Axar.az
یوخاری
19 دکابر 2018


شرقین آزاده، گولر بیر قیزییام...- شعیر

آنا صحیفه ادبیات
12 Punto 14 Punto 16 Punto 18 Punto

کولت. آز حسین جاویدین " شرقین ازیلمیش قادینی" شعیرینی تقدیم ائدیر:
من نه ایدیم؟
شرقین ازیلمیش قادینی!

(بیر آز سوکوت...)

من نه ایدیم؟ اوف، اونو هئچ سورمایینیز!
وارلیغیم بیر قورو هئچ!

کئچمیشین ان قابا، ان ویجدان‌سیز،
کیرلی دیرناقلاری قهر ائتدی منی.
گؤرمدیم گون ایشیغی؛
دوغدوغوم گون‌دن — اوت — تاریخین
پاس‌لی زنجیرلری اینلت‌دی منی.

هر طرف‌دن قارا بیر مؤوهومات
پرده‌لر چک‌دی همه‌ن گؤزلریمه...
قوپاریرکه‌ن فریاد،
ائتدی قانون ایله دین ایستئهزا
منیم اؤکسوزجه قیریق سؤزلریمه.

یوخ، یالان سؤیلدیم، آلدانمایینیز؛
واردی بیر چوخ تاپینانلار دا مانا
چونکی پک دیلبر ایدیم،
سوس‌لو کاشانه‌لرین قوینون‌دا،
منی سارمیش‌دی ایپکلر، توللر...
آغلاییردیم گوله‌رک،
آلیشیب مهبه‌سه، آلتون قفه‌سه،
سؤندوروردوم قابا شهوتلری من...

«پک گؤزل‌سه‌ن» — قان ایچن سلطانلار
منی ایله‌نجه یاپار،
چوخ زامانلار دا باغیشلار بیرینه،
«ان نفیس عشوه‌لی بیر قوه» — دئیه.
اوه، نه میسکینجه حیات!؟
یئری گلدیکجه آتارلار نیله،
یاخود آتشکه‌ده‌یه...

دویغوسوز تانرییا قوربان اولاراق،
کول اولوردوم یاناراق، قیوریلاراق.
داها دهشتلی بلا، — چیرکین ایسن، —
آتاجاقلار درحال
بیر چوخور، بیر قویویا، بیر کانالا.
یاپسالار هر قابالیق، آلچاقلیق،
باش ایردیم سوساراق اوف دئمه‌دن...
بیر زامانلار من، اوت، بیر هئچ ایدیم،
قیسمتیم سیلله، دایاق، کؤنلوم اسیر،
بیر بؤجک‌دن ده هقیر.

ایمدی لاکین او تیکه‌نلردن اوزاق —
گولرک، اوینایاراق،
یاشاماق زؤوقونو دویماقداییم آنجاق، آنجاق...
یوخ، من آرتیق سورونن هئچ دئییلیم،
پارچالانمیش دا قارانلیقدان هؤرولموش
کفه‌نیم،
گمیریلمز بئینیم.
ایشته ان شانلی اوفوقلرده اوچان
شرقین آزاده، گولر بیر قیزییام؛
اوجا حشمتلی فضالاردان آشان
پنبه بیر ییلدیزییام!..

تاریخ
2018.11.24 / 21:56
مولف
آینورا مممدووا
شرح لر
دیگر خبرلر

گؤزلریمدن آخان شعیر...یعقوب نیکزاد

باشیوا دولانیم ناسا - حکایه

شنگولوم، شؤنگؤلوم، منگولوم...- اوشاق ناغیلی

چک "بابک"ی،"نبی"نی, داغدا دایانسینلار اَر کیمی!

يازا، ياز چرچيوه سينده، قوزئيه قيش دئيلير - شعر

دوست گزیرم اؤزومه، دوست گل، هارداسان - اوشاق ناغی‌لی

حبیب ساهرین وفات گونو....

یالان چولغالاییب بیزیم اؤلکه نی ...

هامی اره گئتمییمی ایستییر، من ایسه…

توخونما سؤزومه توخونما منیم..- شعیر

خبر خطّی
 
Axar.az'da reklam Bağla
Reklam
Bize yazin Bağla