Axar.az
یوخاری


قارا قارایئوله آذربایجان خالقی آراسینداکی اوچوروم

آنا صحیفه ایدمان
12 Punto 14 Punto 16 Punto 18 Punto

بیر نئچه گون اؤنجه گؤرکملی آذربایجان بسته کاری قارا قارایئوین ۱۰۰ یاشی قئید اولوندو. قارا قارایئو حاقیندا هر زامان دیرلی فیکیرلر ائشیتمیشیک، اونون آدی همیشه آذربایجان بسته کارلیغی ایله یاناشی چکیلیب. آذربایجان بسته کارلیغی دئیه‌نده قارا قارایئو یادا دوشوب. قارا قارایئو آذربایجان بسته کارلیغینی مودرن سوییه‌یه، اینتللکتوال مرحله‌یه قالدیران شخص ساییلیب.

دوغروسو یوخاریدا سسلندیردییم فیکیرلر منیم شخصی قناعتیم دئییل. قارا قارایئو حاقیندا موختلیف زامانلاردا موختلیف یئرلرده راست گلدییم سؤزلردیر، اؤز آدیمدان دیله گتیردیم.

بس منیم اوچون قارا قارایئو کیم‌دیر؟

آچیغی بیر نئچه بسته‌سینه، بعضی اثرلرینه قولاق آسسام دا قارا قارایئو منه چاتماییب. هر دفعه اونون بسته‌لرینی دینله‌مه‌یه جهد گؤسترسم ده اؤزومده هئچ بیر تأثیر حیس ائتمه میشم. داها دقیقی؛ البته منه تأثیر ائد‌ن بسته‌لری اولوب، آنجاق بونلار بوتؤولوک‌ده قارا قارایئو دوهاسینی درک ائتمک اوچون بس ائتمه‌ییب. اونون یارادیجیلیغی حاقین‌دا دئییله‌نلرله اونون موسیقی‌سیندن دویدوقلاریم آراسیندا موقاییسه‌یه گلمه‌یه‌جک درجه‌ده فرق اولوب. سانکی اؤزومله اونون آراسیندا بیر باریئر حیس ائتمیشم. اونون یارادیجیلیغی، دونیاسی ایله کونتاکتا کئچه بیلمه میشم. آرامیزدا درین اوچوروم اولوب.

بونو طبیعی کی، اؤزوم اوچون بؤیوک ناقصلیک حساب ائدیرم. آنجاق یئری گلیب دئییم؛ اگر بو ناقصلیکدیرسه او زامان فیکرت امیرووون بسته‌لرینی نیه دویا بیلیرم، اونلار منه نیه تأثیر ائدیر

منه ائله گلیر، ایچی اؤزوم قاریشیق آذربایجان خالقی ایله قارا قارایئو یارادیجیلیغی آراسیندا بؤیوک اوچوروم وار. اونون یوز یاشینی قئید ائتمه ییمیزه باخمایین، بیز اوندان دونیاسیندان کیلومترلرجه اوزاقداییق.
قناعتیمی دقیقلشدیرمک اوچون ذؤوقونه ایناندیغیم بیر نئچه دوستومون دا فیکرینی اؤیرندیم. اونلار دا قارا قارایئو موسیقیسینی بیر او قدر آنلایا بیلمه دیکلرینی دئدیلر. (دوزدور، آرادا ایچیمه شوبهه دوشدو کی، بلکه سبب هئچ بیزده دئییل... سونرا گؤزو چیخمیش قارداشلاریمدان چکینیب درحال دا فیکریمدن داشیندیم).
بونو اؤزوموزون فاجعه‌میز حساب ائدیرم. حتی بیر دفعه ائشیتمیشدیم کی، اؤز دؤورونده بئله قارا قارایئوین موسیقیسی آرتیق دونیادا مودرن حساب ائدیلمیردی، کئچیلمیش مرحله ساییلیردی. ایندی گؤر بیز نه گوندییک کی، قارا قارایئوین موسیقیسی بیزیم اوچون اولترامودرن حساب اولونور، یاد گلیر، باشا دوشه بیلمیریک.

گؤره‌سن، قارا قارایئو موسیقیسینی آنلاماق اوچون نه ائدک؟

هاردان باشلایاق، نه اوخویاق، نه اؤیرنک

نئجه ائدک کی، اونو یاخیندان دویا بیلک؟

یوخسا ائله همیشه بئله قالاجاغیق؟

قارا قارایئو اؤز اورستینده، بیز اؤز ماریانامیزدا.

تاریخ
2018.02.11 / 19:20
مولف
Axar.az
شرح لر
دیگر خبرلر

سیمئونئ‌دن آچیقلاما: «قاراباغ»لا اویوندان سونرا…

روس میلیاردره بریتانییادا شوک قاداغا

قادین گولشچیمیزدن بؤیوک اوغور: حربچیلر آراسیندا...

ارتغرول ساغلام تراختوردان گئتدی

مارادونانین بورا گلیشی قاقارینین کوسموسا...

تانینمیش فوتبولچو "قاراباغ"دان گئتدی

سابیق فوتبولچو قضادا اؤلدو

برزیلییالی اولدوز "قاراباغ"دان گئتدی

«تراکتور» فوتبول کلوبو ساتیلیر – قیمت...

رونالدودان فرگوسئنه دستک: گوجلو اولون!

خبر خطّی
 
Axar.az'da reklam Bağla
Reklam
Bize yazin Bağla