Axar.az
یوخاری
15 اوکتیابر 2018


من اؤلسه‌م اگر- سایمان آروز

آنا صحیفه کولت
12 Punto 14 Punto 16 Punto 18 Punto

شاعر سایمان آروز آذربایجان یازیچیلار بیرلیینین گونئی آذربایجان شعبه‌سینین رهبری‌دیر. او، ۱۹۷۷-جی ایل مارتین ۲۷-ده آنادان اولوب. داها چوخ «یوز ایل اینقیلاب» رومانی ایله تانینیر.

آخار.آذ سایمان آروزون «من اؤلسه‌م اگر» شعرینی تقدیم ائدیر:

من اؤلسه‌م اگر

گونلرین بیر گونو من اؤلسه‌م اگر
جانی‌می گؤتوروب گئتسه‌م بورادان.
آیاغین آلتین‌دا تورپاغا دؤنسه‌م،
سنه خبر وئرسه‌م، باشقا دونیادان

جیسمی‌می گؤتوروب عکسه‌م تورپاغا
روحومو اوچورتسام سمایا بیر گون
سجده‌یه ییخیل‌سان تورپاغا سن ده
علینی قالدیرسان دعایا بیر گون...

آلنین‌دان اؤپجک تورپاق دوداغیم
سنه گؤیره‌جک قیزیل گول کیمی
قبریمین اوستونه دوزمیین اوچون
بیر نئچه نیسگیل‌لی قره‌نفیل کیمی...

گؤی‌دن تول‌لاناجاق روحوم اووجونا
یاغیشا، قارغیشا دولاجاق الین.
آدیمی سسله‌مک ایسته‌یه‌جک‌سه‌ن،
آغزین‌دا یارایا دؤنه‌جک دیلین.

من کی دیلیم-دیلیم یاشادیم، اما...
قبیرده بیر بوتؤو اینسان کیمییه‌م.
چوخ تاییم تبریزده قال‌سا دا بئله،
آذربایجان کیمی، توران کیمییه‌م...

بیر آخشام منیمچون داریخ‌سان اگر
بیر آز تورپاق گؤتور اوریینه قوی.
بیر آز ایسلانگینان یاغیشین آلت‌دا
بیرجه گون وطنی کوریینه قوی...

چکگینه‌ن میللتین آغیر یوکونو
کوریین، اوریین قابارا دؤنسون.
هامییا، هر کسه وطن اولگینان،
اما اؤز ایچین‌ده وطنین اؤلسون...

تاریخ
2016.12.12 / 19:20
مولف
Axar.az
شرح لر
دیگر خبرلر

آذری یا زبان باستان آذربایجان (جوابیه) کیتابی ایشیق اوزو گؤردو - فوتو

اومید نجارینین "دیوارلارین او تایی" کیتابی ایشیق اوزو گؤردو - تبریزده

طیاره‌نی ایلدیریم ووردو: شاهزاده و آروادی اؤلومدن دؤندو

اؤتن گونلر - ممد آراز

او داش آلتدا ممد آراز یاشاییر

آلمانییادا طلبه هارادا و نئجه یاخشی یاشایا بیلر؟

تبریزلی یازیچینین "دیوارلارین اوتایی" شعیر توپلوسو کیتابی نشر اولوندو

گونئی‌ده دیلیمیزه تحفه: بو جیزگی فیلمی دوبلیاژ ائدیلدی – ویدئو

گؤرمه پروبلمی ایله اوزلشن مشهور رساملار...

گونئی و قوزئیین بیرگه ایشی: ناهیده ایلک ماهنی‌سینی تقدیم ائتدی - ویدئو

خبر خطّی
 
Axar.az'da reklam Bağla
Reklam
Bize yazin Bağla