Axar.az
یوخاری
22 فئورال 2018


بیزی هئچ بیر شئی موتلو ائتمه دی - شعر

آنا صحیفه کولت
12 Punto 14 Punto 16 Punto 18 Punto

ریضا طالیبی 1984-جو ایلده اورمییا شهرینده آنادان اولوب. او تهرانین سَتّاری اونیوئرسیتئتینده کوسموس (فضا) علم لری اوزره عالی تحصیل آلیب. داها سونرا تهرانین آزاد ایسلام اونیوئرسیتئتینین حوقوق فاکولته سینه داخیل اولوب. ریضا طالیبی ایلک پیئسینی 11 یاشیندا یازیب. 24 یاشیندا اونون ترجومه ائتدیگی کیتاب چاپ اولونوب، 25 یاشیندا ایسه "1915" اثری ایشیق اوزو گؤروب. ریضا طالیبی نین قلمی نین محصولو اولان :آیریلیق" پیئسی 2008-جی ایلده تهراندا چاپدان چیخیب.

ریضا طالیبی


بیزی هئچ بیر شئی موتلو ائتمه دی
نه مال، نه مولک، نه فاحیشه لرین گولوشو
بیزی هئچ بیر شئی
هئچ بیر شئی
....دولو دولو قدح لر، آمئریکا سئوداسی
پئلی ایستیشن ده کی رونالدو
حتتا دوغوم گونونو اونودماماق
بیزی هئچ بیر شئی موتلو ائتمه دی
اوشاغلیق رسیملریمیز؛ تورکییه ساققیزلاریندان چیخان قیز شکیلی
اوخول دان قاچماقلاریمیز، جومعه لر ناهارا کیمی یاتماقلار
بیزی هئچ بیر شئی....
محررم ائحسانلاری، ماشینی جوجه لر ؛ پالچیق ایچینده
کارت اوینامالار

نه بندده دستی چئکمه ک نه ده قونشونون قیز اوشاغینین آدینی سولماز قویماسی
بیزی هئچ بیر شئی موتلو ائتمه دی
نه شاه گؤلو، نه گجیل ده کی باغیرساقچی
نه ده ساعات قاباغیندا زیپی آچیق پولیس
اوف اوف
بیزی هئچ بیر شئی هئچ هئچ هئچ بیر شئی موتلو ائتمه دی
دوربینله قونشون قیزینی ایزله مک،
تووالتده سیقارئت چکمه ک، کافه لرده دوستلاری چئینه مک
نه دووارداکی شوعارلار
نه زیندان میله لری، نه بیر آرشین دیلیمیز
بیزی هئچ بیر شئی.....
نه قازئت ده کی آنتالیا رئکلاملاری؛ نه تجریش ده کی یدالله عمینین سوپورگه سی
نه بایرامداکی اولاشمایان اس ام اس لر، نه فئیسبوکداکی ساختا پروفیلیمز
نه بابامیزین جئبینده کی اوغورلانمیش کیملیگی
بیزی هئچ نه موتلو ائتمه دی
نه گیشا کؤرپوسونده آشاغی باخماق؛ نه قیزلارین ختنه سی؛ نه اوغلانلارین فشن باشی
نه موللانین منبر آرخاسی، نه کئشیش لرین قیزیل خاجی, نه ده حرمده کی یوروقون چوماقچی
بیزی هئچ نه موتلو ائتمه دی، نه فیفا, نه یوفا, نه ویجئیین فیلملری
نه آدم برفینین یاساغی
نه ده شهر چایینداکی چئدنه هئیجانی
بیزی موتلو ائتمه یه کیمسه گؤرولو دئییل!

تاریخ
2016.12.07 / 20:30
مولف
Axar.az
شرح لر
دیگر خبرلر

دهشتلی تدقیقات: علسگرین سنتی هاردادیر؟

ایلک عشقیمه بیرجه سنی ایستدیم...شعر

پیغمبرین واختین‌دا هامی لوت گزیردی، چونکی... - تاریخچی

بختیار واهابزادنین حیات یولداشی وفات ائتدی

"دیل ندیر؟ علاقه واسطه سی یا تفکور طرزی"...- ارسطو مجرد

خوجالینین «بؤیومه‌یه‌ن اوشاقلار»ی بوسنییا و هرزوگووینادا...

بیر جوت چهرایی رنگی - حکایه

آذربایجان تورکجه سینین اونودولما قورخوسو یوخدور- ابراهیم رشیدی

فارس دیلین اؤیرنیب دانیشیر آما تورکجه ...- بهزاد بیات فرد

آتاتورکون گیزلی وصیتی: یالنیز اردوغانا معلومدور - ویدئو

خبر خطّی
 
  
  
  
  
Axar.az'da reklam Bağla
Reklam
Bize yazin Bağla