Axar.az
یوخاری
19 دکابر 2018


سئوگی ییخار دیوارلاری....- شعیر

آنا صحیفه ادبیات
12 Punto 14 Punto 16 Punto 18 Punto

Kult.az محمد احمدیزادنین "سئوگی باغی" شعیرینی تقدیم ائدیر:
سئوگی باغی

سارالیب سولوبلار مئشه‌لر،
سوسوز قالیبلار چئشمه‌لر،
شاختا ووروب آغاجلاری
قورویوب یانیبلار لاله‌لر.

داغلار، داغلار ایزسیز داغلار،
زیروه‌لری قارسیز داغلار،
ایگیدلرین جانین آلیر
گنج یاشلاردا سسسیز داغلار.

سو گلیب آخیر گئدیر،
دوشوننی یاخیر گئدیر،
بو دونیا بیر پنجره‌دیر
دوشونمه‌ین باخیر گئدیر.

بو دونیانین دیواریندان،
گلن باخیر باجاسیندان،
کیمسه گؤرمور‌هامیسینی
بیر باجانین آرخاسیندان.

سئوگی ییخار دیوارلاری،
سیلر گؤزلردن پاسلاری،
ایکی کؤنول بیر اولونجا
آخماز گئجه گؤز یاشلاری.

آخان قان اولمایایدی،
یارپاقلار سولمایایدی،
سولار جوشوب سئل اولایدی
قیلیجلار پاسلانایدی.

یام- یاشیل اؤلکه‌دیر اوره‌ک،
تزه‌له‌یک، گل دوز چؤره‌ک،
گئچمیشلری یادا سالیب
اود اوستونده چای دمله‌یک.

دوشمنلیگه گل داش آتاق،
سئوگیمیزه، گؤز قاش آتاق،
قول قولا وئریب گئدنده
آددیملاری یاواش آتاق.

قارا خاللی یاناغیندا،
ائیوانیمین قاباغیندا،
یاخاسی دار کؤینه‌یی گئی
سئویم سنی آی ایشیغیندا.

تاریخ
2018.11.26 / 19:47
مولف
آینورا مممدووا
شرح لر
دیگر خبرلر

گؤزلریمدن آخان شعیر...یعقوب نیکزاد

باشیوا دولانیم ناسا - حکایه

شنگولوم، شؤنگؤلوم، منگولوم...- اوشاق ناغیلی

چک "بابک"ی،"نبی"نی, داغدا دایانسینلار اَر کیمی!

يازا، ياز چرچيوه سينده، قوزئيه قيش دئيلير - شعر

دوست گزیرم اؤزومه، دوست گل، هارداسان - اوشاق ناغی‌لی

حبیب ساهرین وفات گونو....

یالان چولغالاییب بیزیم اؤلکه نی ...

هامی اره گئتمییمی ایستییر، من ایسه…

توخونما سؤزومه توخونما منیم..- شعیر

خبر خطّی
 
Axar.az'da reklam Bağla
Reklam
Bize yazin Bağla