Axar.az
یوخاری
13 نویابر 2018


و او مملکتین بیر قویوسوندان سو چیخدی، بیر قویوسون‌دان نفت!

آنا صحیفه ادبیات
12 Punto 14 Punto 16 Punto 18 Punto

کولت. آذ آذربایجانین گنج شاعری آقشین یئنی‌سئیین "قدیم گمی" شعیرینی تقدیم ائدیر.
قدیم گمی

ویجدان اؤلمدییمیز بیر دونیانین جهنمی‌دیر
یئرینی آختارسان، آزارسان، ایتکین دوشرسه‌ن اؤز بده‌نین‌ده
گوناه اؤلمدییمیز بیر دونیانین جننتی‌دیر

تیکان تک گیزلنیب گول‌ده، موسیقی تک اؤرتونوب چیلپاق سیم‌ده!

گول تیکانین، سس سوکوتون آزادلیغی‌دیر!

اؤز یالقیزلیغینا کئشیک چکن او قوجا عسگر،

باشقالارینی اؤلدوردو باشقالارینین اوغرون‌دا

یاراسی قاسناقلادی، مئتالا، مئدالا دؤندو سول چینینین آلتین‌دا.

مقصدی بورالی کیمی اؤلمکدی!

چونکی یئر اوزو اؤز اؤلوملری ایله مشهوردور!

اوستالار اونا شابالید آغاجیندان تابوت عوضینه عصا قاییردی.

چونکی اینسان اؤز اومیدلرین‌دن داها اوزون عؤمورلودور!

عصا آغاجین، آغاج تابوتون آزادلیغی‌دیر!

و او مملکتین بیر قویوسوندان سو چیخدی، بیر قویوسون‌دان نفت!

بیر مملکت کی، آت کیمی کیشندی اودلا سویون آراسیندا.

کیشنه‌یه‌نده آند ایچیر آت!

قیصاصینین دؤردایاقلی اولدوغونا!

سو یانغینین اسارتی، یانغین اودون آزادلیغیدیر!

قارانلیق گئجه‌نین یالنیز اینسانا عایید رنگیدی.

پیس‌لیگی یالنیز اینسان چئویره بیلیر چؤره‌یه.

اینسانین آزادلیغی‌دیر قاباغینا چؤرک آتیلیب هئیأت‌ده

زنجیرلنیب بوتون فسیللره، قاران‌لیق‌داکی آغ ایتده.

چؤل‌ده قارا قورددا اولایان ایتین آزادلیغی‌دیر!

اؤلموش بیر کندلینی هئچ دانیشمادان تورپاغا گؤمدولر

سانکی، گوناهکارمیش و جزاسی اؤلومموش یاشاماغینین.

اؤلوم بودورسا، تانری‌سی بیر دیکتاتوردور بو سوکوتون.

هر سوکوت بیر بوتون آزادلیغی‌دیر!

بو یئتیم اوشاقلار، چتین اوشاقلار

سکیلره آتیلمیش قورو چؤرک قیریقلارینین آرزولاری‌دیر.

آتالارینی محاربه یئییب، آنالارینی ناموس!

اینسان هله ده وطن کئشیی، بده‌ن کئشیی چکیرسه،

هامینین اولان و هئچ کیمین اولمایان بو قدیم گمیده،

اونون آزادلیغی…

اونون آزادلیغی… باغیشلا، ای نوه!

شالواردا گیزلنمیش گ*تون آزادلیغی‌دیر!

گندر برابرسیزلیگی

قادینلار شهردیرلر؛

اونلار اوچون گلنین-گئدنین فرقی یوخ.

کیشیلر اوزاق بیر داغین کؤکسونه قیسیلمیش

قدیم کنده بنزرلر؛

گلنلره گؤره سئوینر، گئدنلره گؤره داریخارلار،

داریخارلار، هم ده چوخ…

تاریخ
2018.07.12 / 22:00
مولف
Axar.az
شرح لر
دیگر خبرلر

شعیر- سنله دلیجه‌سینه بیر آیریلیق یاشایاق

تیراختورچو قیزلار

تاپشیرین دالیمجا گلمه‌سین کؤلگم!- شئیر

قویوب گئتدیین یئرده‌یه‌م -شعیر

منی زامان- زامان یاشادار حیات -شعیر

بیر یاکاموز اَزیلیرسه، مین یاکاموْز باش قاوزاییر - شعر

دوداقلاریم اوچوق توتار، قورخاقلار... - یئنی شعر

آجیلار گئجه باشلار- شعیر

سنی سئوه- سئوه سئومه‌یه‌جه‌یم- شعیر

حکایه‌ -منیم بالام هاردادیر

خبر خطّی
 
Axar.az'da reklam Bağla
Reklam
Bize yazin Bağla