Axar.az
یوخاری
24 آپرئل 2018


آ موللالار، نیه منی دؤیورسونوز؟ – میرزه جلیل

آنا صحیفه ادبیات
12 Punto 14 Punto 16 Punto 18 Punto

بو گون آذربایجانین گؤرکملی یازیچیسی جلیل ممدقولوزادنین (۱۸۶۹-۱۹۳۲) آنیم گونودور.

کولت. آذ بؤیوک یازیمیزین آنیم گونونده «نیه منی دؤیورسونوز؟» مقاله‌سینی تقدیم ائدیر.

آ موللالار، نیه منی دؤیورسونوز؟ اولمایا مندن قورخورسونوز؟ اولمایا قورخورسونوز کی، اییلیب جاماعاتین قولاغینا بیر نئچه سؤز پیچیلدایام، بیر نئچه مطلبلردن آگاه ائد‌م؟ اولمایا قورخورسونوز کی، مجموعه‌نین ورقلرینی نؤکرلر ساماوار آلیشیغی ائده-ائده و شکیللرینی اوشاقلار اوینادا-اوینادا آخیردا جاماعات گؤزونو آچیب بعضی ایشلردن خبردار اولا؟ اولمایا سیز باشا دوشورسونوز کی، بیر مملکتده ایکی پادشاه و بیر اثرده ایکی موللا اولا بیلمز: یا موللا خسرالدین، یا دا موللا نسرالدین؟

هئچ ائیبی یوخدور، دؤیورسونوز دؤیونوز. اما بونو دا بیلینیز کی، ای موللالار کی، گونلر دولانار، سولار آخار، زمانه تزه‌لنر و آخیردا یئتیم-یئسیر و کئچل-کوچل قارداشلاریم دوستو ایله دوشمه‌نینی تانیییب هامان یوغون دینکلری الینیزدن آلار و باشلار … دخی دالیسینی دئمیرم.

و بو دا واخت اولا بیلر کی، کئچل-کوچل، تومانچاق و بامبی‌لی، بیت و سیرکه‌لی قارداشلاریم سیزله منیم تفاووتومو باشا دوشه‌لر. هرچند کی، سیز ده موللاسینیز و من ده موللایام و لاکین بیزیم آرامیزدا بیر بالاجا فرق وار.

باشاغریسی دا اولور. اما بو باره‌ده بیر نئچه سؤز دئمیی لازیم گؤروره‌م.

بیزیم تفاووتوموز بیر نئچه قیسم‌دیر:

اوله‌ن، من موللا اولا-اولا موسلمان قارداشلاریما وعظ ائد‌ن واخت دئییرم: بیر اللها سیتاییش ائدین، بیر ده پیغمبرلره و ایماملارا اطاعت ائدین. اما سیز دئییرسینیز: اللها دا سیتاییش ائدین، پیغمبره ده، ایماملارا دا، موللالارا دا، درهمزاد، اجینه، کلیله، دیمنه، شیطان، دیو، مرریخ، سرریخ، ترریخ، آماخ، ساشان، کوفله قوردو، میغمیغ، موزالان – بونلارین جمله‌سینه سیتاییش ائدین.

ایکینجی، من ده موللایام، سیز ده موللا. اما من موسلمان قارداشلاریما دئییرم: ای موسلمانلار، گؤزونوزو آچینیز، منه باخینیز؛ اما سیز موللالار دئییرسینیز: گؤزونوزو یومونوز، منه باخینیز.

اوچونجوسو، من بیر موسلمان اوشاغی کوچه‌ده گؤره‌نده دئییرم: بالا، بورنونون فیرتیغنی سیل. و هامان اوشاق آرخالیغینین قولو ایله باشلاییر بورنونو سیلمه‌یه. اما سیز موللالار هامان اوشاغی گؤره‌نده دئییرسینیز: «گده، قیریشمال، قاچ آتانا دئ کی، وعده ائلدیینی بو گون گؤندرمه‌سه، بیر ائله بددوا اوخورام کی، یئریدیی یئرده داشا دؤنر».

دؤردونجو، من ده موللایام، سیز ده موللاسینیز. اما بیر بالاجا تفاووتوموز بودور کی، من هئچ اولماسا بیر پارچا کاغیذ اوستونه بیر نئچه ناغیل-نوغول یازیب ایلان-قورباغا شک‌لی چکیرم و پایلاییرام موسلمانلارا کی، اوغول-اوشاق شکیللره باخیب گولسونلر و نؤکرلر کاغیذینی آلیشیق ائدیب، آسان‌لیقلا اوجاغی یاندیرسینلار. اما سیز موللالار دئییرسینیز: اوشاقلارین دا جانی جهنمه، نؤکرلرین ده.

تاریخ
2018.01.04 / 14:25
مولف
آیتاج آراز
شرح لر
دیگر خبرلر

من آجی‌لار قیزی‌یام ! - معصوم جبارپور

آنالار داها جوراب دئییل، کفه‌ن توخویار...

وطن کولوندن قانادلانان عنقا قوشلاریدیر بالالاریمیز

دولو دنه‌سیندن یارانان تورک داستان قهرمانی

...سن گئدن یوللارا گؤزلر دیرنیر آخشاملار

تۆرک یاراندیم، تۆرکلۆیۆمدن دؤنمه دیم - حبیب ساسانیان

دونیا شهرت‌لی یازیچینین توکورپه‌دن وصیت اولایی

مجنون ائدیب چؤله سالیب...

آستاجا ساچلاریما چک...

بیر علی کریم محتشم‌لیگی - غلبه تسللی‌دیر خاطره‌لریم

خبر خطّی
 
Axar.az'da reklam Bağla
Reklam
Bize yazin Bağla