Axar.az
یوخاری
18 نویابر 2018


توپلومسال حركت مشقى

آنا صحیفه اخبار فارسی
12 Punto 14 Punto 16 Punto 18 Punto

کولت.آذ گونئی‌لی شاعر و یازار پوزغون توفارقانلی‌نین یازیسینی تقدیم ائدیر:

كئچن گونلرده نئچه ميللى-مدنى چاليشقانيميز توتوقلانيب دير. بو توتوقلامالاردا اؤنملى اولان بير قوْنو، اركك لرله يان-يانا قادين چاليشقانلاريميزين دا توتولماسى دير. اؤنجه لر ده نئچه قادين چاليشقانيميز توتوقلانميش دير. ميللى حركت ده قادينلارين اوْينامى (روْلو) گونو-گوندن آرتير. بئله ليك له كيمليك دوشونجه سى -توركلوك دوشونجه سينه داياناراق- اولوسوموزون داها چوخونلوغونو چئوره مك ده دير. سؤزسوز ميللى حركتين بو گونكو قوْنومو- اؤزلليك له پيشه ورى دؤنه ميندن بو يانا- آزربايجان ائله جه ده تورك وارليغى آدينا چاليشان بؤيوك-بؤيوك دوشونرلريميزين، بيلگين لريميزين، اؤنجول لريميزين، ...

چكديگى چابالار سوْنوجودور. آنجاق ميللى حركت بوگون كى پتانسيل گوجونو بوتون توپلومسال آلانلاردا گليشديرمه لى دير. ميللى حركت كسينليك له حركت سيز قالمامالى دير! سوسماق قيسا سوره مصلحت ديرسه، اوزون سوره اينسانى ائتگى سيزليگه (انفعالا) چَكر. ميللى حركت هر ايل نئچه كَز اؤز گوجونو چئشيتلى اولايلار آدينا گؤز اؤنونه سرگيله ييب، يئته نك لرينى -آخساقليقلارينى تانيمالى دير. بئله جه ميللى حركت اؤز گوجونو دَنه مك له داها دوغرو توتوملار قرارينا گله بيلير. هر حركتين آماجلار ى آنجاق او حركتين گوجو بيرده الده ائتديگى فورصت لر چرچيوه سينده تانيتيملانا بيلير. بونلارين يانيندا داها اؤنملى سى حركتين رهبرليگينين اؤز گوجونو تانيماسى بيرده اؤزونه اينانماسى دير. بودا زامان سوره سى يالنيز پراكتيك تجربه لردن اله گلير.

منجه أن ياخين چاغلاردا، رحمتليك اوستاد دميرچى نين توپراغا تاپيشيرما مراسيمى، ها بئله سايين مهندس امانى نين اؤلومونون ايل دؤنومو توپلانتى سى بير اؤرنك دير. بئله چاليشمالار اؤزلليك له ميللى حركتين بوتون قوللارينى ايچرله ين (اولدوقجا هاى-كوى دن اوزاق) قونولاردا - اؤزلليك له بوتون كولتورل،توپلومسال، سياسى، ... آلانلاردا- گئنيش لنمه لى دير. بو بيزيم ايچين بير توپلومسال حركت مشقى دير. بو آزربايجان تورك اولوسونون اوره ك بيرليگينى ، ايش بيرليگينه دؤنوشدورن بير حركت دير. دئمك ميللى حركتين پتانسيل لرينى ، فعليت دورومونا چاتديرماق دير. البته ميللى حركت چاليشقانلارى داها احتياط لى- داها دقت لى اولمالى ديرلار. بيز حركتيميزين "مدنى" اؤزلليگينى دوشونوركن، باجارديغيميز قَدَر اؤلچو-بيچ لى حركت لرله ، ايتيريم لريميزى (هزينه لريميزى) آزالديب، الده ائتديكلريميزى چوخالتمالى ييق.

تاریخ
2018.10.29 / 11:14
مولف
پوزغون توفارقانلى
شرح لر
دیگر خبرلر

گیلان و نادیده گرفتن حقوق شهروندی تورکها در شبکه باران

دکترسیّد جواد طباطبائی، زبان ترکی و آذربایجان

اعدام سلطان سکه - مقصر اصلی کیست؟

«از نظر دولت ایران، جوامع اسلامی جزیی از ایران هستند»

نگاهی نو به تبار رضاخان

انسانیتِ انسان با سیاست متناظر است

تاریخچه اسم ترکی "تارکان"

اصلاح طلبان با سایه خود می جنگند

دولت گوش شنوایی برای شنیدن مشکلات مردم استان‌ها را ندارد / قاضی پور

چراغی که به خانه روا بود...

خبر خطّی
 
Axar.az'da reklam Bağla
Reklam
Bize yazin Bağla