Axar.az
یوخاری
15 نویابر 2018


شعیر - ایشیمیز، گوجوموز دیدیشمک اولوب!

آنا صحیفه ادبیات
12 Punto 14 Punto 16 Punto 18 Punto

آخار. آذ علیرزا میانالینین " گلین محو ائتمیک بیر-بیریمیزی" شعیرینی تقدیم ائدیر.

صاباحا اوغورلو یول گئتمک اوچون
دوننه بویلانیب باخاسان گره‌ک.
بو گونله دوننده فرق یوخدوسا
بس نئجه صاباحی اوغورلو گوره‌ک؟

دونندن بو گونه ده‌ییشن نه دی؟-
ائله بیل ده‌ییشن والله هئچ نه دی.
دوشمنه چوخ شئیی کئچدیک کیم ایسه
دوستونا ذره‌جه سهوی کئچمه‌دی.

بیز نییه بئله‌ییک گؤره‌سن نییه؟-
چوخ شئیین یئرینی چاش- باش سالمیشیق.
هرنه وار ترسینه دولانیر اودور-
سایدا چوخ اولساق دا آزلیق اولموشوق.

بودا اوز سهویمیز، گوناهیمیزدی،
اؤزگه‌نین بوینونا گلین آتمایاق.
چوخ شئیی قاتمیشیق، سیز الله داها
دوست‌لا دوشمنی گلین قاتمایاق.

دوشمن اوز ایشینی گؤروب بیتیریب،
بیر داها الینی نئچون بولاسین.
بیز کی اؤزوموزو دیدیریک ایندی-
کیم ایستیر بوشونا قورد تک اولاسین.

قالمیشام بیلمیرم گؤره‌سن نییه
ایشیمیز، گوجوموز دیدیشمک اولوب!
مین بیر خاصییته مالک او قورددان
بیزه تکجه آنجاق دیدیشمک قالیب.

بیز نییه بئله‌ییک گؤره‌سن نییه
چوخ شئیین یئرینی چاش- باش سالمیشیق.
هرنه وار ترسینه دولانیر اودور-
سایدا چوخ اولساق دا آزلیق اولموشوق.

نییه دوشونموروک گلین دوشونک!-
بو یوللار‌هارایا آپاریر بیزی.
هله چوخ یولوموز، چوخ ایشیمیز وار
گلین محو ائتمه‌یک بیر- بیریمیزی!

تاریخ
2018.11.02 / 20:06
مولف
Axar.az
شرح لر
دیگر خبرلر

بیر ده قوشا گلممریک...- شعیر

من سئوه‌نده روح اولورام- شعیر

خیانت بویدا - شعیر

اونودولموش اینسان اوزو سو اوزوننن برک اولور - شعیر

قالخ الینی وئر منه، قوپار منی بو یئردن- شعیر

شعیر- سنله دلیجه‌سینه بیر آیریلیق یاشایاق

تیراختورچو قیزلار

تاپشیرین دالیمجا گلمه‌سین کؤلگم!- شعیر

قویوب گئتدیین یئرده‌یه‌م -شعیر

منی زامان- زامان یاشادار حیات -شعیر

خبر خطّی
 
Axar.az'da reklam Bağla
Reklam
Bize yazin Bağla