Axar.az
یوخاری
26 اییول 2017


پولون یوخدو؟ بیرآزدا آج گَز - شعر

آنا صحیفه کولت
12 Punto 14 Punto 16 Punto 18 Punto

موراد کهنه قالا 1959-جو ایل اوکتیابرین 15-ده توُووز رایونونون کهنه قالا کندینده آنادان اولوب. موسکوادا ماکسیم گورکی آدینا ادبیات اینستیتوتونو بیتیریب. "آلما احوالاتی" و "بولوت پنجره سی"کیتابلارینین مولفیدیر.

آخار.آذ موراد کهنه قالانین "دردآلگین" شعرینی تقدیم ائدیر:

دردالگین

(حب لرده)

ای گونشلی یوردوم شَرقلی اینسان!

نه وورولموسان بو غملره

نه عزیزلرسن اؤز دردینی؟

درد بلادان حَظّ آلیرسان

مانیاکمیسان؟

سنه وئریلن او ایشیق عؤمور

اوچوب گئدیر بیر اوُخ کیمی

آدام دا بو قدر دردباز اولارمی؟

کؤینه یین جیریقدی؟ -جهنه مه کی

بیرآزدا جیریق گَز!

دیشین یوخدو, پولون یوخدو

میریق گَز!

دابانی سورتولمئش, اوستو سؤکولموش

سو بوراخان او آیاق قابیینلا

بیر تَپیک ایلیشدیر دردین دالینا

گئتسین اؤز ایشینین دردینین دالینجا

ائوین یوخدو- نه اولسون کی؟

واغزاللارا

بینالارین دامینا نه گلیب؟

بئله شی دن درد یونوب, غم دوزلتمه!

پولون یوخدو؟ -بیرازدا آج گَز.

آج یالاواج گَزمه کدن

خوشبخت و گولمه لی

بیر شی وارمی دونییادا؟...

آج آجینا

کولکلی کوچه لرده وئییللنمه ک

بوش سوُک قابلارینی

سو قابلارینی

تپیکله مک درد چَکمک دن پیسدیمی؟

توتالیم, ائولنمیسن

ائوده اوشاقلارین وار

پولون آز, مواجیبین یوخ

نولسون؟

قازیب-قازیب درد چیخارتما بوندان

قوی بیراز دا آز یئسین آروادین

بیرازدا آریق اولسون

بیرازدا کاسیب گئیینسین

بیرازدا گؤده ک اولسون

قیزینین کؤهنه آیاق قابیسینین

سؤکولموش یئرلرینی اؤزون تیک

سن ساپی دیشینله دارتدیقجا

اوشافلارین گولوشه جک

نئجه دی؟ گؤزل دئییلمی؟

تکی آروادین سئوسین سنی!

قونشو اوشاقلاری باهالی گئیه ر

اؤزلری بیلر

قونشو آروادی خَز گئیه ر

قیزیل تاخار

اؤزلری بیلر

اوندا وار, سنده یوخدو

نولسون کی؟

سنده وار, اوندا یوخدو

نولسون کی؟

درده چئویرمه

زهریمارا دؤندرمه بونو!

قوی گولسونلر سنه

گولوب- گولوب آخیری یورولاجاقلار

عؤمور آخیر ایشیق کیمی

آروادین همیشه ناراضیدیرسا

دیرسا, دیرسه, دورسا

فیکیرلشمه یه دَیمز

آیریل گئتسین, بوشا گئتسین!

اوشاقلاری درد ائلمه

بورا باخ

یئنه درده تاخیلما!

اونلاری اوّلکیندن ده

گؤزل بؤیوده جکسن

توتالیم بیر ایشدی, دوشدون تورمه یه

نولوب

اؤزونو توتون کیمی بوکوب چَکیرسن

ایری آغیر فیکیرلرین

هامبالینا دؤنموسن

کونجلرده بوزوشوب

اوزونو علاوه قیریش یونورسان

گؤزون آیدین

نولسون حاقسیز توتولموسان؟

نه اوچون قان قوسمالیسان؟

دؤیه جکلر- دؤز گوله گوله

سؤیه جکلر – دؤز گوله گوله

بیچاق سوُخماق لازیمدیسا کیمه سه

فیکیرلشمک لازیم دئییل

اورداجا سوخ!

گوله لمک لازیمدییا

گوله له یئرینده جه!

سنی ده گوله له ییب یورتا بیلرلر

سنده اؤلمه لیسن هئچ درد ائلمه

عؤمور آخیب گئدیر ایشیق میثالی

آخماق کیمیا گرلر کیمی

هر شئی درد غمه چئویرمه!

غملی غملی اوخویوب

موغامدا زاریییرسان

بو جاوان یاشیندا نه قارییرسان

مایماقمیسان؟

او قوجا غزله نه کَرکینیرسن

مانیاکمیسان؟

توپوروم سنین او دردلی شعرینه

توپوروم سنین درده عتشیقلیینه!

حیاتا گل!

حیاتا گیر!

نه گؤلّه نیرسن؟

نه ایله نیرسن؟

عؤمور آخیب گئدیر ایشیق میثالی

دردین غمین وَرَمین

دالینا بیر تَپیک!

ایشیقلی دونییادا اونلارین

حؤرمتی یوخدو بیر قَپیک...

تاریخ
2016.12.03 / 13:54
مولف
Axar.az
شرح لر
دیگر خبرلر

مشهور روک قروپوندان تقدیرلاییق حرکت

تانینمیش آکتری‌سامیز کومایا دوش‌دو

ایران‌لی رئژیسسورون قاراباغلا باغلی فیل‌می - فوتو

آکیف ناغی: «منه عالیم قاسیموودان سوال وئرمه»

سئویلن قادینلارین ۶ واجیب - خصوصیتی

مشهور پولیتولوقون اوغلو ایسپانییادا مکافات آلدی - ویدئو

مشهور آپاریجی آتا اولدو

شاه اسماعیلین هیکلی گؤتورولور - رسمی

بنینگتون انتیحار ائتدی – ویدئو

بو گون اؤلن مشهورون - شوک وصیعتی

خبر خطّی
 
Axar.az'da reklam Bağla
Reklam
Bize yazin Bağla