Axar.az
یوخاری
20 اییول 2018


مالوروسییا لاییحه‌سی: مسکوا اوکراینانی یوخ ائدیر؟

آنا صحیفه گوندم
12 Punto 14 Punto 16 Punto 18 Punto

اوکراینا سئپاراتچی قوه‌لره قارشی قاباقلاییجی تدبیرلر گؤرمه‌سه، مالوروسییانین اراضیسی تکجه دونتسکله مهدودلاشمایاجاق.

آخار. آذ خبر وئریر کی، بو سؤزلری پولیتولوق ایلقار ولیزاده اوکراینادا مالوروسییا آدلی یئنی قوندارما دؤولتین یارادیلماسی مسئله‌سینی شرح ائدرکن دئییب.

«اوکراینادا یئنی دؤولت یارادیلماسی تشببوسو ایله چیخیش ائد‌ن اینسانلار نظرده توتورلار کی، بو دؤولته اوکراینانین روسدیللی دیگر رئگیونلاری دا قوشولا بیلر. اونلار بونونلا سؤزوگئدن قوندارما قورومون حجمینی بؤیوتمیی پلانلاشدیریرلار. بو، اصلین‌ده، اونلارین پلانلاریندان خبر وئریر. اونلار قوندارما دونتسک خالق رئسپوبلیکاسینین اراضیلری ایله کیفایتله‌نمه‌ییبلر و دیگر رئگیونلارا گؤز دیکیبلر. البته کی، بو، چوخ تهلوکه‌لی بیر آددیم‌دیر»، - او بیلدیریب.

اکسپرتین فیکرینجه، روسییا اوکرایناداکی بوتون سئپاراتچی قوه‌لری واحید بیر نقطه‌ده بیرلشدیرسه، مالوروسییا لاییحه‌سینینین افکتینی گؤره‌جک:

«ماراقلی‌سی بودور کی، دونئتسکین ایر‌لی سوردویو بو فیکری دیگر سپاراتچی رژیم اولان قوندارما لوقانسک خالق رئسپوبلیکاسی دستکله‌مه‌ییب. دونتسکله لوگانسک آراسیندا معین ضدیتلر وار و همین پروبلملر آرا-سیرا اوزه چیخیر. بئله وضعیتده بوتون بو سئپاراتچی رگیونلاری بیرلشدیرمک چتین اولور. طبیعی کی، پروسئسلرین نئجه نتیجه‌لنمه‌سی کونکرئت سیاسی گئدیشلردن آسیلیدیر. اگر روسییایا قارشی غرب طرفیندن هانسیسا آددیملار آتیلسا، اوکراینا روسییایا قارشی داها سرت مؤقع قویسا، بو پروسسین قارشیسینی آلماق ممکوندور. عکس تقدیرده روسییانین دستکلدیی قوندارما قوروملارین حسابینا بو لاییحه‌نین میقیاسی بؤیویه‌جک. مالوروسییا دؤولتینین یارادیلماسی تمامیله اولماسا دا، یاواش-یاواش اوکراینانین معین حیصسه‌سینه، خصوصیله ده روسدیللی اهالییه شامیل اولونا بیلر. اگر غربدن رئال تضییقلر اولسا و اوکراینا مالوروسییانین یارادیلماسی ایله باغلی قاباقلاییجی تدبیرلر گؤرسه، بو، ساده‌جه لاییحه اولاراق قالاجاق».

قید ائدک کی، قوندارما دونتسک خالق رسپوبلیکاسینین رهبری آلکساندر زاخارچئنکو مالوروسییا دؤولتینین یارادیلدیغینی اعلان ائدیب.

تاریخ
2017.07.19 / 11:04
مولف
Axar.az
شرح لر
دیگر خبرلر

چاووشوغلو باکییا گلیر

تاجیکیستان پرزیدنتی باکییا گلیر

ایلهام علیئو ایتالییا پرزیدنتی ایله گؤروشدو

پوتین نیه ترامپا توپ هدییه ائتدی؟ - اکسپرت

ترامپلا پوتین نه الده ائتدی، نده راضیلاشدی... - شرح

باکی‌دا چؤکموش یولون آلتیندا گیزلی تونل آشکارلاندی - فوتو

پومپئو و متیس باکییا گلرسه... – گئری ساییم باشلادی

ایتالییا پرزیدنتی باکییا گلیر

ایروانین حرکتی بو دؤولتلره حؤرمتسیزلیکدیر – حاجییئو

ایلهام علیئو ایرانلی ناظرله گؤروشدو

خبر خطّی
 
Axar.az'da reklam Bağla
Reklam
Bize yazin Bağla