Axar.az
یوخاری


الیمدن قان اییی گلیر... - ویدئو

آنا صحیفه کولت
12 Punto 14 Punto 16 Punto 18 Punto

بو گون تانینمیش آذربایجان شاعری رامیز رؤشن ین ۷۰ یاشی تامام اولور.

آخار. آز خاطیرلادیر کی، رامیز رؤشن ۱۹۴۶-جی ایل دئکابرین ۱۵-ده باکینین امیرجان کندین‌ده آنادان اولوب. آذربایجان دؤولت اونیوئرسیتئتینین فیلولوگییا فاکولته‌سینی (۱۹۶۴-۱۹۶۹)، موسکوا آلی سئناری کورسلارینی (۱۹۷۶-۱۹۷۸) بیتیریب. جعفر جاببارلی آدینا «آذربایجان فیلم» کینوستودییاسین‌دا، «موزالان» ساتیریک کینوژورنال ایستودییاسین‌دا (۱۹۷۱) چالیشیب.

او، تکجه شعیرلری ایله دئییل، سسئناریلری ایله ده آذربایجان مدنیتینه تؤحفه وئریب. رامیز رؤشنین سسئناریلری اساسین‌دا بدیعی و سندلی فیلملر چکیلیب. شعیر و حکایه‌لری ترجمه ائدیله‌رک، کئچمیش اس اس ار ای رئسپوبلیکالارین‌دا، ائل‌جه ده آمئریکادا، آلمانییا، بؤیوک بریتانییا، فرانسا، پولشا (لهستان)، بولغاریستان، تورکییه و ایران‌دا چاپ اولونوب.

رامیز رؤشن آذربایجان پوئزییاسین‌دا یئنی مرحله یارادان شاعرلردن حساب اولونور.

تصادفی دئییل کی، آللاه و اؤلوم، اینسان رامیز رؤشن یارادیجیلیغین‌دا دومینانتلیق تشکیل ائدیر. رامیز رؤشن کلاسسیک هئجا وزنین‌ده ده یازدی، عروضدا دا. لاکین او، آذربایجان پوئزییاسینا یئنی بیر پوئتیک سیستئم، دوزوم گتیردی. اونون ان چوخ سئویلن شئیرلرین‌دن بیرینه باخین:

یئری-یئری قارا پالتارلی قادین

کیری-کیری قارا پالتارلی قادین.

بو قبیر ده مین قبیردن بیری‌دیر

باش داشی‌می بس‌دیر باسدین باغرینا.

بوتون منی آغلایانلار کیری‌دی

سن ده کیری قبریم دامیر، آغلاما.

بو فیکیر آنجاق رامیز رؤشنه مخصوص اولا بیله‌ن مئتافیزیک فیکیردیر».

شاعرین «گئدک بیز اولمایان یئره» و «آیری‌لیق» شئیرلرینی تقدیم ائدیریک:

گئدک بیز اولمایان یئره

گل ال-اله توتوب گئدک

گئدک بیز اولمایان یئره.

هر دردی اونودوب گئدک،

دردیمیز اولمایان یئره.

بوردا قویاق اؤزوموزو،

بو قیریشان اوزوموزو

بو کؤهنلمیش سؤزوموزو،

گئدک سؤز اولمایان یئره.

بیر کیمسه توتماسین خبر،

گل چیخیب گئدک بیرتهر.

بو ائو، بو کوچه، بو شهر،

بو دنیز اولمایان یئره.

...آتام اوغلو، آز چاپالا

سن دئین چتین تاپیلا.

بو رامیزی کیم آپارار،

بو رامیز اولمایان یئره؟!

آیری‌لیق

یئنه بو شهرده اوز-اوزه گلدیک،

نئیلیک، آیریجا شهریمیز یوخ.

بلکه ده، بیز خوشبخت اولا بیلردیک،

بلکه ده، خوشبختیک، خبریمیز یوخ.

آرادان نه قدر ایل کئچیب گؤره‌ن، -

تانییا بیلمدیم، منی باغیشلا.

من ائله بیلیردیم، سن‌سیز اؤلره‌م،

من سن‌سیز اؤلمدیم، منی باغیشلا!

«اؤلمدیم» دئییرم، نه بیلیم آخی، -

بلکه ده، من سن‌سیز اؤلموشه‌م ائله،

قبیرسیز-کفن‌سیز اؤلموشه‌م ائله.

بلکه ده، بیز اوندا آیریلماسایدیق،

نه من ایندیکیدیم، نه سن ایندیکی، -

آیریلدیق، شیطانی گولدوردوک اوندا؛

بو ایلین، بو آیین، بو گونون‌ده‌کی،

ائله بو کوچه‌نین بو تینین‌ده‌کی

منی ده، سنی ده اؤلدوردوک اوندا.

...ساغیمیز-سولوموز آداملا دولو،

قول-قولا کیشیلر، قادینلار کئچیر.

اؤزون‌دن خبرسیز، عؤمرون‌ده مین یول

اؤزونو اؤلدوره‌ن آداملار کئچیر.

کئچیر اؤز قانینا قاتان آداملار،

بیر ده کی، قان هانی؟

قان آخی یوخ‌دو.

هامی گوناهکاردی دونیادا، اما

دونیادا هئچ کسین گوناهی یوخ‌دو.

بیزسیز یازیلمیش‌دی بو تالع، بو باخت،

ساپانددان آتیلان بیر جوت داشیق بیز.

بلکه بو دونیادا اون-اون بئش ایل یوخ،

مین ایل بون‌دان قاباق آیریلمیشیق بیز.

حالال یولوموزو دییشیب، نسه

چاشمیشیق، بیر اؤزگه یولدان گئتمیشیک.

بلکه مین ایل قاباق سهو دوشوب نسه،

مین ایل‌لیک بیر سهوه قوربان گئتمیشیک.

دییشیب یئرینی بلکه قیش-باهار،

قاریشیب دونیانین شهری، کندی.

بلکه اؤز بطنین‌ده اؤگئی آنالار

اؤگئی بالالاری گزدیریر ایندی.

عؤمروم باش‌دان-باشا یالان‌دی بلکه،

تالعیم باشقایمیش دوغرودان ائله.

او یولدان اؤت‌ن قیز، آنام‌دی بلکه،

بلکه ده، اوغلومدو بو اوغلان ائله.

بو یالان عؤمروم‌ده

گؤره‌ن سن نسه‌ن؟

بلکه هئچ سئوگیلیم دئییل‌سن منیم.

آنام‌سان، باجیم‌سان، ننه‌م‌سه‌ن، نسه‌ن؟!..

بیرجه آللاه بیلیر، نییم‌سه‌ن منیم.

بیزی کیم آددادار بو آیری‌لیق‌دان،

چاتماز دادیمیزا، نه یول، نه کؤرپو.

اؤلوسن، دیری‌سن، هر نسن، دایان!

دایان، هئچ اولماسا الین‌دن اؤپوم...

دئییرسن: «اؤلویه‌م، اؤلونو اؤپمه...»

الیمین ایچین‌ده، سویویور علین.

دئییرسن: «سن آلله، علی‌می اؤپمه،

علیم‌دن، دئیه‌سه‌ن، قان اییی گلیر...»

تاریخ
2016.12.15 / 12:00
مولف
Axar.az
شرح لر
دیگر خبرلر

۱۴۵ مین لیره‌یه گؤره ساققال بوراخیر

ناظر معاوینی ایراندا: بیرجه دفعه تبریزی گؤرمک…

تبریزین اعجازکار آلاداغلاری - فوتو

تبریزده «کور اوغلو» اوپراسی سسلندی

یونسکو ارسباران قوروقلارینی قیدیاتا آلیر - فوتولار

ایراندا آذربایجان مدنیت گونلری کئچیریلیر - فوتو

بو ایل آذربایجانلی مغننیلرین توی قیمتی - سیاهی

خاطیرلاتما: یالنیز ۴۰ یاشینا کیمی مؤلفلر...

بو کیتاب اونو اوخویانلاری دلی ائدیر- فوتو

اینگیلتره مشهور مکافاتی ایلک دفعه تورکه وئردی

خبر خطّی
 
Axar.az'da reklam Bağla
Reklam
Bize yazin Bağla