلده مسجیددن خور سسله و آغلاشمایلا بو سس یوکسلیردی:
"هر کیمین پئندیری واردیرسا، گرک شورلا یئسین!
آج دئییلدیرسه، گرک زورلایاسان زورلا یئسین!"

گونتای گنج آلپ

تاریخ
2017.12.05 / 10:36
مولف
Axar.az
شرح لر
دیگر خبرلر

یوخولاریم چینه دؤنسون- شعیر

تاپشیرین یاز یاراسین باغلاماسین - شعیر

چونکی تنها آدامی اؤلوم بئله اونودار.....- شعیر

اؤلوب سنی تاپماقدی سئوگی – منیم اوچون....- شعیر

دیلیمی‌ بتردن دیشله‌دیم "قارقشین ایکی باشی اولار"....-حکایه‌

.....شعیر- ساغ اول» دئمه، ویدا ائتمه

گل دئیردی، داراییم باشیوی ای نازلی بالام- شعیر

بابک قیلینجینین داوامی دیلیم- شعیر

گونشین اوزو دوتولموش- شعیر

سن کی، منیم یانیم‌داسان، - شعیر بس نیه قوجا بیلمیرم؟!

خبر خطّی
 
Axar.az'da reklam Bağla
Reklam
Bize yazin Bağla