Axar.az
یوخاری
20 نویابر 2018


من اؤز قیزیلگولومه جاوابدهم! - حکایه

آنا صحیفه ادبیات
12 Punto 14 Punto 16 Punto 18 Punto

کولت. آز آنتوان دؤ سنت اکزوپرینین هم اوشاق، هم ده بؤیوکلره عیبرت اولا بیله‌جک، اؤزونده بؤیوک معنالاری و گلوبال پروبلملری احتیوا ائد‌ن "بالاجا شاهزاده" اثریندن تولکو ایله بالاجا شاهزادنین قارشیلاشماسی صحنه‌سینی تقدیم ائدیر:

بالاجا شاهزاده قارلی، قوملو، قایالی یئرلرده خیلی گزیب-دولاشاندان سونرا، نهایت گلیب بیر یولا چیخدی. بوتون یوللار ایسه بیر قایدا اولاراق اینسانلارا دوغرو آپاریر.

او دئدی:

-سلام.

او، قیزیلگوللر آچیمیش بیر باغا گلیب چیخمیش‌دی. -سلام، -دئیه قیزیلگوللر جواب وئردیلر. بالاجا شاهزاده اونلارا باخدی. بو گوللرین هامی‌سی نئجه ده اونون گولونه اوخشاییردی.

-سیز کیمسینیز؟ -دئیه بالاجا شاه‌زاده حیرتله اونلاردان سوروش‌دو.

-بیز قیزیلگوللریک، -دئیه اونلار جاواب وئردیلر

-آها!، -بالاجا شاهزادفیکره گئتدی...

بیردن-بیره، او، اؤزونو چوخ بدبخت حس ائلدی. گولونون اونا، بوتون کایناتدا یئگانه اولماسی حاقیندا دانیشدیقلارینی خاطیرلادی. لاکین، بودور، عینیله همین گولدن بئش مینی! اؤزو ده هله تکجه بیر باغدا!

"منیم گولوم بو گوللری گؤرسیدی، اؤزونو بوتونلوکله تحقیر اولونموش حساب ائدردی...، -دئیه، او، اؤز-اؤزونه فیکیرلشدی. او، محکه‌م اؤسکورردی و گولونج وضعیته دوشمه‌مک اوچون اؤزونو ائله گؤسترریر کی، گویا اؤلور. من ایسه اونا قوللوق ائتمک مجبوریتی قارشی‌سیندا قالاردیم. عکس حالدا،
او، منی آلچالتماق اوچون اؤله بیلردی..."

او، اؤز-اؤزونه یئنه فیکیرلشدی: "من دونیادا نادیر، بلکه ده یئگانه بیر گوله صاحب اولدوغومو گومان ائتدییمدن اؤزومو زنگین ساییردیم. سن دئمه، منیم قیزیلگولوم مینلرله عادی گوللردن بیری ایمیش. منیم واریم-یوخوم وور-توت بو گولدن و دیزیمه قدر بوی وئرن، بلکه ده همیشه‌لیک سؤنموش اوچ وولکاندان عبارتمیش. وولکانلاردان بیری ده سؤنموشدور، بلکه ده همیشه‌لیک. بو منیم یاخشی شاهزاده اولماغیما دلالت ائلمیر..." او اوتلارین اوستونه اوزانیب آغلادی.

ائله بو واخت تولکو گلیب چیخدی. او، سلام وئردی. بالاجا شاهزاده نزاکتله اونون سلامینی آلدی، لاکین چئوریلیب اطرافینا باخدیقدا هئچ کیمی گؤرمه دی. همین سس یئنی‌دن ائشیدیلدی:

-من بوردایام، آلما آغاجینین آلتیندا...

-سن کیمسن؟، -دئیه بالاجا شاهزاده سوروشدو، سن نئجه ده گؤزلسن!

-من تولکویم، -او جاواب وئردی.

-گل بیرلیکده اوینایاق، -بالاجا شاهزاده اونا تکلیف ائتدی. من ائله غملییم کی...

-من سنینله اوینایا بیلمرم، من اهلیلشممیشم، -دئیه تولکو بویون قاچیردی.

بالاجا شاهزاده: -آه! ائله ایسه باغیشلا، -دئدی. لاکین، بیر آز فیکیرلشندن سونرا، علاوه ائتدی: -"اهلیلشمک" نه دئمکدیر؟

-آها! دئمه‌لی سن بورالی دئییلسن. بس بوردا نه آختاریرسان؟ -دئیه تولکو سوروشدو.

-آداملاری آختاریرام، -دئیه بالاجا شاهزاده جاواب وئردی.

-"اهلیلشمک" نه دئمکدیر؟ تولکو ایسه جاوابیندا دئدی:

-اح! آداملار، اونلارین توفنگلری وار، اوو ائدیرلر. بو چوخ بکارا و ناراحات ایشدیر! اونلار هله تویوق دا ساخلاییرلار. بو اونلارین یئگانه ماراقلاندیغی شئیدیر. سن تویوق آختاریرسان؟ بالاجا شاهزاده جواب وئردی:

-خیر، من دوست آختاریرام. بس "اهلیلشمک" نه دئمکدیر؟ -بو چوخ‌دان کهنه لیب اونودولموش بیر سؤزدور، -دئیه تولکو بیلدیردی. -معناسی "علاقه یاراتماق" دئمکدیر.

-علاقه یاراتماق؟

-البته، -تولکو تصدیق ائتدی. -سن، هله‌لیک، منیم نظریمده بالاجا بیر اوغلانسان، یوز مینلرله بالاجا اوغلانلار کیمی. نه سن منه لازیمسان، نه ده من سنه. چونکی، من ده سنین نظرین-ده یوز مینلرله دیگر تولکولره بنزه‌ین بیر تول-کویم. اما، سن منی اهلیلشدیرسن، اوندا، بیزیم بیر-بیریمیزه احتیاجیمیز اولاجاق. سن منیم اوچون دونیادا یئگانه اولاجاقسان، من ده سنین اوچون... بالاجا شاهزاده دئدی:

-دئیه‌سن من یاواش-یاواش آنلاماغا باشلاییرام. بیر گول وار... منه ائله گلیر کی، او، اهلیلشدیریلیب... تولکو راضیلاشاراق:
-نیه ده اولماسین، یئر اوزونده ائله شئیلره راست گلیرسن کی... -دئدی:

-اما او گول یئر کوره‌سینده دئییل، -بالاجا شاهزاده اینکار ائتدی. بو، تولکویه چوخ ماراقلی گؤروندو.
-بس هاردادیر؟ آیری بیر پلانتده؟

-هه.

-همین او پلانتده ده اووچو وار؟

-یوخ.

-باخ بو چوخ ماراقلیدیر. بس تویوق نئجه؟

-یوخ. تولکو آه چکدی. حیاتدا هئچ شئی قصورسوز اولمور. -هر شئی کامیل اولا بیلمز. لاکین، تولکو، یئنی‌دن اؤز اوولکی فیکرینه قاییتدی. -منیم حیاتیم یئکنسکدیر. من تویوقلاری اوولاییرام، آداملاردا منی. بوتون تویوقلاربیربیرینه اوخشاییر، بوتون اینسانلار دا بیر-بیرینه اوخشاییر. بو دا منی بئزیکدیریر. اما، سن منی اهلیلشدیرسن، حیاتیم ایشیقلاناجاق. من سنین آیاق سسینی دیگر آیاق سسلریندن فرقلندیرمیی باجاراجام. او بیری آیاق سسلری منی یوواما گیرمه‌یه مجبور ائدیردیسه، سنینکی منی موسیقی کیمی یووادان باییرا سسله‌یه‌جک. بیر او طرفلره باخین! بوغدا زمیلرینی گؤرورسونوزمو. من چؤرک یئین دئییلم. تاخیل منیم اوچون فایداسیز بیر شئیدیر. تاخیل زمیلری ندنسه منی دیندیرمیر. بو دا منیم اوچون کدر دوغورور. سنین قیزیلی ساچلارین وار. منی اهلیلشدیرسن نه قیامت اولار! قیزیلی رنگلی بوغدالاری گؤره‌نده سنی خاطیرلایاجام. زمیلرین خیشیلتی ایله دالغالانماسینی دا سئوه‌جم. تولکو سوسدو و اوزون-اوزادی بالاجا شاهزاده‌یه باخدی:

-خواهیش ائدیره‌م... اهلیلشدیر منی! -دئدی. -بؤیوک هوسله ائدردیم، - بالاجا شاهزاده جواب وئردی،

-اما، واختیم آزدیر. من اؤزومه هله دوستلار تاپمالییام و چوخلو شئیلر اؤیرنملییه‌م. تولکو دئدی:

-یالنیز مفتون اولدوغون و مفتون ائلدیین شئیی یاخشی اؤیرنمک اولار. اینسانلارین ایسه نییسه یاخشی اؤیرنمه‌سی اوچون قطیعا واختلاری یوخدور. اونلار دوکانلاردان هر شئیی آرتیق حاضر وضعیتده آلیرلار. دوست ساتیجی، دوست تاجیر اولمادیغیندان، اینسانلارین دا دوستو یوخدور. اگر سن دوست ایستییرسنسه، اوندا منی اهلیلشدیر.

-بونون اوچون نه ائتمک لازیمدیر؟، -دئیه بالاجا شاهزاده سوروشدو.

-چوخ صبرلی اولماق لازیمدیر، -تولکو جواب وئردی، - سن اولجه مندن بیر آز آرالی، بئله‌جه اوتلارین اوستونده اوتوراجاقسان. من سنه چپکی باخاجاغام، سن ایسه دینیب دانیشمایاجاقسان. سؤزلر قارشیلیقلی آنلاشمایا یالنیز مانع اولار. گونو-گوندن منه بیر آز یاخین اوتورا بیلرسن... ائرته‌سی گون بالاجا شاهزاده یئنه اورا گلدی.

- لاپ یاخشی اولاردی کی، سن هر گون عینی واختدا گله‌سن، -تولکو دئدی.

-مثلاً، اگر سن گونورتادان سونرا ساعت دؤرد-ده گله‌جک‌سنسه، من ساعت اوچدن اؤزومو خوش-بخت حس ائتمه‌یه باشلایاجاغام. واخت یاخینلاشدیقجا من اؤزومو داها دا خوشبخت سایاجام. ساعت دؤردده، من آرتیق هیجانلانماغا و ناراحات اولماغا باشلایاجاغام؛ من خوشبختلیین دیرینی آنلایاجام! اما سن موختلیف ساعتلاردا، ایستدیین واخت گلسن، اوندا من بیلمه‌یه‌جم کی، اورییمی خوش- بختلیین هانسی آنینا سازلاییم، هانسی واختینا کؤکلییم... اونو مراسیم کیمی کئچیرمک لازیمدیر.

-مراسیم نه دئمکدیر؟ -بالاجا شاهزاده سوروشدو. تولکو جاواب وئردی:

-بو دا چوخدان یاددان چیخمیش شئیدیر. بو، بیر ساعتین او بیری ساعتلارا، بیر گونون دیگر گونلره اوخشاماماسی‌دیر. مثلاً، منیم اووچولاریم هر جومعه آخشامی بایرام مراسیمی کئچیریرلر. اونلار کندین قیزلاری ایله رقص ائدیرلر. دئمه‌لی، جومعه آخشامی گؤزل بیر گوندور. من ایسه گزه-گزه دوز اوزوملویه قدر گئدیب چیخیرام. اگر اووچولار نه واخت گلدی رقص ائلسیدیلر، اوندا بوتون گونلر بیر-بیرینه اوخشایاردی و من ده راحتجا گزمه‌یه چیخا بیلمزدیم، استراحتیم اولمازدی.

بئله‌لیکله، بالاجا شاهزاده تولکونو اهلیلشدیردی. آیریلیق مقامی یاخینلاشاندا ایسه تولکو آه چکدی و:

-منی آغلاماق توتاجاق، -دئدی. بالاجا شاهزاده دئدی:

-اؤز گوناهیندیر. من سنی کدرلندیرمک فیکرینده دئییلدیم. سنی غملی گؤرمیی قطعی آرزولامیردیم، سن اؤزون ایستدین کی، سنی اهلیلشدیریم. -البته، -تولکو دئدی.

-آخی سن آغلایاجاقسان!، -بالاجا شاهزاده ایسرارلا دئدی.

-البته، -تولکو جاواب وئردی.

-دئمه‌لی، بو اهلیلشدیرمه‌دن سن هئچ نه قازانمیرسان! تولکو دئدی:

-من بوندان چوخ شئی قازانیرام، ساری، قیزیلی سونبوللر حاقیندا سؤیلدیکلریمی خاطیرلا، -سونرا علاوه ائتدی:

-گئت، او گوللره بیر باخ. سن باشا دوشه‌جکسن کی، سنین قیزیلگولون دونیادا یئگانه‌دیر. سونرا منیمله ویدالاشماغا گلنده، من بیر سیرری سنه ارمغان ائد‌جه‌یه‌م. بو دا منیم سنه هدییم اولار. بالاجا شاهزاده قیزیلگوللری گؤرمه‌یه گئتدی.

-سیز قطیعا منیم قیزیلگولومه اوخشامیرسینیز، سیز هئچ نسینیز.

-او اونلارا دئدی.

-هئچ کیم سیزه مفتون اولماییب، سیز ده هئچ کیمه مفتون دئییلسینیز. سیز اهلیلشمه‌ییبسیز. سیز ایندی منیم تولکومون اوولکی وضیعتیندسینیز. او، یوز مینلرله دیگر تولکولردن هئچ نه ایله فرقله‌نمیردی. لاکین، من اونونلا دوستلاشاندان سونرا ایندی، او، دونیادا یئگانه‌دیر. گوللر پرت اولدو.

-سیز گؤزلسینیز، اما ایچینیز بوشدور، -دئیه، او، یئنه سؤزونه داوام ائتدی.

-سیزه گؤره آدام اؤزونو فدا وئرمک ایستمز. البته، عادی بیر یولچو منیم گولومه باخیب فیکیرلشه بیلر کی، او دا عینیله سیزلره اوخشاییر. آنجاق، بو گول سیزین هامینیزدان منه داها عزیزدیر. بیر حالدا کی، محض اونو من سولامیشام. سیزلری یوخ، محض اونو شوشه اؤرتوکله اؤرتموشم. محض اونو من آراکسمه ایله کولکدن قوروموشام. محض اونون خاطرینه کپنک قوردلارینی قیرمیشام. (اونلاردان یالنیز ایکی-اوچ تیرتیل ساخلامیشدیم کی، بؤیویوب کپنک اولسونلار). محض اونون شیکایتله‌نمه‌سینه، اؤزونو اؤیمه‌سینه و حتی بعضا سوسماسینا دا من قولاق آسمیشام. چونکی، او، منیم قیزیلگولومدور، اؤزوموندور. سونرا، او، تولکونون یانینا قاییتدی و:
-الویدا! -دئدی...

-الویدا! -تولکو دئدی. -سنه دئیجییم سیرر باخ بودور، قولاق آس. او، چوخ ساده‌دیر؛ یالنیز اورکله یاخشی گؤرمک اولور. ان اساس شئیلری گؤزله گؤرمک اولمور.

-ان اساس شئیلری گؤزله گؤرمک اولمور، -دئیه، بالاجا شاهزاده یاددا ساخلاماق اوچون بیر داها تکرار ائتدی.

-سنین قیزیلگولون سنین اوچون اونا گؤره قیمتلی و عزیزدیر کی، سن بوتون حیاتینی اونا صرف ائتمی‌سن، قیمتلی واختینی اونا حصر ائتمی‌سن. بالاجا شاهزاده داها یاخشی یاددا ساخلاماق اوچون تکرار ائتدی:

-قیزیلگولومه بوتون حیاتیمی صرف ائتمیشم... تولکو دئدی: -اینسانلار بو حقیقتی اونودوبلار، اما سن بونو اونوتمامالیسان. سن اهلیلشدیردیینه همیشه‌لیک جوابده اولورسان. سن اؤز قیزیلگولونه جاوابدئه‌سن...

-من اؤز قیزیلگولومه جاوابدئهم، دئیه بالاجا شاهزاده اونوتماماق اوچون تکرار ائتدی

تاریخ
2018.06.12 / 15:40
مولف
آیتاج آراز
شرح لر
دیگر خبرلر

چونکی تنها آدامی اؤلوم بئله اونودار.....- شئیر

اؤلوب سنی تاپماقدی سئوگی – منیم اوچون....- شعیر

دیلیمی‌ بتردن دیشله‌دیم "قارقشین ایکی باشی اولار"....-حکایه‌

.....شعیر- ساغ اول» دئمه، ویدا ائتمه

گل دئیردی، داراییم باشیوی ای نازلی بالام- شعیر

بابک قیلینجینین داوامی دیلیم- شعیر

گونشین اوزو دوتولموش- شعیر

سن کی، منیم یانیم‌داسان، - شعیر بس نیه قوجا بیلمیرم؟!

هایاندان اولدوغومو بیله بیلمیرم- شعیر

تانیْش دشمن

خبر خطّی
 
Axar.az'da reklam Bağla
Reklam
Bize yazin Bağla