Axar.az
یوخاری
19 آوقوست 2018


روبل، لیره، ریال اؤلور: ماناتا نئجه تأثیر ائد‌جک؟ – شرح

آنا صحیفه ایقتیصادیات
12 Punto 14 Punto 16 Punto 18 Punto

آذربایجان ماناتینین مزه‌ننه‌سینه نفتله یاناشی، آذربایجانین غیری-نفت ایخراجاتیندا آپاریجی پایا مالیک اولان اؤلکه‌لرین والیوتالارینین مزه‌ننه‌سینین نئجه دییشمه‌سی ده تأثیر ائدیر.

بو سؤزلری آخار. آذ-ا آچیقلاماسین‌دا اقتصادچی عالیم ووقار بایراموو دئییب. او بیلدیریب کی، ماناتین ثابت قالماسی اوچون اساس فاکتور نفتدیر:

«چونکی نفتین دونیا بازار قیمتی اؤلکه‌یه داخیل اولان والیوتانین هجمینی معینلشدیریر. نفتین دونیا بازار قیمتی یوکسک اولدوغو حالدا اؤلکه‌یه داها چوخ والیوتا داخیل اولور کی، بو دا سؤزسوز کی، آذربایجان ماناتینین مزه‌ننه‌سی اوچون اهمیت‌لیدیر. آذربایجانین ایستراتژی والیوتا احتیاطلاری بو ایلین ایلک یاریم ایلینده آرتاراق، ۴۴،۳ میلیارد دوللار اولوب و بو، چوخ یاخشی گؤستریجیدیر».

اکسپرت بیلدیریب کی، قونشولارین میللی والیوتاسینین دورومو بیزیم اوچون موهومدور:

«خصوصیله روبلون مزه‌ننه‌سی آذربایجان اوچون اهمیتلیدیر. چونکی آذربایجانین غیری-نفت ایخراجاتینین ۳۶%-ی روسییانین، ۲۴%-ی ایسه تورکییه‌نین پایینا دوشور. ساده‌جه اولاراق، تورکییه‌یه گؤندردییمیز محصوللارین موقاییسه‌لی اوستونلویو وار. بورادا انرژی محصوللاری خصوصی یئر توتور. نتیجه اعتباری ایله تورک لیره‌سینین اوجوزلاشماسی آذربایجان ماناتینا بیرباشا تأثیر ائتمیر. اما روس روبلونون مزه‌ننه‌سی ماناتین مزه‌ننه‌سینه تأثیر ائتمک ایمکانینا مالیکدیر. چونکی آذربایجان آقرار ایخراجاتینین ۹۰%-ی روسییا بازارینین پایینا دوشور. اگر روسییادا روبل کسکین اوجوزلاشیرسا و ماناتین مزه‌ننه‌سی دییشمیرسه، او زامان آذربایجان محصوللارینین روسییا بازاریندا روبللا ایفاده‌سی باها اولور. نتیجه‌ده سؤزوگئدن محصوللارین رقابت ایمکانلاری خئیلی آزالیر. اونا گؤره ده روبلون کسکین اوجوزلاشماسی آذربایجانین روسییا ایخراجاتینا منفی تأثیر گؤستریر. بو دا ماناتا پسیخولوژی تأثیر یارادیر».

تاریخ
2018.07.20 / 10:55
مولف
Axar.az
شرح لر
دیگر خبرلر

نفت یئنی‌دن باهالاشدی

دلار بو گون نئچه‌یه‌دیر؟ – مزه‌ننه

لیره‌نی برانسون بحرانی چؤکدوردو؟ – اقتصادچی آچیقلادی

داها بیر قونشو اؤلکه‌نین پولو اوجوزلاشماغا باشلادی

لیره اوجوزلاشدی: تورک پلیسی آراشدیرمالارا باشلادی

«پئتکیم» آبش-این نفوذلو پروقرامینا عضو اولدو

ایران داها بیر آغیر ضربه: فرانسا ایران نفتین‌دن ایمتینا ائتدی

مرکزی بانکدان ماناتین مزه‌ننه‌سی ایله باغلی - آچیقلاما

باکی نفتی باهالاشدی

لیره‌یه آغیر ضربه: دوللار رکوردا یوکسلدی

خبر خطّی
 
Axar.az'da reklam Bağla
Reklam
Bize yazin Bağla