Axar.az
یوخاری
20 اییول 2018


اللهلا دا دانیشماغا اوزوم یوخ - رامیز رؤوشن

آنا صحیفه ادبیات
12 Punto 14 Punto 16 Punto 18 Punto

کولت. آذ رامیز رؤوشنین "لال" شعرینی تقدیم ائدیر:

لاپ یوخودان دوران کیمی
یورولورام، ایلاهی.
توستو کیمی دومان کیمی،
لال اولورام، ایلاهی.

ایرنیرم
هر سؤزدن، هر کلمه‌دن،
لاپ بالامین اوخودوغو نغمه‌دن.

بیر سؤزه ده
داها دیل بولاماق ایستمیرم،
یالقوزاغا دؤنسم ده،
اولاماق ایستمیرم،

دادی قاچیب شعرین-سؤزون،
داها منی دینلندیرن سؤزوم یوخ ،
آداملارلا دانیشماغا هوسیم،
اللهلا دا دانیشماغا اوزوم یوخ.

آه چکیرم، گولور آهیم،
بو "آه" منه اینانمیر
دئیه‌سه‌ن، چوخدو گوناهیم،
الله منه اینانمیر.

کیم کیمه اینانیر آخی؟!..
آدام درددن اؤلسه ده،
آغلار گؤزدن اؤپن چتین تاپیلا.
لاپ ملکلر
گؤیدن اوچوب گلسه ده،
بیر اوووج دن سپن چتین تاپیلا.

منیم ده بختیمه بو وطن دوشوب؛
هاوایی آچیلمیر چیچکلری ده
اللهی یورولوب، طاقتدن دوشوب،
بیر آز شورگؤزلشیب ملکلری ده.

سوسموشام، ترپنمز بو دیل، بو دوداق،
من داها لالام، لال- بو یئر اوزونده.
منی کورلار گؤرر دونیادا آنجاق،
منی کارلار قانار بو یئر اوزونده.

منی سن‌دن اؤزگه کیم دیندیرر، کیم؟! -
ایلاهی، اؤزومدن سنه‌جه‌ن لالام.
بیر قوش قانادیندا گؤندرجیین
بیر تزه مذهبه، دینه‌جه‌ن لالام

منه تورپاق دیلی، داش دیلی اؤیرت،
بلکه اؤز قبریمده دیللنه بیللم
ایلاهی، سن منه قوش دیلی اؤیرت،
اوچماغی اؤزوم ده اؤیره‌نه بیللم.

تاریخ
2017.12.28 / 10:55
مولف
آیتاج آراز
شرح لر
دیگر خبرلر

بیر حیکایه‌دیر تبریز! - سوسن نواده رضی

مندن اؤنجه دار آغاجی‌نین ایپیندن آسلانیب...- حسین مصری

سئوگیدنمی‌ یوخسا دویدوق؟ - آشیق جونون

بئله دوشونمک اولار کی، ائیواز نیگارلا…- کوروغلو داستانی

داها اوزولمیین، دوستلار، داها مندن قورخمایین... - شعر

غرورون ائوینی ییخار دئییردیم، سوزدوروب گؤزونو... - شعر/ویدئو

او فالچینین قارا بولودلاری باشیمیزین اوستونو آلدی...

بیر گون الله اؤلسه...- شعر

سیاسی بیر اولایین تراژیک ماهیتینی گؤسترمک‌ده… - ایواز تاها

و او مملکتین بیر قویوسوندان سو چیخدی، بیر قویوسون‌دان نفت!

خبر خطّی
 
Axar.az'da reklam Bağla
Reklam
Bize yazin Bağla