Axar.az
یوخاری
19 دکابر 2018


مین ایللیک کئچمیشی شهرتیم شانیم... - رقیه هاشم زاده

آنا صحیفه ادبیات
12 Punto 14 Punto 16 Punto 18 Punto

Kult.az رقیه هاشم زادهنین شعرینی تقدیم ائدیر:

بوتون ایستک لریم بیر یانا دورسون
سئویرم وطنیم آزربایجانی
اؤزگه نین کؤپه گی هورورسه هورسون
هارداسنکا کئچه جک تورکون کروانی
سئویرم وطنیم آزربایجانی

هاواسی نفسیم سولاری قانیم
داغلاری دایاغیم تورپاغی جانیم
مین ایللیک کئچمیشی شؤهرتیم شانیم
شرفین اؤلکه سی،غئیرتین کانی
سئویرم وطنیم آزربایجانی

تبریزی،اهری،خویو، مرندی
قاراداغ،ساوالان،شانلی سهندی
اوتایلی بوتایلی شه هری کندی
گنجه نی،باکینی،شککی، شیروانی
سئویرم وطنیم آزربایجانی

سئویرم هم ائلین هم دیلین تورکون
اوردا قیزقالاسین بورداسا أرکین
اوغروندا اؤله رم قیلمارام ترکین
ایسته سه شوقیله وئره رم جانی
سئویرم وطنیم آزربایجانی

آنام دیر آتام دیر بالام دیر وطن
دیلیمده دولاشان سلام دیر وطن
سون نفس دئدیگیم کلام دیر وطن
دره دن تپه یه چکیر اینسانی
سئویرم وطنیم آزربایجانی

بولبولون چمنده نغمه سی خوشدور
کؤرپه یه آنانین نفسی خوشدور
غریبه وطنین هر نه سی خوشدور
شیمشه گی یاغیشی قاری بورانی
سئویرم وطنیم آزربایجانی

دلی دالغالاردا نهنگم ایندی
دوشمانین قورخدوغو توفنگم ایندی
آسلانام ترلانام پلنگم ایندی
صنمم أن آزدان آدیمی تانی
من سئودیم سنده سئو آزربایجانی

تاریخ
2018.12.04 / 21:03
مولف
آیتاج آراز
شرح لر
دیگر خبرلر

گؤزلریمدن آخان شعیر...یعقوب نیکزاد

باشیوا دولانیم ناسا - حکایه

شنگولوم، شؤنگؤلوم، منگولوم...- اوشاق ناغیلی

چک "بابک"ی،"نبی"نی, داغدا دایانسینلار اَر کیمی!

يازا، ياز چرچيوه سينده، قوزئيه قيش دئيلير - شعر

دوست گزیرم اؤزومه، دوست گل، هارداسان - اوشاق ناغی‌لی

حبیب ساهرین وفات گونو....

یالان چولغالاییب بیزیم اؤلکه نی ...

هامی اره گئتمییمی ایستییر، من ایسه…

توخونما سؤزومه توخونما منیم..- شعیر

خبر خطّی
 
Axar.az'da reklam Bağla
Reklam
Bize yazin Bağla