Axar.az
یوخاری
19 نویابر 2018


هر گولدن وار، هر حیواندان دا، هر انسان‌دان دا. یالنیز.....-حکایه

آنا صحیفه ادبیات
12 Punto 14 Punto 16 Punto 18 Punto

آخار. آز روهنگیز پورناسئهین "توند ماوی" حکایه‌سینی تقدیم ائدیر:
باخدیقجا قانیم قایناییردی. گؤزومو اوزوندن هئچ بیر آندا یاییندیرا بیلمیردیم. اودا ترپنمه‌دن دوز باشیمین اوستونده دایانمیشدی. بیر آزدان آستا- آستا آشاغییا ائندی. یئتیشدیک‌ده بوتونلوک‌له منی بورویوب، باشلادی فیرلانماغا. سرعتی چوخالدیق‌دا آیاق‌لاریم یئردن اوزولدو. هر یئری یالنیز جیزگی گؤروردوم، هر بویادا جیزگی. اؤزومو تاپشیرمیشدیم اونا، قورخوسوز. منی‌هارایا آپاراجاغینی بیلمیردیم. یانلیش یئرلره آپارماماغینا اینانیردیم آمما. نه قدر زمان کئچدی بیلمه‌دیم. آستا- آستا سرعتینی آزالدیردی. یئنی‌دن هنده‌ور اؤز شکلینده گؤرسه‌نیردی. آیاق‌لاریم یئره دیدیک‌ده، گؤودمدن آیریلیب، گؤیه قالخدی. داها گؤرمه‌دیم اونو.

گؤی اوزو توند ماوی‌دیر. هر یئر پار- پار پاریلداییر. دئیه بیلمیرم‌هارادیر!!! دنیز قیراغی‌دیر؟ اورمان‌دیر؟ باییردیر؟ داغ‌دیر؟ یوخسا …؟‌هامیسی بیرلیک‌ده خولیالاریمدا اولان یئرلره بنزه‌ییر.

هر گولدن وار، هر حیواندان دا، هر انسان‌دان دا. یالنیز منیم یئریم بوش‌ایدی ییغوالاریندا.

یقین یئر کوره‌سی‌دیر بورا. گؤره‌سن‌هامیسینین بورا گلمک‌لری منیم کیمی‌ایمیش، یوخسا…؟ گؤزومه چارپان اَن گؤزل باخیشلار و گولوش‌لر‌ایدی. حیس ائدیردیم گؤزلریم‌له، دوداق‌لاریم گولوشه دولور. قاش قاباغیم آچیلیردی. داها قئیقاجی باخیش‌لارلا، قاش- قاباق گؤرمه‌یه‌جه‌ییمه اینانیردیم.

سئویندیییمدن بیلمیر‌دیم‌هارا گئدیم، نئیله‌ییم. داها بوندان بئله، بو گولوش‌لرله قادا- بالانین اسکیک اولماسینا سؤز وئرمک اولار.

تاریخ
2018.10.24 / 16:37
مولف
Axar.az
شرح لر
دیگر خبرلر

گونشین اوزو دوتولموش- شعیر

سن کی، منیم یانیم‌داسان، - شعیر بس نیه قوجا بیلمیرم؟!

هایاندان اولدوغومو بیله بیلمیرم- شعیر

تانیْش دشمن

دوستاق اۏلاجاق سن‌ده آزادلېغېم- شعیر

!حوانین اوستونچولوک سسی انسانلیغین اؤلوم ظفریدیر

گئجه‌نین سونو- حکایه‌

هر شئی کؤهنلیب سن ده، من ده کؤهنلمیشیک - شعیر

زحلم گئتمیش بو قیش بیته‌سی دئییل سانکی- حکایه‌

آختارسان منی- شعیر

خبر خطّی
 
Axar.az'da reklam Bağla
Reklam
Bize yazin Bağla