Axar.az
یوخاری
17 اوکتیابر 2017


آمریکا بیرلشمیش میلتلر تشکیلاتینی داغیدیب، یئنی سیستم قورور – سبب

آنا صحیفه گوندم
12 Punto 14 Punto 16 Punto 18 Punto

آمریکا یونئسکو-دان چیخماقلا یئنی دونیا نیظامینی اؤز ماراقلارینا اویغون تکباشینا یاراتماق ایستییر. بونا گؤره ده آرتیق روسییا اؤز ناراحاتلیغینی بیلدیریب.

بو سؤزلری آخار. آذ-آ پولیتولوگ نزاکت ممدووا آمرکیانین یونسکو-دان چیخماسی ایله باغلی یایدیغی بیاناتین سببلرینی شرح ائدرکن دئییب. او بیلدیریب کی، آمریکا یونسکو-دان چیخماغی هله بیر نئچه هفته بوندان اول پلانلاشدیریردی:

"لاکین آمریکا بو مسئله نی تشکیلاتا یئنی باش کاتیب سئچیلندک تاخیره سالماغی قرارا آلمیشدی. فرانسا و آمریکا پرزیدنتلری آراسیندا سنتیابردا بیرلشمیش میلتلر تشکیلاتی باش آسسامبلیاسینین سسییاسی زامانی بو باره‌ده موذاکیره آپاریلان زامان ماکرون ترامپدان فرانسانین نامیزدی خانیم آزولایی دستکلمیی خواهیش ائتمیشدی. چونکی فرانسا اؤز کئچمیش مدنیت ناظری خانیم اودری آزولایین یونسکو باش کاتیبی وظیفه‌سینه سئچیلمه‌سی اوچون چالیشیر. اونون رقیبی ایسه قطر دیپلوماتی آبدولزیز کاواری‌دیر".

پولیتولوق قئید ائدیب کی، آمریکا فرانسایا دستک وئررسه، بو عامل اودری آزولایین باش کاتیب سئچیلمه‌سینده بؤیوک رول اوینایا بیلر:

"خاتیرلادیم کی، بیرلشمیش ایشتاتلار ۱۹۸۴-جو ایلده ده ریگانین پرزیدنتلیگی دؤورونده اس اس ار ای ایله موناقیشه سببیندن یونسکو-دان چیخمیشدی و یالنیز ۲۰۰۲-جی ایلده بوشون زامانیندا یئنیدن عضولویونو برپا ائتدی. آمریکا حاضردا یونسکو-دان چیخما سببینی ایکی عاملله ایضاح ائدیر: بیرینجیسی، تشکیلاتا ان چوخ عضولوک حاقی وئرمه‌سینه باخمایاراق، بونون هئچ بیر فایداسینی گؤرمه‌مه‌سی، دیگر سبب کیمی ایسه ایرینا بوکووانین آنتی-ایسرایل مؤوقعیی توتماسی".

پولیتولوگ وورغولاییب کی، آمریکا عضولوکدن چیخسا دا، موشاهیده‌چی اؤلکه کیمی قالماغی پلانلاشدیریر:

"حاضردا تشکیلاتدا سس وئرمه حقوقو اولان ۱۹۵ عضو اؤلکه، ائلجه ده اونون یانیندا موشاهیده‌چی ایستاتوسو اولان ۱۲ اؤلکه وار. آمرکیا ۲۰۱۸-جی ایلین دکابرین ۳۱-ده عضولوکدن چیخماسینی رسمیلشدیرمیی پلانلاشدیریر. عینی زاماندا آمریکا و ایسرایل ۲۰۱۱-جی ایلده‌ن یونسکو-یا عضولوک حاقی اؤدمیرلر. فیلیسطینین تشکیلاتا عضو قبول ائدیلمه‌سیندن سونرا تشکیلاتین بودجه‌سی ۲۲ فایز آزالیب".

پولیتولوگ قید ائدیب کی، آمریکانین یونسکو-دان چیخماسینی اونون بمت سیستمینی ترک ائتمه‌سینین ایلک مرحله‌سی کیمی قیمتلندیرمک اولار:

"بوندان سونرا مرحله‌لی شکیلده تشکیلاتین دیگر قوروملاریندان دا اوزاقلاشما پروسسی داوام ائد‌جک، نتیجه‌ده سویوق محاربه دؤورونون رئاللیغینی عکس ائتدیرن بمت تمامیله لغو اولونا بیلر. آمرکیا آرتیق دونیانین ایداره اولونماسینی بمت واسطه‌سیله، یاخود اورادا رقیب روسییا، چینله راضیلاشدیرماقلا یوخ، تکباشینا و یا متفیقلرینین، اؤز یاراتدیغی کوالیسییالارین کمکیله حیاتا کئچیرمک ایستییر. چونکی روسییا، چین کیمی گئوسییاسی رقیبلر چوخ زامان تهلوکه‌سیزلیک شوراسیندا وتو حقوقوندان ایستیفاده ائتمکله آمریکانین ال-قولونو باغلاییرلار. دوشونورم کی، بوتون اعتراضلارا باخمایاراق، آمریکا اؤز مقصدینه نایل اولاجاقدیر. هر شئی مدنیتله باشلاییر. بمت-نین گله‌جک تالعیینین ده مدنیت، تحصیل، علم قورومونون وضعیتی ایله سیخ باغلی اولدوغو آرتیق آچیق-آیدین هیسس اولونور".

قید ائدک کی، یونسکو-نون اجرا شوراسی سس وئرمه‌نین دؤردونجو توروندا دا تشکیلاتین یئنی باش دیرکتورونو سئچه بیلمه‌ییب. نؤوبتی تور بو گون کئچیریله‌جک.

تاریخ
2017.10.13 / 11:52
مولف
Axar.az
شرح لر
دیگر خبرلر

ایلهام علیئو سرکیسیانلا تکبتک گؤروشدو - فوتو

آمئریکا ایرانی رسما شانتاژ ائدیر – آنالیتیک

تهرانین داورانیشی ترامپین خوشونا گلمیر - میلت وکیلی

پرزیدنت و خانیمی ایچری شهرده تندیر چؤریی کسدی - فوتو

قاراباغی ایستییرلر؟ اوندا دربند، بورچالی، تبریزی...

موسکوا-باکی-تهران فورماتین‌دا ماراقلاریمیز... – شرح

روسییا رئگیوندا محاربه‌نی کؤروکلییر – شرح

آمریکا آذربایجانی واجیب طرفداش حساب ائدیر - پنتاگون

آلیشان: تهراندا ۱۱ ائولیلیک تکلیفی آلدیم -فوتو

ذاکیر حسنوو بئلاروسا گئتدی

خبر خطّی
 
Axar.az'da reklam Bağla
Reklam
Bize yazin Bağla